Бозиҳои VIII зимистонаи осиёӣ дар Саппоро оғоз ёфтанд

Февраль 20, 2017 13:44

ДУШАНБЕ, 20.02.2017 /АМИТ «Ховар»/. Бо баргузории маросими ифтитоҳи Бозиҳои VIII зимистонаи осиёӣ дар шаҳри Саппорои Ҷопон 19 феврал бозиҳо расман оғоз ёфтанд ва то 26 феврал дар шаҳрҳои Саппоро ва Обиҳирои Япония идома хоҳанд кард. Дар ин мусобиқот беш аз 1500 варзишгар аз 30 кишвар ширкат менамоянд.
Бозиҳо аз рӯи 11 намуди варзиш — биатлон, лижаронии кӯҳӣ, кёрлинг, конкитозӣ, пойгаи лижаронӣ, ҷаҳиш бо лижа аз трамплин, сноуборд, рақси рӯи ях, фристайл, хоккей ва шорт-трек гузаронида мешаванд.
Ба иттилои Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон, ба ҳайати дастаи мунтахаби кишвар Баҳриддин Ғоибов, Баракатулло Зокиров, Сайфиддини Низомиддин ва Соҳибназари Турсунмурод дохиланд. Варзишгарони тоҷик дар сабқати лижаронии кӯҳӣ дар навъҳои слаломи хурд ва слаломи бузург ширкат хоҳанд кард.
Варзишгарони тоҷик ба ин мусобиқоти пурнуфузи қитъавӣ дар Маҷмааи лижаронии кӯҳии «Сафед-Дара»-и ноҳияи Варзоб омодагӣ гирифтаанд.
Бояд тазаккур дод, ки шаҳри Саппоро маротибаи сеюм мизбони Бозиҳои зимистонаи осиёӣ мегардад. Аз ин пеш солҳои 1986 ва 1990 дар ин ҷо Бозиҳои зимистонаи қитъавӣ баргузор шуда буданд. Саппоро ҳамчунин соли 1972 Бозиҳои XI зимистонаи олимпиро низ ба оғӯш гирифта буд. Дар ин шаҳр бозиҳои Ҷоми ҷаҳон оид ба футбол дар соли 2002 низ гузашта буданд.

Февраль 20, 2017 13:44

Хабарҳои дигари ин бахш

Варзишгарони ҷавони тоҷик дар мусобиқаҳои байналмилалӣ оид ба бокс дар Остона ва Боку сазовори медалҳои биринҷӣ гардиданд
Имрӯз мусобиқаи «Antalya Grand Slam-2024» оид ба ҷудо оғоз мешавад
Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»
ҶОМИ ҶАҲОН-2026. Имрӯз дастаи мунтахаби Тоҷикистон дар марҳилаи интихобӣ бо тими Арабистони Саудӣ бозӣ менамояд