Дар деҳаи Миёнадуи ҷамоати деҳоти Сангвор бинои маркази саломатӣ бунёд мешавад

Февраль 4, 2017 10:25

ДУШАНБЕ, 04.02.2017. /АМИТ «Ховар»/. Тавассути ҳамаи сарчашмаҳои маблағгузорӣ соли 2016 дар ноҳияи Сангвор ба маблағи 4 миллиону 725 ҳазору 953 сомонӣ корҳои сохтмонӣ ба итмом расиданд. Сохтмонҳое, ки дар соли 2016 ба анҷом нарасиданд, дар соли 2017 идома меёбанд. Аз ҷумла, сохтмони 5 синфхонаи иловагӣ дар назди муассисаи таҳсилоти миёнаи умумии №55 деҳаи Сайёди ҷамоати деҳоти Вахё бо маблағи 580 ҳазор сомонӣ, кашидани хати барқ дар мавзеи Хуҷапулоди деҳаи Ёзғанди ҷамоати деҳоти Тавилдара ба маблағи 124 ҳазору 382 сомонӣ, сохтмони бинои маркази саломатӣ дар деҳаи Миёнадуи ҷамоати деҳоти Сангвор ба маблағи 2 миллион сомонӣ, таъмири асосии шуъбаи бемориҳои дарунии Беморхонаи маркази ноҳия бо маблағи 200 ҳазор сомонӣ, таъмири пурраи бинои Маркази калонсолон дар маркази ноҳия бо маблағи 300 ҳазор сомонӣ, таъмири пурраи 4 синфхонаи муассисаи таҳсилоти миёнаи умумии №2, деҳаи Чилдараи ҷамоати деҳоти Чилдара ба маблағи 165 ҳазор сомонӣ. Сохтмонҳое, ки дар соли 2017 идома меёбанд, дар маҷмӯъ 3 миллиону 369 ҳазору 382 сомониро ташкил медиҳанд.
Дар ин бора зимни нишасти матбуотӣ Раиси ноҳияи Сангвор Зарифхӯҷа Шоҳиён ба хабарнигорон иттилоъ дод.
Рӯзноманигорон дар нишаст ба Раиси ноҳия оид ба масъалаҳои марбут ба ҳаёти иқтисодию иҷтимоии ноҳия, омодагӣ ба ҷашни 20- солагии Рӯзи Ваҳдати миллӣ, иҷрои қисми даромад ва хароҷоти буҷети ноҳия, таъмини нафақа ва маош, соҳаи чорводорӣ, рушди соҳаи занбӯрпарварӣ, ҳифзи иҷтимоии аҳолӣ, ҷараёни корҳои ободонию созандагӣ дар ноҳия, ҳолати зимистонгузаронӣ, рушди соҳаи варзиш ва фарҳанг, оқилона ва самаранок истифода бурдани замин, васеъ гардонидани майдони кишти картошка ва кишту кори баҳорӣ савол дода, посухҳои мушаххас гирифтанд.

Февраль 4, 2017 10:25

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт