Дар Донишгоҳи давлатии шаҳри Хоруғ конфронси илмӣ- оммавии «Об барои рушди устувор» доир шуд

Февраль 14, 2017 17:02

ХОРУҒ, 14.02.2017. /АМИТ «Ховар»/. Бо пешниҳоди Президенти Ҷумҳурии Тоҷикистон Эмомалӣ Раҳмон Созмони Милали Муттаҳид солҳои 2018- 2028-ро Даҳсолаи байналмилалии «Об барои рушди устувор» эълон кард. Тоҷикистон яке аз кишварҳои дорои захираҳои бузурги пиряхҳо мебошад, ки он манбаи асосии оби рӯдхонаҳои дохилӣ ва фаромарзӣ ба шумор меравад. Бо ин мақсад дар шаҳри Хоруғ конфронси илмӣ- оммавии «Об барои рушди устувор» доир шуд
«Яке аз ин пиряхҳо мавсум ба Федченко аст, ки дарозии он 70 километр ва ғафсияш бештар аз ҳазор метр мебошад. Оби дарёи Ванҷоб аз ин пирях сарчашма мегирад ва баъдан ба рӯдхонаи Панҷ ҷорӣ мешавад. Вазифаи сокинони ВМКБ, ки дар саргаҳи обҳои Осиёи Марказӣ сукунат доранд, ҳифз ва ҳамеша пок нигаҳ доштани ин туҳфаи бебаҳои табиат мебошад»,- изҳор дошт муовини сардори Раёсати ҳифзи муҳити зисти ВМКБ Фарҳод Мамадназарбеков дар конфронси мазкур.
Коршиносони масоили экологӣ зимни корҳои тадқиқотӣ ба ин натиҷа расиданд, ки дар чил соли оянда ба иллати гармшавии иқлим миллионҳо сокинони сайёра бо камбуди оби ошомиданию полезӣ рӯ ба рӯ шуда, иҷборан макони зисти худро дар ҷустуҷӯи об тарк мекунанд. Ба гуфтаи Фарҳод Мамадназарбеков, кишвари мо ба ҷуз пиряхҳои зиёди хурду бузург, ҳамчунин дорои ҳавзу кӯлҳо бо захираи кофии обҳои поку мусаффо мебошад. Алъон дар хоҷагии халқ танҳо оби кӯли Яшикӯд истифода мешавад. Дарозии ин кӯл 26 километр буда, зиёда аз 300 миллион метри мукааб оби тозаро дар худ ғунҷонидааст. Ҳамасола мутобиқи шартномаи байни Ҷумҳурии Тоҷикистон ва Бонки ҷаҳонӣ миқдори муайяни оби ин кӯл бо мақсади ба гардиш даровардани чархҳои Неругоҳи барқи обии «Помир-1» истифода мешавад.
Дар конфронси мазкур зикр гардид, ки сарфи назар аз захираи кофии оби пок ва полезӣ ба зиёдаравӣ дар баҳрабардорӣ аз он роҳ набояд дод.

Февраль 14, 2017 17:02

Хабарҳои дигари ин бахш

Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд