Дар Душанбе ҷаласаи шашуми Шӯро оид ба шарикии давлат ва бахши хусусӣ баргузор гардид

Феврал 13, 2017 16:55

Хабарҳои мавзӯъ

ВСва Савдо (1)

ДУШАНБЕ, 13.02.2017 /АМИТ «Ховар»/. Имрӯз дар Вазорати рушди иқтисод ва савдои Ҷумҳурии Тоҷикистон ҷаласаи шашуми Шӯро оид ба шарикии давлат ва бахши хусусӣ таҳти раёсати муовини якуми Сарвазири Ҷумҳурии Тоҷикистон, Раиси Шӯро оид ба шарикии давлат ва бахши хусусӣ Давлаталӣ Саид баргузор гардид.
Дар кори ҷаласа Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон, муовини Раиси Шӯро, аъзои Шӯро, роҳбарони вазоратҳои адлия, молия, рушди иқтисод ва савдо, Кумитаи давлатии идораи замин ва геодезӣ, Кумитаи меъморӣ ва сохтмон ва котиби Шӯро, Директори Муассисаи давлатии «Маркази татбиқи лоиҳаҳои шарикии давлат ва бахши хусусӣ иштирок намуданд. Роҳбарони вазоратҳои кишоварзӣ, нақлиёт, маориф ва илм, тандурустӣ ва ҳифзи иҷтимоӣ, энергетика ва захираҳои об, роҳбарони маъмурияти минтақаҳои озоди иқтисодии «Данғара» ва «Суғд», шарикони рушд, коршиносони соҳа ва намояндагони бахши хусусӣ низ дар ҷаласа даъват шуда буданд.
Тавре ки хабарнигори АМИТ «Ховар» аз макони баргузории ҷаласа хабар дод, дар ҷаласа Насим Олимзода, Вазири тандурустӣ ва ҳифзи иҷтимоии аҳолии Ҷумҳурии Тоҷикистон вобаста ба лоиҳаи «Таъсиси Маркази мубориза бар зидди гепатитҳои вирусӣ», ташаббус ва пешниҳоди лоиҳаи «Сохтмони Маркази хизматрасонии тиббӣ ва маишӣ дар шаҳри Истаравшан», Усмоналӣ Усмонзода, Вазири энергетика ва захираҳои оби Ҷумҳурии Тоҷикистон оид ба лоиҳаи «Сохтмони неругоҳҳои барқи обӣ дар ҳавзаи дарёи Зарафшон ва дигар дарёҳо», Неъматулло Ҳикматуллозода, Вазири рушди иқтисод ва савдои Ҷумҳурии Тоҷикистон доир ба лоиҳаҳои «Сохтмони инфрасохтори аввалия», «Сохтмони хати роҳи оҳан» ва «Барқарорсозии системаи оби нӯшокӣ» дар МОИ «Суғд» гузориш доданд.
Дар ҷаласаи Шӯро лоиҳаҳои «Таъсиси Маркази мубориза бар зидди гепатитҳои вирусӣ», «Сохтмони Маркази хизматрасонии тиббӣ ва маишӣ дар шаҳри Истаравшан», «Сохтмони неругоҳи барқи обии хурди Ҳафткӯл» мавриди баррасии аъзои Шӯро қарор гирифта, ба тариқи механизми шарикии давлат ва бахши хусусӣ амалишавии онҳо қарорҳои дахлдор бароварда шуд.
Дар айни замон ба воситаи ин механизм тибқи қарорҳои Шӯро ду лоиҳа дар самти хизматрасонии иҷтимоӣ- лоиҳаи «Таҷдид ва идоранамоии кӯдакистони №133 шаҳри Душанбе» ва дар самти энергетика лоиҳаи «Сохтмони хати интиқоли барқ ба МОИ «Данғара» амалӣ шуда истодаанд.
Механизми шарикии давлат ва бахши хусусӣ яке аз роҳҳои муосири ҷалби сармояи хусусӣ дар иҷрои уҳдадориҳои давлатӣ буда, ба ин васила метавон хизматрасониҳои иҷтимоӣ ва таъсиси инфрасохторро ба роҳ монд.

Феврал 13, 2017 16:55

Хабарҳои дигари ин бахш

IMG_0381Муаррифии Стратегияи миллии рушди Тоҷикистон барои давраи то соли 2030 дар Брюссел
Парчами Точикистону Арабистони СаудиСозишномаи қарзӣ баҳри татбиқи лоиҳаи «Сохтмон ва муҷаҳҳазгардонии як қатор мактабҳои миёна, марҳалаи 4» миёни Ҳукумати Тоҷикистон ва Сандуқи Рушди Саудӣ
18518979_1463220237061632_38806735_oДар Ҷидда Созишномаи қарзӣ барои татбиқи лоиҳаи «Сохтмони роҳи мошингузари Кӯлоб- Қаълаихумб, минтақаҳои A ва F» ба имзо расид
Ш. Зухуров ва Пан ЮнхеМубодилаи мол байни Тоҷикистону Чин дар соли 2020 ба 3 миллиард доллар расонида хоҳад шуд
DSC_0381+Дар «Кохи Борбад» намоиш-фурӯши маҳсулоти ширкатҳои ватанӣ доир шуд
БМБонки миллӣ фаъолияти ташкилотҳои қарзии «Асрина» ва «Армон»-ро қатъ гардонид
????????????????????????????????????Баррасии дурнамои рушди бозори байнибонкӣ дар Тоҷикистон
????????????????????????????????????Ҳамкории Бонки миллии Тоҷикистон ва Иттиҳод оид ба дастрасии молиявӣ (AFI)
Форуми Сохбкорони КАЗ+ТОЧ (14)Қазоқистон баъд аз Россия ва Чин дар рушди иқтисоди Тоҷикистон ҷойгоҳи арзишманд дорад
Форуми Сохбкорони КАЗ+ТОЧ (5)Ба имзо расидани қарордод ба маблағи $ 3 миллион байни «Amitech Astana» ва «ПластСервис»-и Тоҷикистон
Бизнес Форум (2)Дар Душанбе имкониятҳои иқтисодию тиҷоратии Тоҷикистону Ӯзбекистон муаррифӣ шуданд
Доллар-0Шарҳи навбатии Бонки миллии Тоҷикистон оид ба вазъи қурби пули миллӣ ва бозори дохилии асъор