Дар Душанбе ҳаракати нақлиёт ба низом медарояд

Феврал 10, 2017 12:02

Хабарҳои мавзӯъ

Душанбе-42

ДУШАНБЕ, 10.02.2017 /АМИТ «Ховар»/. Аз охири моҳи январи соли равон дар нақшаи хатсайри микроавтобусҳое, ки аз кӯчаи Н. Қарабоеви ноҳияи Фирдавсӣ баъзе қисман, баъзе пурра мегузаштанд, тағйирот ворид гардид. Тибқи нақша, оянда дар ин кӯча асосан автобус ва троллейбусҳо мусофир мекашонанд.
Тавре Абдумаҷид Ҳакимзода, мудири шуъбаи таҳлилӣ ва иттилоотии дастгоҳи Раиси шаҳри Душанбе зикр кард, иҷрокунандаи раиси шаҳри Душанбе Рустами Эмомалӣ фаъолияти кории худро аз ин иқдоми наҷиб шурӯъ намуд, ки он барои ба танзим даровардани ҳаракати воситаҳои нақлиёти мусофиркаш дар кӯчаву хиёбонҳои пойтахт ва баланд бардоштани сатҳи хизматрасонӣ ба сокинону меҳмонони шаҳр нигаронида шудааст.
Хуршед Кабиров, мудири шуъбаи нақлиёт ва нигоҳдории роҳҳои дастгоҳи Раиси шаҳри Душанбе, дар ин маврид изҳор дошт, ки тағйироти мазкур бо мақсади ба низом даровардани ҳаракати воситаҳои нақлиёт, паст кардани шиддатнокии ҳаракат, аз байн бурдани танбашавии воситаҳои нақлиёт дар қисмати чорроҳаҳои Н. Қарабоев Абай, назди бозорҳои «Саховат», «Корвон» ва дар ин замина ҷоннок намудани фаъолияти автобус ва троллейбусҳо ворид гардидаанд.
Тавре аз Муассисаи давлатии коммуналии «Душанбенақлиётхадамотрасон» — и шаҳри Душанбе иттилоъ доданд, айни ҳол микроавтобусҳое, ки аз кӯчаи Н. Қарабоев убур мекарданд, асосан тавассути кӯчаи Ҷанубӣ- Соҳилӣ бо баромад ба кӯчаҳои А. Ҷомӣ, Абай ва С. Шерозӣ ва қисман бо хатсайри пешин фаъолият мекунанд. То воридшавии автобус ва троллейбусҳои нав иловатан дар ин кӯча микроавтобусҳои наве, ки зиёда аз 16 ҷои нишаст доранду бароришашон на зиёда 10 сол аст, мусофир мекашонанд.
«Дар ин самт навигарии дигар- ҳаракати троллейбуси хатсайри рақами 8 ҷорӣ гардид ва он ҳоло аз саристгоҳи «Роҳи оҳан» тавассути кӯчаҳои Назаршоев, С. Шерозӣ, Сино то Қарияи Боло ҳаракат мекунад. Бо воридшавии автобус ва троллейбусҳои нав дар назар аст, ки фаъолияти микроавтобусҳо кам ва дар дигар кӯчаву хиёбонҳои асосии шаҳр мусофиркашонӣ асосан тавассути автобус ва троллейбусҳо роҳандозӣ гардад. Бо таъмир намудани зеристгоҳҳои тақвиятдиҳандаи барқӣ шумораи троллейбусҳо зиёд хоҳад шуд, — зикр карданд масъулони «Душанбенақлиётхадамотрасон».
Аз ҷоришавии тағйироти мазкур муҳлати зиёд нагузашта бошад ҳам, натиҷаи мусбати он ба мушоҳида мерасад. Шиддатнокии ҳаракат коҳиш ёфта, танбашавии воситаҳои нақлиёт дар роҳҳо ба назар намерасад, ки ин ҳолат боиси қаноатмандии сокинон ва меҳмонони пойтахт гардидааст.

Феврал 10, 2017 12:02

Хабарҳои дигари ин бахш

рузи хифзи кудакон«Мо ғунчаҳои баҳори Ваҳдатем» — барномаи идона бахшида ба Рӯзи байналмилалии ҳифзи кӯдакон дар шаҳри Душанбе
Рустами Эмомали -97Дар Душанбе амалиёти «Кӯкнор-2017» роҳандозӣ мегардад
20170525_094532Масъулини шаҳри Душанбе: «Барои бо нархи дастрас таъмин намудани сокинони шаҳр бо маҳсулоти мавриди ниёзи аввал дар моҳи шарифи Рамазон шароит фароҳам оварда шудааст»
ДастгохМақомоти иҷроияи ҳокимияти давлатии шаҳри Душанбе шаҳрвандонро ба озмуни кушод даъват менамояд
Чавонон--- (1)Рӯзи ҷавонони Тоҷикистон бо ҳамоиши «Мо насли истиқлолем!» оғоз мегардад
Рынок Душанбе-2Дар моҳи Рамазон бозорҳои шаҳри Душанбе бо молу маҳсулоти арзон ғанӣ гардонида мешаванд
DSC_0159---Бахшида ба Рӯзи ҷавонони Тоҷикистон дар пойтахт шоу-барнома ва ҳамоиши «Мо насли истиқлолем!» доир мегарданд
DSC_0210+Сокинони бародаршаҳри Боулдер ба душанбегиҳо беш аз 1300 нусха адабиёти илмиву бадеӣ тақдим намуданд
Аспдавони ДушанбеДар Душанбе бахшида ба Рӯзи ҷавонон мусобиқаи кушоди пойгаи аспдавонӣ баргузор мегардад
DSC_0759+Азизулло Зиёзода: «Тозагиву ободии пойтахт аз озодагии кӯчаву маҳалли зисти ҳар яки мо сар мешавад»
DSC_0716+«Ҳафтаи технология, инноватсия ва ихтироъкории наврасону ҷавонони шаҳри Душанбе» истеъдодҳоро ҷустуҷӯ дорад
ДастгохДушанбе: масъулин сокинони пойтахтро ба камхарҷ гузаронидани ҷашну маросимҳо даъват менамоянд