Дар Душанбе иҷлосияи нуҳуми ғайринавбатии Маҷлиси вакилони халқи шаҳри Душанбе, даъвати панҷум доир гардид

Феврал 7, 2017 17:11

Хабарҳои мавзӯъ

Дастгох

ДУШАНБЕ, 07.02.2017. /АМИТ Ховар/. Имрӯз дар шаҳри Душанбе иҷлосияи нуҳуми ғайринавбатии Маҷлиси вакилони халқи шаҳри Душанбе, даъвати панҷум доир гардид, ки дар кори он вакилон, иҷрокунандаи вазифаи Раиси шаҳри Душанбе Рустами Эмомалӣ, муовинони Раиси шаҳр, раисони ноҳияҳои пойтахт, роҳбарони сохтору муассисаҳои шаҳрӣ ва намояндагони ВАО иштирок доштанд.
Тавре аз шуъбаи таҳлилӣ ва иттилоотии дастгоҳи Раиси шаҳри Душанбе хабар доданд, иҷлосияи нуҳуми ғайринавбатии Маҷлиси вакилони халқи шаҳри Душанбе, даъвати панҷум бо ташаббуси як гурӯҳ вакилон, дар асоси қарори иҷрокунандаи вазифаи Раиси шаҳри Душанбе даъват гардида, таҳти раёсати куҳансолтарин вакили Душанбе Зариф Шарифов сурат гирифт.
Ба рӯзномаи иҷлосия баррасии масъалаҳои Фармони Президенти Ҷумҳурии Тоҷикистон аз 12 январи соли 2017, №802 «Дар бораи аз вазифаи Раиси шаҳри Душнбе озод кардани Маҳмадсаид Убайдуллоев», пеш аз муҳлат қатъ намудани ваколати вакилони Маҷлиси вакилони халқи шаҳри Душанбе аз ҳавзаҳои интихоботии №25 ва №62, таъйин намудани интихобот дар ҳавзаҳои номбурда, таъсис додани комиссияи шаҳрӣ оид ба интихобот ба Маҷлиси вакилони халқи шаҳри Душанбе ва ҷараёни омодагиҳои Мақомоти иҷроияи маҳаллии ҳокимияти давлатӣ дар шаҳри Душанбе ба таҷлили ҷашни байналмилалии «Наврўз-2017» ворид гардиданд.
Манбаъ ҳамчунин иттилоъ дод, ки дар оғози иҷлосия вакилони халқ мутобиқи моддаҳои 8, 9 ва 18 -и Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ» қарорро дар бораи аз вазифаи Раиси шаҳри Душанбе озод кардани Маҳмадсаид Убайдуллоев тасдиқ карданд.
«Иштирокчиёни иҷлосия масъалаи вакилони Маҷлиси вакилони халқи шаҳри Душанбе аз ҳавзаҳои №25 ва № 62 Маҳмадсаид Убайдуллоев ва Фирӯз Улмасовро, ки бо ариза барои пеш аз муҳлат қатъ кардани ваколатҳои вакилиашон ба Маҷлиси вакилони шаҳр муроҷиат намуда буданд, баррасӣ намуда, дар асоси қонунҳои амалкунада, барои пеш аз муҳлат қатъ гардидани ваколати вакилони халқ аз ҳавзаҳои №25 ва №62 розигӣ доданд», — зикр кард манбаъ ва илова намуд, ки мутобиқи моддаҳои 8 ва 9 Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ» ва моддаи 48 Қонуни конститутсионии Ҷумҳурии Тоҷикистон «Дар бораи интихоботи вакилон ба маҷлисҳои маҳаллии вакилони халқ» Маҷлиси вакилони халқи шаҳри Душанбе қарор кард, ки 2 апрели соли 2017 ба ҷои вакилони хориҷшуда, дар ҳавзаҳои интихоботии №25 ва №62 интихобот гузаронида шавад. Дар ин робита комиссияи шаҳрӣ дар ҳайати 9 нафар таъсис дода шуд.
Иштирокдорони иҷлосия оид ба масъалаи ҷараёни омодагӣ ба таҷлили Иди байналмилалии «Наврўз-2017» маълумоти Маҳмадсаид Зувайдзода, муовини якуми Раиси шаҳри Душанберо шунида, дар асоси дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар тамоми қаламрави пойтахт ба ифтихори ин санаи фархунда вусъат бахшидани корҳои ободониву созандагӣ ва тасмими Мақомоти иҷроияи маҳаллии ҳокимияти давлатии шаҳри Душанберо бобати дар сатҳи баланди ташкиливу ғоявӣ амалӣ намудани ин чорабинии муҳим ҳамаҷониба дастгирӣ намуда, оид ба ҳамаи масъалаҳои баррасишуда қарорҳои дахлдор қабул намуданд.

Феврал 7, 2017 17:11

Хабарҳои дигари ин бахш

рузи хифзи кудакон«Мо ғунчаҳои баҳори Ваҳдатем» — барномаи идона бахшида ба Рӯзи байналмилалии ҳифзи кӯдакон дар шаҳри Душанбе
Рустами Эмомали -97Дар Душанбе амалиёти «Кӯкнор-2017» роҳандозӣ мегардад
20170525_094532Масъулини шаҳри Душанбе: «Барои бо нархи дастрас таъмин намудани сокинони шаҳр бо маҳсулоти мавриди ниёзи аввал дар моҳи шарифи Рамазон шароит фароҳам оварда шудааст»
ДастгохМақомоти иҷроияи ҳокимияти давлатии шаҳри Душанбе шаҳрвандонро ба озмуни кушод даъват менамояд
Чавонон--- (1)Рӯзи ҷавонони Тоҷикистон бо ҳамоиши «Мо насли истиқлолем!» оғоз мегардад
Рынок Душанбе-2Дар моҳи Рамазон бозорҳои шаҳри Душанбе бо молу маҳсулоти арзон ғанӣ гардонида мешаванд
DSC_0159---Бахшида ба Рӯзи ҷавонони Тоҷикистон дар пойтахт шоу-барнома ва ҳамоиши «Мо насли истиқлолем!» доир мегарданд
DSC_0210+Сокинони бародаршаҳри Боулдер ба душанбегиҳо беш аз 1300 нусха адабиёти илмиву бадеӣ тақдим намуданд
Аспдавони ДушанбеДар Душанбе бахшида ба Рӯзи ҷавонон мусобиқаи кушоди пойгаи аспдавонӣ баргузор мегардад
DSC_0759+Азизулло Зиёзода: «Тозагиву ободии пойтахт аз озодагии кӯчаву маҳалли зисти ҳар яки мо сар мешавад»
DSC_0716+«Ҳафтаи технология, инноватсия ва ихтироъкории наврасону ҷавонони шаҳри Душанбе» истеъдодҳоро ҷустуҷӯ дорад
ДастгохДушанбе: масъулин сокинони пойтахтро ба камхарҷ гузаронидани ҷашну маросимҳо даъват менамоянд