Дар пойтахт корҳои омодагӣ барои таҷлили ҷашни байналмилалии Наврӯз вусъат меёбанд

Февраль 14, 2017 14:59, 337 хонанда
Душанбе субботник-6

ДУШАНБЕ, 14.02.2017. /АМИТ «Ховар»/. Дар пойтахти кишвар тибқи қарори иҷрокунандаи Раиси шаҳри Душанбе Рустами Эмомалӣ аз 6 феврали соли 2017 «Дар бораи омодагӣ ва таҷлили Иди байналмилалии Наврӯз- 2017 дар шаҳри Душанбе» бобати бо истифода аз суннатҳои ниёгон зебою мондагор, дар сатҳи баланди ташкилию ғоявӣ ва бадеӣ истиқбол намудани ҷашни бостонии Наврӯзи дилафрӯз корҳои омодагӣ оғоз ёфтанд.
Дар ин бора аз шуъбаи таҳлилӣ ва иттилоотии дастгоҳи Раиси шаҳри Душанбе хабар дода, зикр карданд, ки дар пойтахт Кумитаи тадорукот оид ба омодагӣ ва таҷлили ҷашни байналмилалии Наврӯз — 2017 таъсис ёфта, нақшаи тадбирҳои мақомоти иҷроияи маҳаллии ҳокимияти давлатӣ дар шаҳр таҳия ва тасдиқ гардид.
«Тибқи қарори мазкур роҳбарони идораву муассиса ва дигар субъектҳои хоҷагидори шаҳр оид ба фароҳам овардани шароити зарурӣ барои ташкили барномаҳои идона, сайругашти оммавию фароғатии сокинони пойтахт, иҷрои ҳатмии вазифаҳои дар нақша пешбинишудаи муовинони раиси шаҳр, раисони ноҳияҳои пойтахт, роҳбарони идораю созмонҳо дар ҳамкорӣ бо сохторҳои марбута барои таъмини амнияти шаҳрвандон, тартиботи ҷамъиятӣ, бехатарии зидди сӯхтор, ёрии тиббӣ ва беҳдошти ҳолати санитарию эпидемиологӣ дар ҳудуди шаҳр, хусусан ҷойҳои баргузории чорабиниҳои оммавию фароғатӣ, ҳамчунин барои ороиши наврӯзӣ, зебу зиннатдиҳии биноҳо, ободонии атрофи онҳо ва то 15 март ба итмом расондани маҷмӯи корҳои дигари омодагӣ вазифадор гардиданд», — афзуд манбаъ. Таъкид гардид, ки таъмини муҳтавои бадеии намоиши театришуда бахшида ба ҷашни байналмилалӣ ва иштироки санъаткорону мутахассисони беҳтарин дар маъракаҳои фарҳангии рӯзҳои ҷашн ба зиммаи Раёсати фарҳанги шаҳри Душанбе дар ҳамкорӣ бо Вазорати фарҳанг ва Кумитаи телевизион ва радио вогузор гардидаанд.
Бино ба иттилои шуъбаи таҳлилӣ ва иттилоотии дастгоҳи Раиси шаҳри Душанбе, ороиши бадеии шаҳрро Муассисаи давлатии «Рекламаи берунӣ ва ороиши шаҳри Душанбе» бо ҷалби кормандони варзидаи ҷумҳурӣ анҷом медиҳад. Барномаҳои асосии наврӯзӣ дар «Наврӯзгоҳи пойтахт» ва боғҳои фарҳангию фароғатии шаҳр баргузор мешаванд.

Февраль 14, 2017 14:59, 337 хонанда

Хабарҳои дигари ин бахш

Рустами ЭмомалиРустами Эмомалӣ бо Филип Беннетт мулоқот намуд
ТВ ПойтахтМуассисаи давлатии «Телевизиони Пойтахт» ба ТВ «Душанбе» табдил дода шуд
ДушанбеДар Душанбе ба муносибати Соли ҷавонон силсилабарномаҳои фарҳангӣ-фароғатӣ доир мегарданд
Рустами ЭмомалиАрзи сипоси Рустами Эмомалӣ ба аҳли фарҳанг
мактаби 53-3Рустами Эмомалӣ ба сохтмони мактабҳои замонавӣ дар шаҳри Душанбе санги асос гузошт
Муовини Раиси шаҳри Душанбе бо сармоягузорони араб мулоқот анҷом додМуовини Раиси шаҳри Душанбе бо сармоягузорони араб мулоқот анҷом дод
Rustami-Emomali-i-EBRRМулоқоти Рустами Эмомалӣ бо ҳайати Бонки аврупоии таҷдид ва рушд
Дар Душанбе ҳашари умумишаҳрӣ бо иштироки зиёда аз 1000 нафар доир гардидДар Душанбе ҳашари умумишаҳрӣ бо иштироки зиёда аз 1000 нафар доир гардид
НаврузгохБахшида ба Наврӯз дар Душанбе мусобиқаҳои ҷоми «Пойтахт-2017» баргузор мегарданд
ФейерверкДар Душанбе бахшида ба Иди байналмилалии Наврӯз мушакпарронии (фейерверки) идона баргузор мегардад
Рустами Эмомали и Элизабет МиллардРустами Эмомалӣ бо Элизабет Миллард оид ба уфуқҳои нави ҳамкории мутақобилан судманд мубодилаи афкор намуданд
ДастгохДар Душанбе барои саҳми арзандаю ширкати фаъолонаи занон — кормандони раёсатҳои истифодабарии роҳҳо беш аз ду миллион сомонӣ ҳамчун кумак ҷудо гардид