Дар се рӯзи охир дар ҷумҳурӣ лағзиши беш аз 80 тарма ба қайд гирифта шуд

Февраль 20, 2017 10:54

ДУШАНБЕ, 20.02.2017. /АМИТ «Ховар»/. 17, 18 ва 19 феврали соли равон дар роҳҳои мошингарди Душанбе-Хоруғ-Мурғоб, Рашт-Ҷиргатол ва махсусан дар роҳи Душанбе-Хуҷанд лағзиши тармаҳои калон ба қайд гирифта шуд. Бино ба маълумоти аҳолии маҳаллӣ, чунин боришоти зиёд ва тармафароӣ тайи 20-30 соли охир рух надода буд.
Тавре ба АМИТ «Ховар» аз маркази матбуоти Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар доданд, дар натиҷаи лағзиши беш аз 80 тарма ва барфи шадид дар ин рӯзҳо 75 нақлиёт дар роҳи мошингарди Душанбе-Айнӣ баста шуданд. Айни замон роҳ баста аст.
Барои ташкили кор оид ба интиқол додани аҳолӣ ба ҷойҳои бехафв ситодҳои муштараки байниидоравӣ дар километрҳои 48 ва 72-юми шоҳроҳи Душанбе-Айнӣ таҳти роҳбарии муовини аввал ва муовини Раиси кумита таъсис дода шуданд. Дар натиҷаи кор аз 17 то 20 феврал 78 нафар мусофирон ва ронандагони нақлиёти автомобилӣ кӯчонида шуданд.
Барои тоза кардани роҳ ширкати «Innovative Road Solutions» (IRS) техникаи махсус ҷудо кардааст.
Дар минтақаҳои фаромадани тарма баҳри таъмини бехатарии аҳолӣ постгоҳҳои БДА ва ширкати роҳии IRS гузошта шудаанд.
Вазъияти мушкил дар роҳи Ванҷ-Хоруғ-Мурғоб боқӣ мемонад. Он ҷо бо сабаби фаромадани сангрезиҳо ва лағзиши тарма роҳ баста шудааст. Барои бартарафсозии ин ҳолат Ситоди ҳолатҳои фавқулода таҳти роҳбарии Раиси вилоят таъсис дода шудааст, ки шабонарўз фаъолият дорад.
Бино ба иттилои манбаъ, хавфи фаромадани тарма 5-8 рӯзи дигар боқӣ мемонад.

Февраль 20, 2017 10:54

Хабарҳои дигари ин бахш

Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт
Дар Донишгоҳи техникии Тоҷикистон вобаста ба меъморӣ ва шаҳрсозӣ конференсияи илмӣ-амалӣ доир шуд
Насби пойгоҳи базавӣ чӣ қадар арзиш дорад?