Дар Тоҷикистон интихоботи миёнадаврӣ гузаронида мешавад

Февраль 23, 2017 12:05

ДУШАНБЕ, 23.02.2017 /АМИТ «Ховар»/. 23 апрели соли 2017 дар ду ҳавзаи интихоботии Ҷумҳурии Тоҷикистон интихоботи миёнадаврӣ гузаронида мешавад. Дар ин хусус аъзои Комиссияи марказии интихобот ва раъйпурсии Ҷумҳурии Тоҷикистон /КМИР/дар ҷаласае, ки 23 феврал таҳти раёсати Бахтиёр Худоёрзода, Раиси Комиссияи марказии интихобот ва раъйпурсии Ҷумҳурии Тоҷикистон доир гардид, қарорҳои марбута қабул намуданд. Дар ин росто, дар асоси қонунгузории кишвар ва қарори КМИР, якшанбеи 23 апрели соли 2017 дар ҳавзаи интихоботии вилояти Хатлон №3 интихоботи узви Маҷлиси миллии Маҷлиси Олии Ҷумҳурии Тоҷикистон ва дар ҳавзаи якмандатии интихоботии Бобоҷон Ғафуров №14 интихоби вакили Маҷлиси намояндагони Маҷлиси Олии Ҷумҳурии Тоҷикистон ба ҷои вакили хориҷшуда таъйин карда шуд.
Бояд тазаккур дод, ки 16 феврал дар иҷлосияи нуҳуми палатаи болоии Парлумони Тоҷикистон ваколати узви Маҷлиси миллии Маҷлиси Олии Ҷумҳурии Тоҷикистон аз ҳавзаи интихоботии вилояти Хатлон №4 Абдураҳмонзода Саидумрон Назар ва 22 феврал дар иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон ваколати вакили Маҷлиси намояндагони Маҷлиси Олии Ҷумҳурии Тоҷикистон Қаландарзода Мавлуда Сатторӣ пеш аз муҳлат қатъ гардид.
Ҳамзамон бо қарори КМИР Ҷумҳурии Тоҷикистон комиссияҳои ҳавзавии интихоботӣ ташкил ва нақшаи тақвимии чорабиниҳои асосии марбут ба омодагӣ ва гузаронидани интихоботи миёнадаврӣ дар ҳавзаҳои мазкур тасдиқ гардиданд.

Февраль 23, 2017 12:05

Хабарҳои дигари ин бахш

Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд