Форуми тиҷоратии «Тоҷикистон-Туркия»-ҷонибдори густариши ҳамкории иқтисодию тиҷоратӣ, илмӣ ва техникии Тоҷикистону Туркия

Февраль 16, 2017 17:15, 646 хонанда

Хабарҳои мавзӯъ

ТПП Туркия, (12)ДУШАНБЕ, 16.02.2017 /АМИТ «Ховар»/. Имрӯз, 16 феврал дар шаҳри Душанбе Форуми тиҷоратии доираҳои соҳибкории Ҷумҳурии Тоҷикистон ва Ҷумҳурии Туркия баргузор гардид.
Тавре ки хабарнигори АМИТ «Ховар» хабар медиҳад, форум ба ифтихори барқарорсозии 25-солагии муносибатҳои дипломатӣ миёни Тоҷикистон ва Туркия роҳандозӣ шуд.
Мақсади Форуми тиҷоратӣ муҳайё сохтани заминаи мусоид барои мубодилаи таҷриба байни соҳибкорони ҳарду кишвар, беҳтар намудани ҳамкории иқтисодӣ, тиҷоратӣ ва сармоягузорӣ мебошад.
Дар кори Форум муовини Сарвазири Ҷумҳурии Туркия Тургул Туркеш, Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода, Раиси Палатаи савдо ва саноати Ҷумҳурии Тоҷикистон Шариф Саид, ҳамраиси қисмати туркии Шӯрои кории «Туркия- Тоҷикистон» Маҳмуд Эр, намояндагони вазорату идораҳои дахлдор ва соҳибкорони тоҷику турк иштирок доштанд.
Вазири рушди иқтисод ва савдои кишвар Неъматулло Ҳикматуллозода зикр намуд, ки Туркия иқтидори бузурги иқтисодӣ дорад ва иқтисодиёти ин кишвар дар ҷаҳон яке аз ҷойҳои намоёнро ишғол мекунад. «Муносибатҳои дипломатии Тоҷикистону Туркия ҳанӯз аз солҳои аввали соҳибистиқлолӣ роҳандозӣ шуданд. Форуми имрӯза имконият медиҳад, ки иқтидорҳои бештари ду кишвар амалӣ гарданд. Имрӯз мушкилоти зиёд садди роҳи пешрафти давлатҳои ҷаҳон гаштааст, ки ба кишвари мо низ таъсири манфӣ мерасонанд. Ин мушкилот моро водор месозанд, ки барои ҳалли онҳо ҳамкориро боз ҳам қавитар ба роҳ монем»,-илова намуд Неъматулло Ҳикматуллозода.
Тургул Туркеш, муовини Сарвазири Ҷумҳурии Туркия иброз дошт, ки ҳамкории иқтисодиву тиҷоратӣ бо Тоҷикистон барои Туркия хеле муҳим мебошанд. «Имрӯз мо ҳамроҳи дӯстони тоҷики худ имкониятҳои иқтисодиву тиҷоратии кишварҳоямонро баррасӣ карда, душвориҳои мавҷударо ҳаллу фасл хоҳем кард. Мо бо хушҳолӣ ба пешравиҳои Тоҷикистон назар карда, бо изҳори қаноатмандӣ таъкид месозем, ки Тоҷикистон дар 25-соли соҳибистиқлолӣ ба пешравиҳои назаррас ноил гардид»,-баён дошт Тургул Туркеш.
Бино ба гуфтаи Шариф Саид, Раиси Палатаи савдо ва саноат аз рӯзи ба роҳ мондани муносибатҳои дипломатӣ байни Тоҷикистон ва Туркия беш аз 60 созишнома ба имзо расидааст. Мақсади асосии ташкил намудани ин форум густариш додани ҳамкории иқтисодию тиҷоратӣ, илмӣ ва техникӣ мебошад
Дар доираи форуми тиҷоратӣ байни соҳибкорони Тоҷикистон ва Туркия мулоқоти хоссаи доир гардид, ки дар доираи он созишномаҳои ҳамкорӣ ба имзо мерасанд.

Февраль 16, 2017 17:15, 646 хонанда

Хабарҳои дигари ин бахш

ВИва Савдо (4)Натиҷагирии лоиҳаҳои сармоягузории Бонки Осиёии рушд дар соли 2016
БМТ-вохури бо СММ Хонгчу ХамМуҳокимаи вазъи кунунии иқтисодиёти кишвар дар Бонки миллии Тоҷикистон
Дар шератон Вазири Энергетикаи Покистон (9)Байни Тоҷикистону Покистон ҷаласаҳои гурӯҳи кории муштарак доир шуданд
Сармоягузорони араб ба кадом самтҳо таваҷҷуҳи бештар дорандСармоягузорони араб ба кадом самтҳо таваҷҷуҳи бештар доранд?
Ҷалби ширкатҳои бузурги Арабистони Саудӣ дар татбиқи лоиҳаҳои соҳаи энергетика баррасӣ шудҶалби ширкатҳои бузурги Арабистони Саудӣ дар татбиқи лоиҳаҳои соҳаи энергетика баррасӣ шуд
текстильШиркатҳои дӯзандагии Тоҷикистон роҳҳои афзалиятноки фурӯши яклухтро меомӯзанд
Дар Тоҷикистон бизнес форуми соҳибкорони Тоҷикистону Чин баргузор гардид 1Дар Душанбе бизнес-форуми соҳибкорони Тоҷикистону Чин баргузор гардид
БМТ Металор r_1Бонки миллии Тоҷикистон бо ширкати «Металор» шартномаи ҳамкорӣ имзо кард
32805101740_a451dbc7bc_zАз рӯи фоизи истеҳсоли «энергияи сабз» Тоҷикистон дар қатори шаш кишвари пешсафи сайёра қарор дорад
32805101740_a451dbc7bc_zЭмомалӣ Раҳмон: «Тавсеа ёфтани ҷуғрофияи Созмони ҳамкории иқтисодӣ иқтидор ва аҳамияти геостратегии онро дучанд боло бурд»
32805101740_a451dbc7bc_zПешвои миллат татбиқи лоиҳаи CASA-1000-ро, ки нахустин пули барқӣ миёни минтақаҳои Осиёи Марказӣ ва Ҷанубӣ шинохта шудааст, амри саривақтӣ номид
PutВ. Путин: «Россия ва Тоҷикистон ҳамкории тиҷоратиро бояд фаъолтар созанд»