Гадобек Маҳмудов: «Як рукни муҳими соҳибистиқлолии кишвар доштани Артиши миллӣ мебошад»

Февраль 23, 2017 10:43

ДУШАНБЕ, 23.02.2017 /АМИТ «Ховар»/. Дирӯз дар Китобхонаи миллии Тоҷикистон бахшида ба рўзи Артиши миллӣ зери унвони «Ҳомиёни Ватан» мулоқоти афсарон ва сарбозон бо ҷавонон доир гардид.
Тавре аз Китобхонаи миллии Тоҷикистон хабар доданд, Гадобек Маҳмудов, муовини Директори Китобхонаи миллии Тоҷикистон зимни табрики аҳли нишаст ба муносибати Рӯзи Артиши миллӣ гуфт: «Ватан ва Модар ду вожаи муқаддасанд, ки ҳар инсон онҳоро бояд дӯст дорад. Як рукни муҳими соҳибистиқлолии кишвар ин доштани Артиши миллист ва Артиш худ гарави ҳимоят аз якпорчагии Ватан аст. Аз ин рӯ хизмат дар сафи неруҳои мусаллаҳ қарзи ҳар инсони комил аст».
Дар мулоқот подполковник Сафар Наботов, сардори тарҷумонҳои ҳарбии кафедраи ҳарбии Донишгоҳи миллии Тоҷикистон дар мавзўи «Омода намудани афсарони эҳтиётӣ барои Қувваҳои мусаллаҳ», Абдурашид Холбоев, полковники Вазорати мудофиаи Ҷумҳурии Тоҷикистон дар мавзўи «Пешбурди корҳои тарбиявӣ дар Қувваҳои мусаллаҳ» сухан карданд.
Зикр гардид, ки ҷавононро зарур аст, ки илму дониши замони муосирро аз худ намуда, барои ҳифзи марзу буми кишвар ба Ватани худ содиқонаю софдилона хизмат кунанд.

Февраль 23, 2017 10:43

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт