Маҳали аҳолинишини «Даштак» ба деҳа табдил дода шуд

Февраль 18, 2017 11:08

ДУШАНБЕ, 18.02.2017/АМИТ «Ховар»/. Ба маҳали аҳолинишини «Даштак»-и ноҳияи Шуғнон мақоми деҳа дода шуд. Дар ин росто, аъзои Маҷлиси миллӣ пешниҳоди Ҳукумати Ҷумҳурии Тоҷикистон ва Маҷлиси вакилони халқи Вилояти Мухтори Кӯҳистони Бадахшонро ҷониборӣ намуданд.
Маҳали «Даштак», ки акнун мақоми деҳаро гирифт, дар ҳудуди деҳоти Сучони ноҳияи Шуғнон воқеъ буда, аз 137 хоҷагӣ иборат аст ва дар он беш аз 800 нафар аҳолӣ истиқомат мекунад. Дар деҳаи Даштак 1 муассисаи таҳсилоти умумии асосӣ, даҳ нуқтаи савдо, ду нуқтаи хизматрасонии телефонӣ, шуъбаи алоқа, хонаи фарҳанг, китобхона, оҷонсии «Амонатбонк»-и ноҳияи Шуғнон, нуқтаи хизматрасонии ширкати «Помир Энерҷӣ» ва дигар нуқтаҳои хизматрасонӣ фаъолият доранд.
Ба деҳа табдил додани маҳали аҳолинишини «Даштак» зарурати воқеист, зеро бо сабаби номи алоҳида надоштани ин маҳал барои гузаронидани маъракаҳои сиёсӣ, аз қабили раъйпурсӣ, интихобот инчунин чорабиниҳои фарҳангӣ, варзишӣ ва оммавӣ душвориҳо пеш меомаданд.
Баъди ба деҳа мансуб донистани маҳали аҳолинишини «Даштак» ин мушкилот аз байн меравад.

Февраль 18, 2017 11:08

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт