Маҳфили ёдбуд: «Кардаст баҳри мардум сад ҷон фидо Саюмарс…»

Феврал 23, 2017 09:26

Хабарҳои мавзӯъ

32

ДУШАБЕ, 23.02.2017 /АМИТ«Ховар»/. Дар Вазорати корҳои дохилӣ 22 феврал маҳфили ёдбуд бахшида ба гиромидошти хотираи корманди ҷонфидои мақомоти корҳои дохилӣ, старшинаи милитсия Саюмарс Гулмадов баргузор гардид. Дар ин бора ба АМИТ «Ховар» аз маркази матбуоти Вазорати корҳои дохилии Ҷумҳурии Тоҷикистон хабар доданд.
Котиби Шӯрои амнияти Ҷумҳурии Тоҷикистон генерал-полковники милитсия Абдураҳим Қаҳҳоров ҳамдардӣ ва тасаллияти Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба падару модари Саюмарс Гулмадов изҳор намуда, зикр кард, ки корнамоии корманди Шуъбаи Хадамоти давлатии «Муҳофиза»-и Вазорати корҳои дохилӣ дар ноҳияи Варзоб, старшинаи милитсия Гулмадов Саюмарс Аскарович намунаи садоқату матонат ба Ватан, миллат ва давлат буда, хотираи неки ӯ ҳамеша пос дошта мешавад.
Бо Фармони Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Саюмарс Гулмадов пас аз марг бо мукофоти давлатӣ-медали «Ҷасорат» сарфароз гардонида шуда, Абдураҳим Қаҳҳоров мукофоти давлатиро ба падари Саюмарс — Аскар Гулмадов супорид.
Ҳамчунин барои зоҳир намудани ҷасурию далерӣ, матонату шуҷоат ва ҳифзи ҳаёти шаҳрвандон корманди Шуъбаи Хадамоти давлатии «Муҳофиза»-и Вазорати корҳои дохилӣ дар ноҳияи Варзоб сержанти калон Алишер Раҳимзода бо мукофоти давлатӣ- медали «Ҷасорат» қадршиносӣ гардид.
Вазири корҳои дохилӣ Рамазон Раҳимзода ба падару модар ва наздикони марҳум изҳори ҳамдардӣ намуда, зикр намуд, ки корнамоӣ ва ҷасорату мардонагии старшинаи милитсия Саюмарс Гулмадов дар он лаҳзаҳои душвор ба нафароне, ки ба кумаку дастгирии дигарон ниёз доштанд, беҳтарин нишони олии садоқат ба вазифа, эҳтиром ба касб ва ҳаёт ва саломатии одамон ба ҳисоб меравад. Кормандони мақомоти корҳои дохилӣ дар якчанд соли охир дар мушкилтарин лаҳзаву соатҳо, алалхусус ҳолатҳои фавқулода, дар рафъи ҳодисаҳои табиӣ, аз қабили сӯхтор, фаромадани тарма, обхезӣ, ки дар фаслҳои зимистону баҳор барои мардум мушкилиро пеш меоранд, дар сафи пеш бо мардуманд. Онҳо дар баробари ҳифзи молу ашё ва дороии шаҳрвандон, ҷони худро ба хатар гузошта, ҳаёти дигаронро аз марг наҷот доданд.
Дар идомаи маҳфили ёдбуд бо Фармони Вазири корҳои дохилии Ҷумҳурии Тоҷикистон кормандони мақомоти корҳои дохилие, ки зимни бартарафкунии оқибатҳои лағжиши тарма дар шоҳроҳи Душанбе-Хуҷанд-Чанок хизмат кардаанд, бо раҳматнома ва медалҳо сарфароз гардонида шуданд.

34 38

Феврал 23, 2017 09:26

Хабарҳои дигари ин бахш

Танзим-0Имсол ба қабули Қонун «Дар бораи танзими анъана ва ҷашну маросимҳо» 10 сол пур мешавад: вақт, ҳамчун довари ҳақ, зарурияти ин санадро собит намуд
вазири мехнат бо корея 0657Мутахассисони баландихтисоси касбӣ имкон доранд дар Ҷумҳурии Корея бо кор таъмин гарданд
VM1A0253-300x200Ҷаласаи 12-уми Гурўҳи кории муштараки Тоҷикистону Россия дар Душанбе
Хилоли Ахмар-0Ҷамъияти Ҳилоли Аҳмари Тоҷикистон ба зарардидагони заминларзаи ВМКБ кӯмак мерасонад
АзимИстифодаи самараноки гармӣ дар пойтахт асосан аз омода гардидани ноҳияи Сино вобастагӣ дорад
Абдуджаббор Р.Ҳамкориҳои Тоҷикистону Россия боз ҳам бештар тавсеа меёбанд
Ремонт-4«IRS» дар мавсими нав ба таъмири роҳҳо шурўъ намуд
DSC_0006Нурулло Маҳмадуллозода: «Мақсади авф кумак ба муҳоҷирон ҷиҳати қонунӣ намудани будубоши худ дар ҳудуди Федератсияи Россия мебошад»
Легализация-2Ба таваҷҷуҳи муҳоҷирони меҳнатӣ! Расмикунонии будубоши муҳоҷирони меҳнатӣ-шаҳрвандони Ҷумҳурии Тоҷикистон дар Федератсияи Россия
Иброхим Ахмадов МиграцияМанъи вуруди шаҳрвандони Тоҷикистон ба Федератсияи Россия бекор карда мешавад
Хаво 7Имрӯз дар ҷумҳурӣ ҳавои офтобӣ дар назар дошта шудааст
Бори аввал дар ДушанбеБори аввал дар Душанбе Шоу-барномаи лазерии видео-мэппинг баргузор гардид