Мулоқоти Азим Иброҳим бо Сафири Венгрия

Февраль 4, 2017 19:59

ДУШАНБЕ, 04.02.2017. /АМИТ «Ховар»/. Субҳи 3 феврали соли 2017 муовини Сарвазири Ҷумҳурии Тоҷикистон Азим Иброҳим бо Сафири Фавқулода ва Мухтори Венгрия дар Ҷумҳурии Тоҷикистон Андраш Барани мулоқот намуд.

Зимни мулоқот масъалаҳои марбут ҳамкориҳои мутақобилан судманди дуҷониба миёни Тоҷикистон ва Венгрия баррасӣ гардида, ҳавасмандии ҳар ду ҷониб барои густариши минбаъдаи онҳо иброз карда шуд. Дар ин замина зикр шуд, ки имсол ба оғози муносибатҳои дипломатии ду кишвар 25 сол пур мешавад ва имкониятҳо барои рушду тавсеаи ҳамкориҳо ҳанўз хеле зиёданд, ки аз онҳо бояд хуб истифода намуд.

Сафири Фавқулода ва Мухтори Венгрия дар Ҷумҳурии Тоҷикистон Андраш Барани ба Азим Иброҳим санадҳои ниҳоии Саммити оби Будапештро, ки 29 ноябри соли 2016 дар шаҳри Будапешт баргузор гардида буд, манзур намуда, аз иштироки Президенти Ҷумҳурии Тоҷикистон Эмомалӣ Раҳмон ва ҳайати расмии Тоҷикистон дар ин ҳамоиш арзи сипос кард.

Муовини Сарвазир аз қатъномаи Маҷмаи умумии СММ оид ба эълон доштани Даҳсолаи байналмилалии «Об барои рушди устувор», солҳои 2018 — 2028, ки бо пешниҳоди Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қабул гардидааст, ёдовар гашта, онро ҳамчун заминаи сиёсию ҳуқуқӣ барои густариши минбаъдаи ҳамкориҳои байналмилалӣ, аз ҷумла миёни ду кишвар дар соҳаи об арзёбӣ намуд.

Дар ҷараёни мулоқот инчунин оид ба масъалаи қабули донишҷўёни тоҷик барои таҳсил дар мактабҳои олии Венгрия, васеъ гардонидани ҳамкорӣ миёни ширкатҳои тиҷоратии кишварҳо ва дигар мавзўъҳои мавриди таваҷҷуҳ мубодилаи созандаи афкор сурат гирифт.

 

Февраль 4, 2017 19:59

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт