Мулоқоти вазирони корҳои хориҷии Тоҷикистон ва Афғонистон дар Душанбе

Феврал 16, 2017 14:38

Хабарҳои мавзӯъ

Сирочиддин Аслов и Салохуддин Раббони (1)

ДУШАНБЕ, 16.02.2017 /АМИТ «Ховар»/. Мулоқоти Вазири корҳои хориҷии Ҷумҳурии Тоҷикистон Сироҷидин Аслов бо Вазири корҳои хориҷии Ҷумҳурии Исломии Афғонистон Салоҳуддин Раббонӣ ва инчунин таҳти роҳбарии онҳо машваратҳои дуҷонибаи ниҳодҳои сиёсати хориҷии ду кишвар имрӯз дар шаҳри Душанбе баргузор шуданд.
Дар ҷараёни мулоқоти вазирон ва музокироти ҳайатҳо масоили марбут ба тавсеаи муносибатҳои дуҷониба ва мавзӯъҳои минтақавию байналмилалии мавриди эҳтимоми тарафайн баррасӣ шуданд. Дар партави дастурҳои роҳбарони олии ду кишвар ва тавофуқҳое, ки дар сатҳи олӣ ҳосил шудаанд, бар зарурати роҳандозии иқдомҳои муштарак ва тавсеаи пояи шартномавию ҳуқуқии муносибатҳо ҷиҳати густариши беш аз пеши ҳамкорӣ дар соҳаҳои тиҷорату иқтисод, энергетика, коммуникатсия, ҳамлу нақл, кишоварзӣ, саноат, тандурустӣ, фарҳанг, илму маориф ва соҳаҳои дигар таъкид гардид.
Бо ишора ба аҳамияти ҳамкорӣ ва ҳамгироии иқтисодии минтақавӣ дар таъмини рушди босуботи Афғонистон, татбиқи тарҳҳои зерсохторӣ ва барномаҳои иқтисодию энергетикии дорои аҳамияти миллию минтақавӣ зарур шуморида шуд.
Дар ин росто ҳамчунин нақши Комиссияи муштараки байниҳукуматӣ оид ба масоили иқтисодӣ, тиҷоратӣ, иҷтимоӣ, техникӣ, илмӣ ва фарҳангии Тоҷикистон ва Афғонистон муҳим арзёбӣ шуд.
Таъкид гардид, ки рушди ҳамкории ноҳияҳо ва вилоятҳои ҳаммарзи Тоҷикистон ва Афғонистон омили муҳими тақвияти равобити гуногунҷанба ва мутақобилан судманди ду кишвар мебошад.
Ҷонибҳо зарурати таҳкими ҳамкориро дар самти мубориза бар зидди терроризми байналмилалӣ, ифротгароӣ, қочоқи маводи мухаддир ва дигар чолишҳои амнияти минтақа ва ҷаҳон тасдиқ намуданд. Ҷумҳурии Тоҷикистон тақвияти нақши неруҳои миллии Ҷумҳурии Исломии Афғонистонро дар самти мубориза бар зидди гурӯҳҳои террористию ифротгаро муҳим арзёбӣ менамояд.

Ҷонибҳо аз сатҳи баланди ҳамкории ду кишвар дар чаҳорчубаи созмонҳои байналмилалӣ ва минтақавӣ, аз ҷумла Созмони Милали Муттаҳид, Созмони ҳамкории иқтисодӣ ва Созмони ҳамкории исломӣ изҳори қаноатмандӣ карданд. Дар анҷоми мулоқоти вазирон ва музокироти ҳайатҳои Тоҷикистону Афғонистон нишасти хабарӣ бо иштироки Вазири корҳои хориҷии Ҷумҳурии Тоҷикистон Сироҷидин Аслов бо Вазири корҳои хориҷии Ҷумҳурии Исломии Афғонистон Салоҳуддин Раббонӣ доир гардид.
Зимни нишасти хабарӣ Вазири корҳои хориҷии Ҷумҳурии Тоҷикистон Сироҷидин Аслов натиҷаҳои мулоқоту музокиротро баланд арзёбӣ намуда, раванди тақвият бахшидани густариши муносибатҳои дуҷонибаву бисёрҷонибаро муҳим шуморид.
«Ҷумҳурии Тоҷикистон бори дигар ҷонибдории худро аз узвияти комили Ҷумҳурии Исломии Афғонистон дар СҲШ иброз намуд», — изҳор дошт С.Аслов.
Вазири корҳои хориҷии Ҷумҳурии Исломии Афғонистон Салоҳуддин Раббонӣ бо қаноатмандӣ аз сатҳи муносибатҳои дуҷонибаву бисёрҷонибаи Тоҷикистону Афғонистон ёдовар шуд. Ба гуфти С. Раббонӣ «Ҷумҳурии Исломии Афғонистон нигаронии Ҷумҳурии Тоҷикистонро оид ба аминияти сарҳад ба хубӣ дарк мекунад. Бо боварии комил таъкид менамоям, ки ҷониби Афғонистон ҳеҷ гоҳ роҳ намедиҳад, ки гурӯҳҳоии террорисӣ аз ҷониби Афғонистон амну суботи ҳамсояҳо ва Тоҷикистонро халалдор намоянд».
Сафари расмии Вазири корҳои хориҷии Афғонистон дар Ҷумҳурии Тоҷикистон идома дорад.

Феврал 16, 2017 14:38

Хабарҳои дигари ин бахш

МИД (1)Сироҷидин Аслов ва Шайх Абдулло бин Зойид Оли Наҳён масоили тавсеаи ҳамкории Тоҷикистон ва Аморотро баррасӣ карданд
DSC02711Дар Котиботи Созмони ҳамкории Шанхай дар шаҳри Пекин Стратегияи миллии рушд барои давраи то соли 2030 муаррифӣ гардид
Машваратҳои сиёсӣ байни Вазорати корҳои хориҷии Ҷумҳурии Тоҷикистон ва Вазорати корҳои хориҷӣ ва савдои АвстралияМашваратҳои сиёсӣ байни Вазорати корҳои хориҷии Ҷумҳурии Тоҷикистон ва Вазорати корҳои хориҷӣ ва савдои Австралия
Баррасии ҳамкориҳои Тоҷикистону Ҷумҳурии СловакияБаррасии ҳамкории Тоҷикистону Словакия дар Брюссел
Jean Asselborn avec le ministre des Affaires étrangères de la République du Tadjikistan, Sirodjidin AslovМулоқоти вазирони корҳои хориҷии Тоҷикистон ва Люксембург
Вохӯрӣ бо Ноиби президенти Бонки сармоягузории АврупоС.Аслов ва В. Худак ҳамкории самараноки Тоҷикистон бо Бонки сармоягузории Аврупоро баррасӣ карданд
Мулоқоти С.Аслов бо Дабири кулли Хадамоти аврупоии амалиёти хориҷии Иттиҳоди АврупоМулоқоти С.Аслов бо Дабири кулли Хадамоти аврупоии амалиёти хориҷии Иттиҳоди Аврупо
IMG_0184Баррасии масъалаҳои мубрами ҳамкории Тоҷикистон бо Паймони Неру дар Брюссел
зардолу_2Намояндаи доимии Тоҷикистон дар СММ дар Конфронс бахшида ба Идораи масоили бехатарӣ дар Осиёи Марказӣ сухан гуфт
Мулоқоти Вазири корҳои хориҷии Тоҷикистон бо Вазири корҳои хориҷии Шоҳигарии БелгияМулоқоти Вазири корҳои хориҷии Тоҷикистон бо Вазири корҳои хориҷии Шоҳигарии Белгия
IMG_0015Шӯрои ҳамкорӣ миёни Ҷумҳурии Тоҷикистон ва Иттиҳоди Аврупо
18452739_1296752180402493_259540465_oМулоқоти вазирони корҳои хориҷии Тоҷикистону Қатар дар Давҳа