Ҷоизаи «Беҳтарин варзишгоҳи ҷаҳон-2016»-ро кадом варзишгоҳ соҳиб мешавад?

Февраль 17, 2017 16:34, 65 хонанда

Хабарҳои мавзӯъ

беҳтарин варзишгоҳҳои ҷаҳонӣ

ДУШАНБЕ, 17.02.2017/АМИТ «Ховар»/. Ду варзишгоҳи Россия ба қатори муддаиёни Ҷоизаи «Беҳтарин варзишгоҳи ҷаҳон -2016» дохил шуданд. Дар ин бора «Лента. ру» хабар медиҳад.
Дар озмун 29 варзишгоҳ аз 21 давлати ҷаҳон иштирок мекунанд. Шумораи аз ҳама бештари варзишгоҳҳо ба Олмон ва Туркия, ки 4 ададиро ташкил медиҳанд, рост меояд.
Раъйдиҳӣ дар ду марҳала гузаронида мешавад. То 4 март хоҳишмандон метавонанд овози худро тавассути сайти «stadiony.net» ба варзишгоҳи интихобкардаашон расонанд. Қарори охиринро меъморони Аврупо ва Америка қабул мекунанд. Ғолиб 6 март эълон карда мешавад.
Варзишгоҳи Россия -«Арена ССКА», ки шомили ин раъйдиҳӣ аст, 30 000 ҷои нишаст дошта, соли гузашта мавриди истифода қарор гирифтааст. «Краснодар» моҳи октябри соли гузашта аввалин бозиро дар он гузаронид. Ин варзишгоҳ 34 000 тамошобин мебарад.

Февраль 17, 2017 16:34, 65 хонанда

Хабарҳои дигари ин бахш