Оромии Афғонистон оромии минтақа аст
ДУШАНБЕ, 17.02.2017. АМИТ «Ховар»/. «Оромии Афғонистон пеш аз ҳама оромии минтақа аст», гуфт дар мулоқоташ Шукурҷон Зуҳуров, Раиси Маҷлиси намояндагони Маҷлиси Олии Ҷумҳурии Тоҷикистон бо Салоҳиддин Раббонӣ, Вазири корҳои хориҷии Давлати Исломии Афғонистон. Бо дахли авзои сиёсии Афғонистон Ш.Зуҳуров таъкид кард, ки Тоҷикистон хостори таъмини суботу амният дар кишвари дӯсти худ- Афғонистон буда, барои тавсеаи ҳамкории мутақобилан судманд дар заминаҳои мухталиф талош менамояд.
Мусоҳибон ҳамзамон доир ба рушди ҳамкорӣ дар соҳаҳои сиёсат, амнияту мудофиа, иқтисоду тиҷорат, энергетика ва ҳамлу нақл, бахусус баланд бардоштани иқтидори транзитӣ байни ду кишвар ва равобити ду кишвар дар сатҳи минтақавию ҷаҳонӣ табодули назар карданд. Таъкид шуд, ки беш аз 80 санади дуҷониба заминаи қарордодию ҳуқуқии ҳамкории ду кишвари ҳамҷаворро ба танзим медароранд. Дар ин росто зикр шуд, ки барои татбиқи босамари санадҳои имзошуда, мақомоти марбутаи ду кишвар бояд бештар фаъол бошанд. Ҳамзамон доир ба татбиқи лоиҳаҳои судманди минтақавӣ, назири бунёди роҳҳои оҳани Тоҷикистон-Афғонистон-Туркманистон, Чин-Қирғизистон-Тоҷикистон-Афғонистон-Эрон, лоиҳаи «CASА-1000» ва лӯлаи гази Афғонистон-Тоҷикистон гуфтугӯйи судманд сурат гирифт. Ш.Зуҳуров таъкид кард, ки мо бояд ҳамкории иқтисодиамонро густариш диҳем. Хусусан ба амалишавии лоиҳаи сохтмони хати роҳи оҳан, ки Тоҷикистону Афғонистон ва Покистонро бо ҳам мепайвандад, диққати ҷиддӣ бояд дод. То кунун шаш пули калон Тоҷикистонро бо Афғонистон мепайванданд ва нақши онҳо дар рушди савдои наздисарҳадӣ, мубодилаи мол, рафту омади шаҳрвандон ва беҳдошти зиндагии мардуми Афғонистон нигаронида шудаанд. Таъкид шуд, ки таҷрибаи ҳамгироии босамари Тоҷикистону Афғонистон дар самти нигаҳдории амнияту субот дар марзи муштараки давлатӣ ва мубориза бо қочоқи маводи мухаддир ва дигар зуҳуроти номатлуби замони муосир дар оянда идома меёбад.
Дар анҷоми мулоқот Вазири корҳои хориҷии Давлати Исломии Афғонистон Салоҳиддин Раббонӣ аз дастгирӣ ва пуштибонии пайвастаи Ҳукумати Ҷумҳурии Тоҷикистон доир ба мавқеъ ва вазъияти Афғонистон дар сатҳи созмонҳои байналмилалӣ ва ҷомеаи ҷаҳонӣ изҳори сипос намуд.
Раиси Маҷлиси намояндагони Маҷлиси Олии Ҷумҳурии Тоҷикистон бо Президенти Ҷумҳурии Узбекистон мулоқот намуд
Вакилони Маҷлиси намояндагони Тоҷикистон дар ҷаласаи муштараки комиссияҳои доимии Ассамблеяи байнипарлумонии ИДМ иштирок намуданд
Ба Қонуни Ҷумҳурии Тоҷикистон «Дар бораи пешгирии зӯроварӣ дар оила» тағйиру иловаҳо ворид карда шуд
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
Муовини Раиси Маҷлиси намояндагон бо Роҳбари Хазинаи кӯдакони Созмони Милали Муттаҳид дар Тоҷикистон мулоқот намуд
Дар Душанбе мулоқоти вакилони Парлумони Тоҷикистон бо намояндагони Туркманистон баргузор шуд
Вакили Парлумон дар ҷаласаи комиссияи назоратию буҷетии Ассамблеяи байнипарлумонии Иттиҳоди Давлатҳои Мустақил ба таври фосилавӣ иштирок намуд
Раиси Маҷлиси намояндагони Маҷлиси Олии Ҷумҳурии Тоҷикистон бо Пешвои миллии халқи туркман-Раиси Халқ Маслиҳатии Туркманистон мулоқот анҷом дод
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Пешвои миллии халқи туркман, Раиси Халқ Маслиҳатии Туркманистон Гурбонгулӣ Бердимуҳамедов мулоқот намуданд
Ҷаласаи Шурои коршиносон оид ба экология ва идоракунии захираҳои табиӣ дар Ассамблеяи байнипарлумонии мамлакатҳои Иттиҳоди Давлатҳои Мустақил доир шуд
ҲАМОВОЗӢ. Дар Парлумон оид ба мулоқоти Президенти Тоҷикистон бо фаъолон, намояндагони ҷомеа ва ходимони дин ҳамоиш доир гардид
ФАЗОИ ДИНӢ ВА ТАҲДИДУ ХАТАРҲОИ МУОСИР. Ҳамовозӣ ба мулоқоти Президенти Тоҷикистон бо фаъолон, намояндагони ҷомеа ва ходимони дин
