Палатаи ҳисоб наздик ба 224 миллион сомонӣ зарари молиявиро ошкор кард

Февраль 3, 2017 12:05

ДУШАНБЕ, 03.02.2017/АМИТ «Ховар»/. «Соли 2016 аз ҷониби Палатаи ҳисоби Ҷумҳурии Тоҷикистон дар вазорату идораҳо, субъектҳои хоҷагидорӣ, марказ ва гурӯҳҳои татбиқи лоиҳаҳои сармоягузорӣ, бонкҳо ва дигар муассисаҳои буҷетӣ 530 санҷиши аудиторӣ гузаронида шуд. Дар натиҷаи он наздик ба 224 миллион сомонӣ зарари молиявӣ муайян гардид». Ин матлабро 3 феврал дар Душанбе дар ҷамъи хабарнигорон Фаррух Ҳамрализода, раиси Палатаи ҳисоби Ҷумҳурии Тоҷикистон зикр кард.
Таъкид гардид, ки аз ҳисоби умумии зарари ошкоргардида хароҷоти ғайриқонунии пулию молӣ 85,6 миллион сомонӣ, камомад ва тасарруфи воситаҳои пулию молӣ беш аз 1,6 миллион сомонӣ, изофанависӣ дар корҳои таъмиру сохтмонӣ 92,8 миллион сомонӣ, зарар аз фурӯш ва иҷораи амволи давлатӣ 1,3 миллион сомонӣ, инчунин талафи воситаҳои пулию молӣ аз бесарусомонӣ 4,2 миллион сомониро ташкил медиҳад. Ҳамзамон кормандони Палатаи ҳисоб зимни санҷиши аудиторӣ 37,2 миллион сомонӣ маблағҳои кам ҳисобгардида ва рӯйпӯшнамудаи андозҳоро ошкор намуданд.
Раиси Палатаи ҳисоби кишвар таъкид кард, ки ҳамзамон зимни санҷишҳои аудиторӣ захира ва талафи маблағҳои буҷетӣ ба маблағи 63,6 миллион сомонӣ муайян гардид.

Февраль 3, 2017 12:05

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт