«Рӯзи дарҳои кушод» барои довталабон дар Донишгоҳи давлатии шаҳри Хоруғ

Февраль 28, 2017 12:18

ХОРУҒ, 28.02.2017 /АМИТ «Ховар»/. Хатмкунандагони муассисаҳои таҳсилоти миёнаи умумии шаҳри Хоруғ дар чаҳорчӯби барномаи махсуси «Дарҳои кушод» бо намояндагони бахши минтақавии Маркази миллии тестии назди Президенти Ҷумҳурии Тоҷикистон ва устодони Донишгоҳи давлатии шаҳри Хоруғ мулоқот анҷом дода, зимни он ба суолҳои зиёди худ посух гирифтанд. Роҳбари бахши минтақавии Маркази мазкур Шаҳтут Хоников гуфт, ки дар долони ин донишгоҳ гӯшаи «Роҳнамои довталаб» ташкил шудааст ва дар ин гӯша ҳамаи маълумот оид ба имтиҳонҳои марказонидаи дохилшавӣ гирд оварда шудаанд.
«Агарчӣ таблиғгарони мо маълумотро оид ба фаъолияти Маркази миллии тестӣ ва тарзу шеваи имтиҳоноти дохилшавӣ ба воситаи расонаҳои маҳаллӣ ва ҳам мустақиман ба хамткунандагону волидони онҳо пурра пешниҳод намуданд, аммо мо зарур донистем, ки бори дигар онҳоро дар донишгоҳ гирди ҳам оварем ва ба суолҳояшон ҷавоб гардонем»,-гуфт Шаҳтут Хоников.
Ҳоло ҳамаи нуқтаҳои бақайдгирии шаҳру навоҳии вилоят ба маъракаи қабули ҳуҷҷатҳои довталабон, ки аз 1 марти соли равон оғоз меёбад, омода мебошанд. Ба масъулини нуқтаҳои сабти аснод дастур дода шуд, ки ҳангоми бақайдгирӣ ба довталабону волидони онҳо дар интихоби ихтисос, намуд, шакли таҳсил ё муассисаи таълимӣ ҳаматрафа кумак кунанд.

Февраль 28, 2017 12:18

Хабарҳои дигари ин бахш

Соҳибкори маҳаллӣ дар ҷамоати деҳоти Даҳанаи ноҳияи Ёвон бунгоҳи тиббӣ бунёд кард
Дар Бадахшон шумораи марказҳои рушди барвақтии кӯдакон меафзояд
Дар Фестивал-озмуни телевизионии «Бӯстон-2017» дар Тоҷикобод фарҳанги миллии либоспӯшӣ намоиш дода шуд
Ноҳияи Ш. Шоҳин: убури ғайриқонунии сарҳад пешгирӣ мешавад
Ярмаркаи либоси мактабӣ ва тақдими либоси ройгон ба хонандагони ятим
Шариф Назарзода: «Маданияти шаҳрдорӣ» дар Суғд ба камшавии шумораи ҷиноятҳо мусоидат намуд
Сангвор: ба 203 нафар сокинон барои рушди соҳибкорӣ қарзҳои имтиёзноку дарозмуддат дода шудаанд
Хатлон: истеҳсоли маҳсулот дар ҳачми 2,6 млрд. сомонӣ
Қабули қонуни танзими анъана ва ҷашну маросимҳо дар Бӯстон натиҷагирӣ карда шуд
Дуздии 2 ҳазор доллари амрикоӣ аз ҷониби ноболиғони 17- сола
«Фардои Ватан ва ояндаи миллатро бо дасти худ бисозем»-бардошт аз мулоқоти раиси вилояти Хатлон бо ҷавонон
Семинари омӯзишӣ оид ба «Таъмини дастрасии биноҳо ва иншоот барои шахсони имконияташон маҳдуд»