Ш.Зуҳуров сафари Ян Ҳамачекро ба Душанбе қадами устувор дар рушди ҳамкорӣ номид

Февраль 10, 2017 14:25

ДУШАНБЕ, 10.02.2017/АМИТ «Ховар»/. Шукурҷон Зуҳуров, Раиси Маҷлиси намояндагони Маҷлиси Олии Ҷумҳурии Тоҷикистон сафари ҳайати баландпояи парлумонии Ҷумҳурии Чехия таҳти роҳбарии Ян Ҳамачек, раиси палатаи вакилони Парлумони ин кишварро ба Тоҷикистон қадами устувор дар тақвияти ҳамкории байни ду кишвар, бахусус дар бахши парлумонӣ арзёбӣ намуд.
Бо дахли равобити байнипарлумонии Тоҷикистону Чехия Шукурҷон Зуҳуров афзуд, ки ҳамкории парлумонӣ байни ду кишвар беш аз пеш тақвият меёбанд. Зикр шуд, ки алҳол муносиботи қарордодиву ҳуқуқии байни Ҷумҳурии Тоҷикистон ва Ҷумҳурии Чехия дар марҳилаи густариш қарор доранд ва 13 санади дуҷонибаи ҳамкорӣ дар соҳаҳои иқтисод, тиҷорат, илму техника, сармоягузорӣ, саноат, тандурустӣ ва мубориза бо ҷинояткориро дар бар мегиранд.
Рӯйдоди муҳим дар тақвияти ҳамкории байни Тоҷикистон ва Чехия давоми солҳои 2004-2016, яъне сафарҳои расмии сарони кишварҳои Тоҷикистону Чехия ба кишварҳои ҳамдигар арзёбӣ мегардад. Дар доираи ин сафарҳо як қатор созишнома ва санадҳои дуҷонибаи ҳамкорӣ ба имзо расиданд, ки маҷмӯи қарордодиву ҳуқуқии муносиботи Тоҷикистону Чехияро таҳким мебахшанд.
Дар мулоқот мусоҳибон ҳамзамон роҷеъ ба масъалаҳои таҳкими ҳамкории иқтисодию тиҷоратӣ, ҷалби сармояи Чехия ба иқтисодиёти Тоҷикистон, авзои минтақа ва ҷаҳон ва мубориза бар зидди таҳдиду хатарҳои замони муосир табодули назар намуданд.
Раиси палатаи вакилони Парлумони Ҷумҳурии Чехия Ян Ҳамачек сафарашро ба Душанбе барои тақвияти ҳамкории дуҷониба дар тамоми заминаҳо муҳим арзёбӣ кард. Мавсуф гуфт, ки мардуми мо аз талошҳои Президенти Ҷумҳурии Тоҷикистон Эмомалӣ Раҳмон барои барқарории сулҳу суботи комил дар кишвари худ иттилоъ доранд ва ин заҳмату корнамоиҳои миллати барӯманди тоҷикро ҷиҳати ба даст овардани ваҳдат ва ҳамдигарфаҳмӣ қадр менамоянд.
Ян Ҳамачек зикр кард, ки Тоҷикистону Чехия дар самти фаъолияти парлумонӣ аз таҷрибаҳои кофӣ бархӯрдоранд ва парлумонҳои кишварҳои моро мебояд аз ин таҷрибаи ғании якдигар ба таври самарабахш истифода кунанд.

Февраль 10, 2017 14:25

Хабарҳои дигари ин бахш

Ба сокинони шаҳри Ҳисор нуктаҳои асосии Паёми Президенти Тоҷикистон ба Маҷлиси Олӣ расонида шуданд
Намояндаи Тоҷикистон дар кори иҷлосияи 148-уми Ассамблеяи парлумонии Иттиҳоди Давлатҳои Муттаҳид дар Женева иштирок намуд
Вакилони мардумӣ дар шаҳру ноҳияҳои Тоҷикистон бо намояндагони ҷомеа ва ходимони дин мулоқот намуданд
Тадбирҳои мубориза бо муҳоҷирати ғайриқонунӣ дар давлатҳои аъзои Созмони Аҳдномаи амнияти дастҷамъӣ пешниҳод гардиданд
Дар Душанбе вазъ ва дурнамои ҳамкории байнипарлумонии Тоҷикистон ва Гурҷистон баррасӣ шуд
Рустами Эмомалӣ ба Валентина Матвиенко ва Вячеслав Володин барқияи изҳори тасаллӣ ирсол намуданд
БАР ЗИДДИ ИФРОТГАРОИВУ ТЕРРОРИЗМ САРҶАМЪОНА МУБОРИЗА БАРЕМ. Андешаҳо дар ҳошияи мулоқоти Президенти Тоҷикистон бо намояндагони ҷомеа ва ходимони дин
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
САРМОЯИ ИНСОНӢ. Рушд ва самаранокии истифодаи сармояи инсонӣ барои давлату Ҳукумат аҳамияти аввалиндараҷа дорад
Дар Маҷлиси намояндагони Маҷлиси Олии Ҷумҳурии Тоҷикистон Рӯзи Модар пуршукуҳ таҷлил гардид
НАҚШИ ЗАНОН ДАР ПАРЛУМОНИ ТОҶИКИСТОН. 8 зан аъзои Маҷлиси миллӣ ва 16 нафар вакили Маҷлиси намояндагон мебошанд
Дар Душанбе бахшида ба Соли маърифати ҳуқуқӣ ҳамоиш баргузор гардид