Ширкати ҳавопаймоии «Сомон Эйр»: «Парвоз дар масири Душанбе-Тошканд-Душанбе рўзҳои наздик иҷро мегардад»
ДУШАНБЕ, 21.02.2017 /АМИТ «Ховар»/. Дар мувофиқа бо роҳбарони давлат ва ҳукуматҳои Ҷумҳурии Тоҷикистон ва Ҷумҳурии Ӯзбекистон, бо мақсади идомаи рушду таҳкими ҳамкории мутақобилан судманд дар соҳаи ҳамлу нақли ҳавоӣ миёни кишварҳо 10 феврал дар шаҳри Тошканд байни ширкатҳои ҳавопаймоии «Сомон Эйр» ва «Узбекистан Эйрвейз» вобаста ба ифтитоҳи хатсайрҳои мунтазам дар самти Душанбе-Тошканд-Душанбе музокирот баргузор гардида, муваффақона ба анҷом расид. Тавре ба АМИТ «Ховар» аз ширкати ҳавопаймоии «Сомон Эйр» хабар доданд, ширкати мазкур аз Назорати давлатии авиатсионии Ўзбекистон барои парвоз иҷозат гирифт ва дар асоси он метавонист аз 20 феврал парвозҳоро аз Душанбе ба фурудгоҳҳои Тошканд, Самарқанд, Бухоро ва Фарғона анҷом диҳад.
Аммо, дирўз, 20 феврал аввалин парвози мунтазам дар самти Душанбе-Тошканд амалӣ нагардид. Аз фурудгоҳи Тошканд ба унвонии ширкати ҳавопаймоии «Сомон Эйр» хабар омадааст, ки то ҳол барои парвоз иҷозат гирифта нашудааст.
Бино ба иттилои манбаъ, баъди аз ҷониби роҳбарияти ширкати ҳавопаймоии «Сомон Эйр» гузаронидани таҳлили ҷиддии вазъи баамаломада, муайян гардид, ки бастаи ҳуҷҷатҳо аз ҷониби ширкати ҳавопаймоии «Сомон Эйр» ба ҷониби Ўзбекистон сари вақт ирсол нашудааст. Шахсоне, ки ба вазъияти мазкур масъул буданд, аз ҷумла Директори тиҷоратӣ Алишер Рустамов ҷазо гирифта, аз кор озод шуданд.
Феълан миёни ширкатҳои ҳавопаймоии ду кишвар расмиёти фаннӣ мавриди ҳал қарор доранд. Роҳандозии парвоз ба самти Душанбе-Тошканд-Душанбе рӯзҳои наздик дар назар аст.
Ширкати ҳавопаймоии «Сомон Эйр» барои эҷод кардани нороҳатӣ аз мусофирони хатсайри Душанбе-Тошканд ва шарикони худ дар Ҷумҳурии Ӯзбекистон узр мепурсад.
Маълумот: Ширкати ҳавопаймоии «Сомон Эйр» парвозҳоро аз Тоҷикистон ба самти Олмон, АМА, Туркия, Хитой, Россия ва Қазоқистон муваффақона анҷом медиҳад.
Пойгоҳи ширкат аз ҳавопаймоҳои навъи Боинг 737-300, -800 ва -900 иборат мебошад.
Намояндагони Тоҷикистон дар Форуми ташкилоти кор бо ҷавонони аъзои ИДМ дар шаҳри Тошканд иштирок намуданд
Кумитаи кор бо ҷавонон ва варзиши Тоҷикистон бо ташкилоти байналмилалии соҳавӣ ҳамкориро тақвият мебахшад
Имрӯз дар Душанбе бо иштироки меҳмонон аз Узбекистон Озмуни ҷумҳуриявии «Кадбонуи беҳтарин» ҷамъбаст гардид
Ҳайати намояндагӣ-занони роҳбари воҳидҳои сохтории Ҷумҳурии Узбекистон ба Тоҷикистон омад
МАРОТИБАИ АВВАЛ. Табибони тоҷик усули нави ҷарроҳӣ дар самти табобати сурхрӯда ва меъдаро амалӣ намуданд
Дар Тоҷикистон бар асари боронҳои сел талафоти ҷонӣ ва харобиҳо сабт нашудаанд
Дар шаҳри Кӯлоб омодагии мудофиаи ҳудудӣ ва захираҳои сафарбарӣ мавриди омӯзиш ва санҷиш қарор гирифт
ҲАҶ ФАРЗ АСТ Ё ХУДНАМОЙИИ ҲОҶИЁН? Агар зоирон нисфи хароҷоти исрофкоронаашонро барои бунёди пул, ҳаммом, кандани ҷӯй сарф менамуданд, аҷру савоби бештар мегирифтанд
Дар шаҳри Хуҷанд клиникаи муосири оилавии муосири 1+1 ифтитоҳ гардид
«ВАССОФИ ВАТАН». Фестивал-озмуни тарғибгари дастовардҳои миллӣ оғоз гардид
СОЛИ МАЪРИФАТИ ҲУҚУҚӢ. Андешаҳо оид ба моҳияти фалсафии он
Дар Тоҷикистон соҳаи аритмиология рушд меёбад
