Тоҳир Ҷобирзода: «Муқовимат бар зидди коррупсия-вазифаи ҳар яки мост»

Февраль 17, 2017 17:13

тохир ЧобирзодаДУШАНБЕ, 17.02.2017/АМИТ «Ховар»/. «Муқовимат бо коррупсия қисми таркибии сиёсати дохилӣ ва хориҷии Ҷумҳурии Тоҷикистон буда, татбиқи он аз ташаббуси олии сиёсии роҳбарияти давлат оғоз мегардад». Ин нуктаро Тоҳир Ҷобирзода-вакили палатаи поёнии Парлумони Тоҷикистон зимни семинаре, ки имрӯз таҳти унвони «Муқовимат бар зидди коррупсия-вазифаи ҳар яки мост» дар Парлумон доир гардид, таъкид кард. Семинар бо ибтикори Дастгоҳи Маҷлиси намояндагон созмон дода шуда, дар он вакилони Маҷлиси намояндагон ва кормандони Дастгоҳи парлумони касбии мамлакат иштирок доштанд.
Ба андешаи Тоҳир Ҷобирзода, самаранокии муқовимат бо коррупсия ба иштироки фаъоли тамоми шохаҳои хокимияти давлатӣ ва ҷомеаи шаҳрвандӣ дар раванди амалигардонии он иртиботи ногусастанӣ дорад.
Мафҳуми муқовимат ба коррупсия фаъолияти тамоми мақомоти ҳокимияти давлатиро ҷиҳати ошкор, пешгирӣ ва бартараф намудани сабабу шароити ба миён омадани ҳолати коррупсионӣ, ошкор ва мубориза бо ҳуқуқвайронкунию ҷиноятҳои коррупсионӣ, бартарафсозии оқибатҳои номатлуби кирдорҳои коррупсионӣ, баланд бардоштани сатҳи иҷтимоӣ, пешрафти иқтисодиёт, таъмини ҳуқуқу озодиҳо ва амнияти кишвар фарогир аст.
Ҳамзамон Тоҳир Ҷобирзода зикр сохт, ки коррупсия яке аз зуҳуроти хавфноки ҷомеа буда, дар миқёси ҷаҳон ҳамчун ҷинояти вазнин ва яке аз унсурҳои таҳдидкунанда ба амнияти миллӣ ва халалдоркунандаи рушду суботи иҷтимоию иқтисодии давлат эътироф гаштааст. Мубрам будани масъалаи мазкурро ба инобат гирифта, Ҷумҳурии Тоҷикистон иштирокчии фаъоли раванди ҷаҳонии муқовимат бо коррупсия гардид ва дар сатҳи миллию байналмилалӣ тадбирҳои марбутаи ташкилию ҳуқуқӣ андешид. Дар сатҳи байналмилалӣ яке аз чунин санадҳои асосӣ ва муҳими ҳуқуқӣ.-, ин аз ҷониби Ҷумҳурии Тоҷикистон соли 2006 ба тасвиб расонидани Конвенсияи Созмони Милали Муттаҳид зидди коррупсия мебошад. Бо мақсади ташкили мубориза бар зидди коррупсия ва андешидани тадбирҳои зарурӣ дар сатҳи миллӣ маҷмӯи санадҳои меъёрӣ- ҳуқуқӣ кабул гардида, доктринаи миллии ҳуқуқӣ дар ин соҳа ташаккул ёфт. Фармони Президенти кишвар «Дар бораи тадбирҳои иловагии пурзӯр намудани мубориза бар зидди ҷинояткорӣ дар соҳаи иқтисод ва коррупсия (ришвахурӣ)» ва қабули Қонуни Ҷумҳурии Тоҷикистон «Дар бораи мубориза бар зидди коррупсия» аз ҳамин қабиланд. Ҳамзамон бо мақсади ташаккули низоми шаффофи фаъолияти мақомоти идоракунӣ, сарфа ва истифодаи самараноки маблағҳои буҷетӣ моҳи январи соли 2007 бо Фармони Президенти кишвар Агентии назорати давлатии молиявӣ ва мубориза бо коррупсияи Ҷумҳурии Тоҷикистон таъсис дода шуд.
Зикр гардид, ки Паёми Пешвои миллат ба Парлумони мамлакат дар назди қишрҳои гуногуни ҷомеа, хусусан дар мубориза бар зидди коррупсия вазифаҳои умда мегузорад.

Февраль 17, 2017 17:13

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт