Вазири корҳои дохилӣ бо Сафири Туркия дар Тоҷикистон ҳамкорӣ дар мубориза бо терроризмро баррасӣ карданд

Февраль 3, 2017 17:08

ДУШАНБЕ, 03.02.2017. /АМИТ «Ховар»/. Имрӯз Вазири корҳои дохилии Ҷумҳурии Тоҷикистон Рамазон Раҳимзода бо Сафири Фавқулода ва Мухтори Ҷумҳурии Туркия дар Ҷумҳурии Тоҷикистон Алӣ Рифат Кёксал мулоқот намуд.
Тавре аз Вазорати корҳои дохилӣ хабар доданд, Рамазон Раҳимзода Алӣ Рифат Кёксалро барои таъйин гардидан ба вазифаи Сафири Фавқулода ва Мухтори Ҷумҳурии Туркия дар Ҷумҳурии Тоҷикистон самимона табрик намуда, дар иҷрои вазифаҳои муҳими давлатӣ барору комёбӣ таманно намуд.
Зикр гардид, ки муносибатҳои дӯстонаи ду давлат рӯз аз рӯз пеш рафта, чунин муносибат махсусан байни мақомоти корҳои дохилии ду кишвар эҳсос мегардад. Заминаи ҳуқуқии ҳамкорӣ ба имзо расидани созишномаҳо, тавофуқнома ва ёддоштҳои тафоҳум ҷиҳати дурнамои ҳамкории дуҷониба имконоти васеъ фароҳам овардааст.
Аз ҷумла, ба имзо расидани Созишнома байни Ҷумҳурии Тоҷикистон ва Ҷумҳурии Туркия оид ба ҳамкорӣ дар мубориза бо терроризм, муомилоти ғайриқонунии воситаҳои нашъадор, моддаҳои психотропӣ, прекурсорҳои онҳо ва ҷинояткории муташаккил аз 7 ноябри соли 2001 муҳим ба шумор рафта, дар ин замина Комиссияи муштарак ташкил гардидааст.
Дар ҷараёни вохӯрӣ ҷонибҳо атрофи масоили мубориза бо ҷинояткории муташаккилона, аз ҷумла терроризм, экстремизм, муомилоти ғайриқонунии маводи мухаддир, табодули таҷриба, мубодилаи иттилоот, омода намудани кадрҳои баландихтисос ва дигар мавзӯъҳои мавриди таваҷҷуҳ ибрози андеша намуданд.
Дар вохӯрӣ Алӣ Рифат Кёксал аз ҳамкории мутақобилан судманд қаноатмандии хешро иброз дошта, барои тақвияти минбаъдаи муносибатҳои мақомоти корҳои дохилии ҳарду кишвар изҳори боварӣ намуд.
Зикр шуд, ки мулоқоти имрӯза қадами устуворест, ки ду кишварро бо ҳам наздик намуда, робитаҳои касбиро дар ҳамаи самтҳо равнақу ривоҷ медиҳад.

Февраль 3, 2017 17:08

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт