6 март-Рӯзи байналмилалии дандонпизишк: дандонҳоро аз хурдсолӣ бояд эҳтиёт кард!

Март 6, 2017 15:53

Хабарҳои мавзӯъ

0-02-05-dde59dc4aba6685430a71ffdaef6232ef4f774759b5321d2c1f8bc1ee4fe5f64_full

ДУШАНБЕ, 06.03.2017 /АМИТ «Ховар»/. Таҷлили 6 март ҳамчун Рӯзи байналмилалии дандонпизишк солҳои охир ба ҳукми анъана даромадааст. Аз кашфиёти археологии асрҳои 6-4 то мелод бармеояд, ки ҳато дар он асрҳо одамон дандонҳояшонро сӯрох карда, аз пӯсиш тоза мекардаанд.
Бино ба гуфтаи дандонпизишк Исроил Маҳмадалиев, солҳои охир соҳаи стоматология босуръат рушд дорад. «Дар ин самт пешравиҳои зиёд ба назар мерасанд, духтурон аз таҷҳизоти муосиру маводи босифат истифода мекунанд. Дар ҷумҳурӣ марказҳои зиёди стоматологӣ фаъол мебошанд, ки қариб ҳамаи мушкилоти беморонро осон мекунанд. Вале бояд зикр намуд, ки то ҳол ҳастанд духтуроне, ки аз маводи пастсифат истифода мебаранд. Маводи тиббӣ имрӯз хеле гаронанд ва мо ҳамаи онро аз хориҷи кишвар харидорӣ мекунем»,-илова намуд И.Маҳмадалиев.
Ба андешаи дандонпизишк, бештари беморон одат кардаанд, ки дандонашон то дард накунад ё ягон мушкилӣ дар ин самт пеш наояд, ба духтур муроҷиат намекунанд. «Вале бояд гуфт, ки дандонро дар синни хурдсолӣ муоина ва муолиҷа кардан лозим аст. Бояд аз хурдсолӣ кӯдак духтури худро дошта бошад, то вай ҳамаи мушкилоти кӯдакро аз хурдсолӣ донад ва бартараф кунад»,-зикр намуд дандонпизишк.
И. Маҳмадалиев доим ба беморонаш тавсия медиҳад, ки дар як сол ду маротиба ҳатман аз муоинаи дандонпизишк бояд гузаранд. Вале мутаассифона, бештари мардум ин қоидаро фаромӯш мекунанд. «Бештари одамон ҳатто аз сабаби зиёд будани кор ё хасташавӣ ду маротиба шустани дандонҳояшонро фаромӯш мекунанд. Дар бештари оилаҳо як дандоншӯякро чанд нафар истифода мекунанд, ки ин аз рӯи қоидаҳои беҳдошт нест. «Бештари ҷавонони мо одат кардаанд, ки бо дандон сарпӯши нӯшокиҳоро кушоянд, ё бо дандон чормағз мешикананд, ки ин амалҳо ба вазъи дандонҳо таъсири манфӣ мерасонанд»,-афзуд дандонпизишк.
Дандонпизишкон тавсия медиҳанд, ки ҳар як шахс бояд дар як моҳ як маротиба дандоншӯякашро иваз кунад. Шахсоне, ки тамоку мекашанд, бояд бештар ба дандонпизишкон муроҷиат намоянд, то қабати зарди дандонҳоро сари вақт тоза намоянд ва он ба санги дандон табдил наёбад.

Март 6, 2017 15:53

Хабарҳои дигари ин бахш

Хуроки дурустҒизои дуруст аз шартҳои асосии доштани рӯзаи моҳи шарифи Рамазон мебошад
ДИС (2)Нархи роҳкиро дар нақлиёти мусофиркашон чанд аст ва чаро ронандагон бақия намедиҳанд?
руза-табибТавсияҳои табиби оилавӣ ба шахсоне, ки рӯза мегиранд
Сайт АМИТ ХоварШумораи хонандагони сомонаи АМИТ «Ховар» ба 4,2 миллион нафар расид!
БОЧ-хурока барои мактаббачагонДар Тоҷикистон ба мактаббачагон хӯроки яквақтаина дода мешавад
эмгузарониРўзҳои эмгузаронии иловагӣ бар зидди бемориҳои сурхча ва гулафшон оғоз гардиданд
Рузхои Маорифи Казокистон (9)«Рӯзҳои маорифи Қазоқистон» дар Тоҷикистон: мактабҳои олии Қазоқистон барои донишҷӯён тахфифҳои махсус пешниҳод менамоянд
Санэпид стан хавоХадамоти назорати давлатии санитарию эпидемиологӣ огоҳ менамояд!
гармоКумитаи ҳолатҳои фавқулода огоҳ мекунад: рӯзҳои наздик ҳарорати ҳаво беш аз 40 дараҷа хоҳад шуд!
олимпиадаи «ISWEEEP-2017»-и ИМА 4 медал5697Хонандагони тоҷик аз олимпиадаи «ISWEEEP-2017»-и ИМА 4 медал оварданд!
Аёдати ветерано сугд 3Тақдими кумакпулии якдафъаина ба иштирокчиён ва маъюбони Ҷанги дуюми ҷаҳонӣ
День ПобедыБа 447 нафар собиқадорони Ҷанги дуюми ҷаҳон кумаки якдафъаинаи Пешвои миллат супорида мешавад