Ҳаким Фузайлов аз бозии дастаи мунтахаб қаноатманд нест

Март 29, 2017 17:16

ДУШАНБЕ, 29.03.2017/АМИТ «Ховар»/. Баъди бохти дастаи мунтахаби футболи Тоҷикистон дар нахустин бозии интихобии Ҷоми Осиё-2019 аз дастаи мунтахаби Яман бо ҳисоби 2:1 сармураббии дастаи мунтахаби Тоҷикистон Ҳаким Фузайлов ба саволҳо андешаҳояшро баён намуд.
«Дар нишасти матбуотии пеш аз бозӣ ман гуфта будам, ки дар ин сатҳи бозиҳо дастаҳои суст нестанд. Ба ин нигоҳ накарда, бояд дастаи мунтахаби мо дар ин бозӣ ғалаба мекард, аммо ман бори аввал дидам, ки футболбозони мо бепарвоёна нисбат ба ҳариф бозӣ мекунанд. Онҳо пиёда хостанд ҳарифро мағлуб кунанд, вале футбол хеле пеш рафтааст, ин тавр бозӣ карда, ба ғалаба комёб шудан мумкин нест. Бохти мо ҳаққонияти имрӯза аст. Аз чашмони бозингарони яманӣ шӯъла меборид, барои ҳар як тӯб мубориза мебурданду қувваи худро дареғ намедоштанд. Афсӯс, ки футболбозонро ба худ оварда натавонистем. Онҳо бо дили нохоҳам, назарногирона рафтор карданд. Ба ин сурат ғалаба ҳеҷ гоҳ худ аз худ намеояд. Барои пирӯзӣ мубориза барои ҳар як тӯб дар ҳар мавқеъ зарурат дорад, он вақт натиҷа ҳам мешаваду ғалаба ҳам».
Ба гуфтаи сармураббии дастаи мунтахаби Тоҷикистон дар бозӣ рӯҳияи мубориза барои ғалаба дида намешуд. «Он ваҳдату ягонагие, ки пештар дар даста буд, дар ин бозӣ ба чашм нарасид. Барои чӣ ин тавр шуд, меомӯзем. Бе ҳавсала ба майдон омадан маъно надорад. Имрӯз ҳар ду голро мо худамон ба дарвозаамон овардем.
Ба бохт нигоҳ накарда, фикр мекунам, ки ҳама натиҷаҳо ҳамоно дар пешанд. Албатта, бохтан ва имтиёз нагирифтан аламовар аст. Ин футбол аст, мо бояд аз камбудиҳо хулосаи зарурӣ барорем. Маҳз аз ин бохте, ки содир шуд»,-иброз намуд Ҳаким Фузайлов.

Март 29, 2017 17:16

Хабарҳои дигари ин бахш

Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»
ҶОМИ ҶАҲОН-2026. Имрӯз дастаи мунтахаби Тоҷикистон дар марҳилаи интихобӣ бо тими Арабистони Саудӣ бозӣ менамояд
ҶОМИ ҶАҲОН-2026. Дастаи мунтахаби Тоҷикистон оид ба футбол дар шаҳри Риёз нахустин тамринҳоро анҷом дод
ФУТБОЛ. Имрӯз дастаи олимпии Тоҷикистон (U-23) дар Душанбе бо дастаи мунтахаби Ветнам бозӣ менамояд