Ғалабаи «Истиқлол» бар «Дордой» мухлисонро шод кард

Март 15, 2017 09:48

ДУШАНБЕ, 15.02.2017 /АМИТ «Ховар»/. Дирӯз дар Варзишгоҳи марказии пойтахт чемпиони Тоҷикистон — «Истиқлол»-и Душанбе дар даври аввали Ҷоми Конфедератсияи футболи Осиё (КФО) дар гурӯҳи «D» бар дастаи «Дордой»-и Қирғизистон бо натиҷаи 2:0 ғолиб омада, 16,5 ҳазор мухлисони дар варзишгоҳбуда ва миллионҳо тамошобинони телевизионро шоду масрур гардонид.
Девид Маутор, легионери ганагии истиқлолиҳо дар дақиқаи 16-ум баъди паси олии Дмитрий Барков бо зарбаи сар ҳисобро боз кард. Баъди 6-дақиқа яке аз беҳтарин бозингарони нимаи аввали вохӯрӣ- Ҷаҳонгир Алиев баъди зарбаи кунҷӣ аз ҷониби капитани «Истиқлол» Фатҳулло Фатҳуллоев голи дуюми соҳибони майдонро ба дарвозаи Валерий Кашуба зада, меҳмононро дилшикаста кард.
Ҳарчанд дар нимаи дуюм имкониятҳои хуби голзанӣ барои бозингарони «Истиқлол» ва «Дордой» вуҷуд доштанд, вале ҳисоб тағйир наёфт. Капитани соҳибони майдон Фатҳулло Фатҳуллоев бо зарбаи сахт боре сутуни дарвозаи меҳмононро ба ларза овард.
Дар ин гурӯҳ дастаи дуюми Қирғизистон -«Алай» дар майдонаш аз «Алтин Асир»-и Туркманистон бо ҳисоби 1:2 шикаст хӯрд.

Ҷоми КФО-2017
Минтақаи марказӣ. Гурӯҳи «D». Даври 1
«ИСТИҚЛОЛ» (ТОҶИКИСТОН) «Дордой» (Қирғизистон) 2:0
Голҳо: Дэвид Мавутор, 16 (1:0). Ҷаҳонгир Алиев, 22 (2:0).
«Истиқлол» (Душанбе, Тоҷикистон): Никола Стошич, Сиёвуш Асроров, Аҳтам Назаров, Ромиш Ҷалилов, Артем Барановский, Дэвид Мавутор, Нуриддин Давронов, Ҷаҳонгир Алиев (Ҷаҳонгир Эргашев, 46), Фатҳулло Фатҳуллоев (Дилшод Восиев, 90+2), Манучеҳр Ҷалилов (Амирбек Ҷӯрабоев, 90+1), Дмитрий Барков.
«Дордой» (Бишкек, Қирғизистон): Валерий Кашуба, Егор Потапов, Курсанбек Шератов, Ислам Шамшиев, Бекжан Сагинбаев (Мирбек Ахматалиев, 54), Кайрат Жиргалбек уулу, Павел Сидоренко (Даниэл Тэго, 46), Бактай Талайбек уулу, Кайрат Колбаев, Алишер Азизов (Адил Бекболотов, 76), Авазбек Откеев.
Огоҳӣ: Дэвид Мавутор («Истиқлол»), Кайрат Жиргалбек уулу, Бактай Талайбек уулу («Дордой»).
Бозингари беҳтарин: Фатҳулло Фатҳуллоев («Истиқлол»).
Довар дар майдон: Ёқуб Юсуф Қосим Ҳасан ал-Ҳаммадӣ (АМА).
Нозири доварон: Ҷосим Муҳамад ал-Халил (Қатар).
Комиссари бозӣ: Тох Сен Ни (Малайзия).

14 март. Душанбе. Варзишгоҳи марказии ҷумҳуриявӣ. 16 500 тамошобин.

И В Н П М О
1 «ИСТИҚЛОЛ» (ТОҶИКИСТОН) 1 1 0 0 2-0 3
2 «Алтин Асир» (Туркманистон) 1 1 0 0 2-1 3
3 «Алай» (Қирғизистон) 1 0 0 1 1-2 0
4 «Дордой» (Қирғизистон 1 0 0 1 0-2 0

Даври 2-юм
4 апрел (сешанбе)
«Алтин Асир» (Туркманистон) «ИСТИҚЛОЛ» (ТОҶИКИСТОН)
«Дордой» (Қирғизистон) «Алай» (Қирғизистон)

Март 15, 2017 09:48

Хабарҳои дигари ин бахш

«ANTALYA GRAND SLAM-2024». Ҷудочии тоҷик Эмомалӣ Нуралӣ ба финал баромад
Ширкати «Париматч Тоҷикистон» сарпарасти кулли Лигаи якум-2024 гардид
Варзишгарони ҷавони тоҷик дар мусобиқаҳои байналмилалӣ оид ба бокс дар Остона ва Боку сазовори медалҳои биринҷӣ гардиданд
Имрӯз мусобиқаи «Antalya Grand Slam-2024» оид ба ҷудо оғоз мешавад
Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд