Азим Иброҳим: «Даъват ба сафи Қувваҳои мусаллаҳ-бе иҳотагирӣ!»

Март 17, 2017 14:25

Хабарҳои мавзӯъ

Азим

ДУШАНБЕ, 17.03.2017. /АМИТ «Ховар»/. 16 марти соли ҷорӣ дар «Кохи афсарон»-и Вазорати мудофиаи Ҷумҳурии Тоҷикистон баъди содир шудани фармони Сарфармондеҳи Олии Қувваҳои мусаллаҳ, Президенти Ҷумҳурии Тоҷикистон муҳтарам Эмомалӣ Раҳмон «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1990-1999 ба хизмати ҳарбӣ», муовини Сарвазири мамлакат Азим Иброҳим ҷаласаи навбатии корӣ оид ба даъвати баҳории ҷавононро баргузор намуд.

Тибқи иттилои муовини Сарвазир, новобаста аз он, ки даъвати тирамоҳӣ 13 рўз қабл аз муҳлати муқарраршуда ба анҷом расида бошад ҳам, мутаассифона, баъзан падидаҳои номатлуби бо тарзи иҳотагирӣ даъват кардани ҷавонон барои адои қарзи фарзандии хизмат ба Ватан ба чашм мерасид, ки ин ба талаботи муосир ҷавобгўй намебошад. Ҳамзамон ҳолатҳои ҷалби ҷавонони бемор бо хулосаи нодурусти тиббии Вазорати тандурустӣ мушоҳида мегардид.

Бо мақсади бартараф кардан ва минбаъд роҳ надодан ба чунин ҳолатҳо аз 73 комиссариатҳои ҳарбии шаҳру ноҳияҳои ҷумҳурӣ роҳбарони 51-тои он иваз карда шуданд. Ба ҳамаи комиссариатҳои ҳарбии нав таъйингардида супориши қатъӣ дода шуд, ки ба чунин усули ғайри қобили қабул даъват кардани ҷавонон ба сафи Қувваҳои мусаллаҳи кишвар хотима бахшанд.

Ба сарпрокурори ҳарбӣ дастур дода шуд, ки назоратро дар самтҳои зикргардида ҷиддӣ ва дар чаҳорчўбаи қонунҳои амалкунанда ба роҳ монад.

Дар навбати худ Вазорати мудофиа, Вазорати маориф ва илм, Кумитаи ҷавонон ва сайёҳӣ, инчунин масъулини шаҳру ноҳияҳо дар минтақаҳо вазифадор мегарданд, ки корҳои таблиғотию ватандўстиро дар байни аҳолӣ, хусусан дар байни ҷавонон пурзӯр намоянд, зеро марзу буми Тоҷикистон муқаддасанд ва ҳифзу таъмини ягонагии он вазифаи ҳар як ҷавонмарди бонангу номуси кишвар мебошад.

Хизмат дар сафи Қувваҳои мусаллаҳ нишонаи садоқат ба ин марзу бум ва иҷрои қарзи фарзандии ҷавонон дар назди Модар-Ватан аст.

Март 17, 2017 14:25

Хабарҳои дигари ин бахш

Хуроки дурустҒизои дуруст аз шартҳои асосии доштани рӯзаи моҳи шарифи Рамазон мебошад
ДИС (2)Нархи роҳкиро дар нақлиёти мусофиркашон чанд аст ва чаро ронандагон бақия намедиҳанд?
руза-табибТавсияҳои табиби оилавӣ ба шахсоне, ки рӯза мегиранд
Сайт АМИТ ХоварШумораи хонандагони сомонаи АМИТ «Ховар» ба 4,2 миллион нафар расид!
БОЧ-хурока барои мактаббачагонДар Тоҷикистон ба мактаббачагон хӯроки яквақтаина дода мешавад
эмгузарониРўзҳои эмгузаронии иловагӣ бар зидди бемориҳои сурхча ва гулафшон оғоз гардиданд
Рузхои Маорифи Казокистон (9)«Рӯзҳои маорифи Қазоқистон» дар Тоҷикистон: мактабҳои олии Қазоқистон барои донишҷӯён тахфифҳои махсус пешниҳод менамоянд
Санэпид стан хавоХадамоти назорати давлатии санитарию эпидемиологӣ огоҳ менамояд!
гармоКумитаи ҳолатҳои фавқулода огоҳ мекунад: рӯзҳои наздик ҳарорати ҳаво беш аз 40 дараҷа хоҳад шуд!
олимпиадаи «ISWEEEP-2017»-и ИМА 4 медал5697Хонандагони тоҷик аз олимпиадаи «ISWEEEP-2017»-и ИМА 4 медал оварданд!
Аёдати ветерано сугд 3Тақдими кумакпулии якдафъаина ба иштирокчиён ва маъюбони Ҷанги дуюми ҷаҳонӣ
День ПобедыБа 447 нафар собиқадорони Ҷанги дуюми ҷаҳон кумаки якдафъаинаи Пешвои миллат супорида мешавад