Бо сармураббиёни дастаҳои «Истиқлол» ва «Дордой» пеш аз бозии Ҷоми КФО нишасти матбуотӣ доир шуд

Март 13, 2017 14:48, 186 хонанда

Хабарҳои мавзӯъ

ФУТБОЛ Пресконфренсия (7)

ДУШАНБЕ, 13.03.2017/АМИТ «Ховар»/. Имрӯз дар меҳмонхонаи «Атлас» нишасти матбуотии сармураббиёни дастаҳои «Дордой»-и Қирғизистон ва «Истиқлол»-и Душанбе, ки пагоҳ соати 18:30 дар вохӯрии даври аввали Ҷоми Конфедератсияи футболи Осиё (КФО) дар гурӯҳи «D» бо ҳам қувва меозмоянд, баргузор гардид.
Сараввал сармураббии дастаи «Дордой» Мурат Ҷумъакеев ва капитани ин даста Курсанбек Шератов ба саволҳо ҷавоб гуфта, изҳор карданд, ки «Дордой» барои вохӯрӣ бо дастаи «Истиқлол» тайёрии пухта дидааст, вале иштирок накардани бозингарон Анатолий Власичев, Марат Аджиниязов ва Азиз Сиддиқов бо ҷурми кортҳои зард метавонад ба бозӣ таъсир гузорад.
Сармураббӣ гуфт: «Дар гурӯҳи мо чемпионҳои Осиёи Марказӣ ҳузур доранд ва мо бо онҳо бозӣ мекунем. Кадом даста дар гурӯҳ беҳтарин аст, пешгӯӣ кардан имкон надорад. Беҳтаринҳоро бозиҳо нишон медиҳанд. Хуб аст, ки дар гурӯҳи «Д» ду даста аз Қирғизистон ширкат меварзад. Мо вохӯриҳоямонро дар кишварамон барпо мекунем ва ин гуворо аст»
Мӯҳсин Муҳаммадиев сармураббии дастаи «Истиқлол» ва легионери нави душанбегиҳо Дмитрий Барков (Россия) низ аз тайёрии хуби дастаи «Истиқлол» хабар доданд. Мӯҳсин Муҳаммадиев гуфт: «Пагоҳ барои мо ид аст, зеро мо ба бозиҳои Ҷоми КФО аз моҳи декабр омодагӣ мегирем. Мо бозиҳои дастаи «Дордой»-ро омӯхтем ва маълумоти кофӣ дорем. Дар бораи мақсади даста дар гурӯҳ ҳарф заданӣ нестам. Пагоҳ аввалин вохӯрӣ ба ин саволҳо ҷавоб хоҳад гуфт. Фарҳод Восиев лат бардоштааст ва иштирокаш дар бозӣ зери шубҳа мебошад. Мехоҳем дар бозӣ бо «Дордой» мухлисони худро шод гардонем».
Дмитрий Барков моҳи сеюм аст, ки дар дастаи «Истиқлол» ҳузур дошта, аз муносибати байниҳамдигарӣ дар даста қаноатманд аст. «Рӯҳияи бозингарон болида аст ва мо танҳо бо мақсади ғалаба ба майдон меоем»,-иброз дошт Дмитрий.
Ёдрас мешавем, ки пагоҳ соати 18:30 дар Варзишгоҳи марказии пойтахт «Истиқлол»-и Душанбе дар аввалин бозии гурӯҳии Ҷоми КФО бо «Дордой» қувва месанҷад.
Баъд аз анҷоми вохӯрӣ бозии лотерея (аз рӯи билетҳо) гузаронида мешавад ва ғолибон сазовори телефони мобилии навтарин, ноутбук ва планшет мегарданд.

ФУТБОЛ Пресконфренсия (8) ФУТБОЛ Пресконфренсия (2)

Март 13, 2017 14:48, 186 хонанда

Хабарҳои дигари ин бахш

khakim-fuzaylovҲаким Фузайлов: «Чунин рақобат барои мо зарур буд»
bahrain-tajikistan14Бозии дастаи мунтахаби Тоҷикистон бо Баҳрайн мусовӣ анҷом ёфт
DSC_0733Ғолибони пойгаи аспдавонӣ соҳиби мошин, шутур ва асп гардиданд
Ғолибони мусобиқаи гӯштини «Ҷоми пойтахт-2017» муайян шуданд1 (1)Ғолибони мусобиқаи гӯштини «Ҷоми пойтахт-2017» муайян шуданд
Гуштин (2)Мусобиқаи ҷумҳуриявӣ оид ба гуштини миллӣ барои дарёфти Ҷоми «Пойтахт»
Барои дарёфти ҷоми «Пойтахт -2017» байни наврасону духтарон мусобиқаи тенис огогардид 1Барои дарёфти ҷоми «Пойтахт -2017» байни наврасону духтарон мусобиқаи теннис оғоз гардид
Барқчӣ ХсилотҒалабаи аввалини «Барқчӣ» ва бохти «Ҳосилот» дар даври сеюм
Тарҳи Лигаи якумЛигаи футболи Тоҷикистон тарҳи бозиҳои Лигаи якумро баррасӣ кард
????????????????????????????????????Мусобиқаи футбол бахшида ба ҷашни Наврӯз ва Соли ҷавонон дар Истанбул
мунтахаби ТоҷикистонҲайати дастаи мунтахаби Тоҷикистон барои бозӣ бо дастаҳои мунтахаби Баҳрайн ва Яман интихоб шуд
БарқчӣЧемпионати Тоҷикистон: «Барқчӣ» барои дастаи мунтахаби ҷавонон замина тайёр мекунад
Футзал соҳиби ҶомАввалин ҷоизаи «ДИСИ Инвест» дар мавсими нав