Бонки миллии Тоҷикистон бо ширкати «Металор» шартномаи ҳамкорӣ имзо кард

Март 9, 2017 11:59

Хабарҳои мавзӯъ

БМТ Металор r_1

ДУШАНБЕ, 09.03.2017 /АМИТ «Ховар»/. Намояндагони Бонки миллии Тоҷикистон таҳти роҳбарии муовини якуми Раиси ин Бонк Ҷамолиддин Нуралиев бо мақсади шиносоӣ бо фаъолияти ширкати «Металор» ба шаҳри Марини Швейтсария сафари хидматӣ намуданд.
Тавре ки аз хадамоти матбуоти БМТ хабар доданд, зимни сафар ҳайати намояндагии Бонки миллии Тоҷикистон бо фаъолияти корхона шинос шуда, бо Президенти ширкат оид ба соҳибкории тасфия Юксинг Шанг вохӯрӣ анҷом доданд. Ҳангоми гуфтушунид тарафҳо оид ба тавсеа бахшидани муносибатҳои мутақобилан судманд дар самти тасфияи филизот изҳори омодагӣ намуданд.
Дар натиҷаи мулоқот аз ҷониби Бонки миллии Тоҷикистон ва ширкати «Металор» Шартномаи ҳамкории дуҷониба ба имзо расонида шуд.
Ширкати «Металор»-и Швейтсария соли 1852 ташкил ёфта, яке аз бонуфузтарин ширкатҳо дар соҳаи коркард ва тасфияи филизоти қиматбаҳо ба ҳисоб меравад. Ширкати мазкур дар саросари ҷаҳон фаъолона иштирок намуда, дар 17 кишвар намояндагиҳои худро кушодааст. Ба шабакаи байналмилалии муштариён пайваст буда, маҳсулоти ин ширкат дар ИМА (Лос Анҷелес ва Лима), Аврупо (Лион) ва Осиё (Ҳонконг) ба муомилот бароварда мешавад. Дафтари асосии ин Ширкат дар шаҳри Марини давлати Швейтсария ҷойгир шудааст. Ширкати «Металор» -сертификатҳои стандарти ISO (Ташкилоти байналмилалии стандартизатсия), RJC (Шӯрои маҳсулоти заргарӣ), LPPM (Бозори платина ва палладии Лондон) ва LBMA (Ассотсиатсияи иштирокчиёни бозори қиматбаҳои Лондон)-ро доро мебошад.
Аз ҷониби ширкати мазкур ба бонкҳои марказии ҷаҳон дар соҳаи тасфия хизмат расонида мешавад. Теъдоди кормандони умумии ширкати мазкур 1650 нафарро ташкил медиҳад. Маҳсулоти ин ширкат дар саноати электронӣ, мошинасозӣ ва соҳаи ороишӣ истифода мешавад. Дар корхонаи мазкур маҳсулоти хом ва нимтайёр, ба монанди тилло, платинум, палладий ва нуқра коркард карда мешаванд.

Март 9, 2017 11:59

Хабарҳои дигари ин бахш

IMG_0381Муаррифии Стратегияи миллии рушди Тоҷикистон барои давраи то соли 2030 дар Брюссел
Парчами Точикистону Арабистони СаудиСозишномаи қарзӣ баҳри татбиқи лоиҳаи «Сохтмон ва муҷаҳҳазгардонии як қатор мактабҳои миёна, марҳалаи 4» миёни Ҳукумати Тоҷикистон ва Сандуқи Рушди Саудӣ
18518979_1463220237061632_38806735_oДар Ҷидда Созишномаи қарзӣ барои татбиқи лоиҳаи «Сохтмони роҳи мошингузари Кӯлоб- Қаълаихумб, минтақаҳои A ва F» ба имзо расид
Ш. Зухуров ва Пан ЮнхеМубодилаи мол байни Тоҷикистону Чин дар соли 2020 ба 3 миллиард доллар расонида хоҳад шуд
DSC_0381+Дар «Кохи Борбад» намоиш-фурӯши маҳсулоти ширкатҳои ватанӣ доир шуд
БМБонки миллӣ фаъолияти ташкилотҳои қарзии «Асрина» ва «Армон»-ро қатъ гардонид
????????????????????????????????????Баррасии дурнамои рушди бозори байнибонкӣ дар Тоҷикистон
????????????????????????????????????Ҳамкории Бонки миллии Тоҷикистон ва Иттиҳод оид ба дастрасии молиявӣ (AFI)
Форуми Сохбкорони КАЗ+ТОЧ (14)Қазоқистон баъд аз Россия ва Чин дар рушди иқтисоди Тоҷикистон ҷойгоҳи арзишманд дорад
Форуми Сохбкорони КАЗ+ТОЧ (5)Ба имзо расидани қарордод ба маблағи $ 3 миллион байни «Amitech Astana» ва «ПластСервис»-и Тоҷикистон
Бизнес Форум (2)Дар Душанбе имкониятҳои иқтисодию тиҷоратии Тоҷикистону Ӯзбекистон муаррифӣ шуданд
Доллар-0Шарҳи навбатии Бонки миллии Тоҷикистон оид ба вазъи қурби пули миллӣ ва бозори дохилии асъор