Чемпионати Тоҷикистон: «Барқчӣ» барои дастаи мунтахаби ҷавонон замина тайёр мекунад

Март 18, 2017 12:38

ДУШАНБЕ, 18.03.2017/АМИТ «Ховар»/. Клуби футболи «Барқчӣ», ки заминаи асосии дастаи мунтахаби ҷавонони кишварро ташкил медиҳад, имсол дар шаҳри Ҳисор маскан гирифта, бозиҳои хонагии худро дар Варзишгоҳи шаҳри Ҳисор барпо менамояд.
Ба вазифаи президенти клуб узви Кумитаи техникии ФФТ Лутфулло Алимардонов пазируфта шудааст. Новобаста ба ду бохт дар оғози мавсими нави футбол аз «Истиқлол» бо натиҷаи 6:0 ва «Регар -ТадАЗ» 1:0 роҳбарони даста умед доранд, ки дар бозиҳои минбаъда натиҷа беҳтар хоҳад шуд. Дар мусоҳиба ба сомонаи ФФТ Лутфулло Алимардонов гуфтааст: «Қуръакашии ҷадвали мусобиқот барои мо он қадар хуб наомад ва дар оғоз бо дастаҳои пурзӯри мамлакат -«Истиқлол», «Регар-ТадАЗ» ва «Ҳосилот» қувва меозмоем. Боварӣ дорам, ки дастаи мо дар ҷараёни мусобиқот мавқеи худро пайдо карда, бозии зебо нишон медиҳад ва дар ҷадвали мусобиқот ҷои сазоворро ишғол менамояд. «Барқчӣ»-ро ШСХК «Барқи тоҷик» сарпарастӣ мекунад.
Боиси хушнудист, ки бозии даври дуюмро дар Варзишгоҳи шаҳри Ҳисор 2000 мухлис тамошо кард. Дар Ҳисор футболро дӯст медоранд. Боварӣ дорам, ки шумораи мухлисон боз ҳам бештар мегардад.
«Барқчӣ» асоси дастаи мунтахаби ҷавонони мамлакатро ташкил медиҳад ва тирамоҳ- моҳи ноябри соли равон дар Бозиҳои интихобии Чемпионати Осиё-2018 ширкат менамояд. Мақсади асосии «Барқчӣ» тайёр кардани футболбозон барои дастаи мунтахаби Тоҷикистон ва ҳамчунин дастаи ҷавонони Тоҷикистон ба ҳисоб меравад. Дар назди дастаи мунтахаби ҷавонон мақсад гузошта шудааст, ки ба бозиҳои финалии чемпионати Осиё-2018 роҳхат гиранд»,-ҷамъбаст кардааст, Лутфулло Алимардонов.
Ёдовар мешавем, ки имрӯз дастаи «Барқчӣ» дар даври сеюми чемпионати Тоҷикистон бо дастаи «Ҳосилот» дар Варзишгоҳи шаҳри Ҳисор вориди майдон мешавад.
Дар Варзишгоҳи марказии пойтахт низ КМВА «Помир» бо «Хуҷанд» ва «Истиқлол» бо «Регар-ТадАЗ» қувва меозмоянд.

Март 18, 2017 12:38

Хабарҳои дигари ин бахш

Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»
ҶОМИ ҶАҲОН-2026. Имрӯз дастаи мунтахаби Тоҷикистон дар марҳилаи интихобӣ бо тими Арабистони Саудӣ бозӣ менамояд
ҶОМИ ҶАҲОН-2026. Дастаи мунтахаби Тоҷикистон оид ба футбол дар шаҳри Риёз нахустин тамринҳоро анҷом дод
ФУТБОЛ. Имрӯз дастаи олимпии Тоҷикистон (U-23) дар Душанбе бо дастаи мунтахаби Ветнам бозӣ менамояд