Дар Душанбе бахшида ба Иди байналмилалии Наврӯз мушакпарронии (фейерверки) идона баргузор мегардад
ДУШАНБЕ, 09.03.2017 /АМИТ «Ховар»/. Бо мақсади дар сатҳи баланди ташкиливу бадеӣ баргузор намудани чорабиниҳои идона бахшида ба Иди байналмилалии Наврӯз-2017 қарори иҷрокунандаи Раиси шаҳри Душанбе Рустами Эмомалӣ аз 7 марти соли 2017 «Дар бораи баргузор намудани мушакпарронии (фейерверки) идона бахшида ба Иди байналмилалии Наврӯз-2017 » ба тавсиб расид.
Тавре аз шуъбаи таҳлилӣ ва иттилоотии дастгоҳи Раиси шаҳри Душанбе хабар доданд, тибқи қарори мазкур 21 марти соли 2017 пас аз ба анҷом расидани чорабиниҳои наврӯзӣ (соатҳои 19:00 — 21:00) аз 7 бурҷи Душанбешаҳр дар фосилаи 5 (панҷ) дақиқа мушакпаронии (фейерверки) идона баргузор карда мешавад.
Дар қарор омадааст, ки муовинони раиси шаҳр, шуъбаи фарҳанги шаҳри Душанбе, раисони ноҳияҳои пойтахт дар ҳамкорӣ бо корхонаю ташкилотҳои ташаббускор барои ташкили мушакпаронии (фейерверки) идона шароити зарурӣ фароҳам оварда, баҳри риояи қоидаҳои бехатарии мушакпарронӣ тамоми тадбирҳои заруриро андешанд.
Ҳамчунин Раёсати Вазорати корҳои дохилии Ҷумҳурии Тоҷикистон дар шаҳри Душанбе, Раёсати Кумитаи давлатии амнияти миллии Ҷумҳурии Тоҷикистон дар шаҳри Душанбе, Раёсати хадамоти оташнишонии шаҳри Душанбе, Ситод оид ба ҳолатҳои фавқулода ва мудофиаи граждании шаҳри Душанбе, Раёсати тандурустии шаҳри Душанбе ҷиҳати таъмини тартиботи ҷамъиятӣ, амнияти шаҳрвандон, бехатарии зиддисӯхтор ва ташкили ёрии таъҷилии тиббӣ вазифадор гардидаанд, ки дар ҷойҳои баргузории мушакпаронии (фейерверки) идона тадбирҳои мушаххас андешанд.
Пагоҳ дар баъзе кӯчаву хиёбонҳои шаҳри Душанбе ҳаракати воситаҳои нақлиёт қатъ мегардад
Пагоҳ дар шаҳри Душанбе Ниммарафони 14-уми байналмилалӣ баргузор мегардад
20 апрел дар баъзе кӯчаву хиёбонҳои шаҳри Душанбе ҳаракати воситаҳои нақлиёт қатъ мегардад
Барои дар сатҳи баланд гузаронидани мусобиқаи байналмилалии Гран-Слам оид ба гӯштини ҷудо ҷаласаи кумитаи тадорукот доир гардид
Ба ғолибони озмунҳои «Мураббии сол-2023» ва «Омӯзгори сол-2023» 10 ҳазор сомонӣ тақдим мегардад
Дар шаҳри Душанбе хатсайри нави автобус ба фаъолият шуруъ менамояд
Раиси Маҷлиси миллии Маҷлиси Олии Ҷумҳурии Тоҷикистон, Президенти Ассотсиатсияи футболи Осиёи Марказӣ (CAFA) Рустами Эмомалӣ бо Президенти Ассотсиатсияи байналмилалии бокс (IBA) Умар Кремлёв мулоқот намуданд
Рӯзи пойтахти Ҷумҳурии Тоҷикистон — шаҳри Душанбе таҷлил мегардад
«ТОҶИ САРИ ҶУМЛА ҲУНАРҲОСТ ИЛМ». Байни хонандагони муассисаҳои таҳсилоти миёнаи умумии пойтахт озмун баргузор мегардад
«ЗАБОН ДОНӢ-ҶАҲОН ДОНӢ». Бо қарори Раиси шаҳри Душанбе байни хонандагони муассисаҳои таҳсилоти миёнаи умумии пойтахт озмун доир мешавад
«БИХАНДАД ЛОЛА БАР САҲРО…». Дар Душанбе даври шаҳрии озмуни «Сайри гули лола» ҷамъбаст шуд
