Дар Гвардияи миллӣ мусобиқаҳои наврўзӣ доир мешаванд

Март 15, 2017 17:02

ДУШАНБЕ, 15.03.2017 /АМИТ «Ховар»/. Ҳамасола дар пайравӣ ба ташаббусҳои Пешвои миллат Эмомалӣ Раҳмон дар Гвардияи миллии Ҷумҳурии Тоҷикистон корҳои ободониву сабзазоркунӣ вусъати тоза мегиранд. Ҳар рўзи шанбеву якшанбе ҳайати шахсии Гвардияи миллӣ дар баробари тамоми сокинони кишвар ба ободу зебо кардани ҳудуд ва атрофи қисмҳои ҳарбӣ машғул мешавад. Танҳо дар як рўзи ҳашар афсарони Раёсату шуъбаҳои дастгоҳи Марказии Гвардияи миллӣ ва қисми ҳарбии 051054 дар масоҳати 1,5 гектар бехи дарахтонро нарм карда, шоху навдаҳои зиёдатии зиёда аз 360 бех дарахтони сояафкану ороиширо тоза карданд. Илова ба ин 339 бех дарахтони сояафкану мевадиҳанда ва 970 бех гулу бутаҳои ороишӣ шинониданд. То имрўз дар қисмҳои ҳарбии Гвардияи миллии Ҷумҳурии Тоҷикистон зиёда аз 3 ҳазор бех дарахтони сояафкану мевадиҳанда ва гулу буттаҳои ороишӣ шинонда шуда, сабзу хуррам намудани ҳудуди қисмҳои ҳарбӣ, биноҳои истиқоматии афсарон идома дорад.
Тавре ба АМИТ «Ховар» сардори маркази матбуоти Гвардияи миллӣ Хайриниссо Комилова хабар дод, баргузор намудани сабқатҳои паҳлавонӣ аз рамзҳои дигари Наврўз аст. Барои таҷлили бошукўҳи Наврўзи байналмилалӣ аз 13 то 18 марти соли равон барои ба даст овардани Ҷоми Фармондеҳи Гвардияи миллии Ҷумҳурии Тоҷикистон мусобиқаҳои варзишӣ баргузор мегарданд, ки дар он сарбозону афсарони ҷузъу томҳои гвардия қувваозмоӣ мекунанд. Мусобиқаҳо аз намуди футбол, волейбол, турниккашӣ, дастхобонӣ, вазнбардорӣ, давидан ба масофаи 3 километр, гӯштини миллӣ, якҳарбаи шарқӣ, зинабароӣ бо чӯб, ба қисмҳо ҷудо ва ҷамъ кардани силоҳ ва тирпарронӣ аз аслиҳаи гуногун сурат мегиранд.
Ҷамъбасти мусобиқаҳои варзишӣ, озмуни кадбонуи беҳтарин ва ошпазҳо дар базмгоҳи наврўзии гурдон ба нақша гирифта шудааст, ки бо барномаҳои ҷолиби фарҳангию фароғатӣ ва иштироки беҳтарин дастаҳои ҳунарии қисмҳои ҳарбӣ гузаронида мешаванд.

Март 15, 2017 17:02

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт