Дар шаҳри Душанбе бозиҳои интихобии Ҷоми Осиё-2018 байни бонувон шурӯъ мегарданд

Март 31, 2017 14:46

Хабарҳои мавзӯъ

футболи бонувон

ДУШАНБЕ, 31.03.2017/АМИТ «Ховар»/. Бозиҳои интихобии Ҷоми Осиё-2018 байни бонувон дар гурӯҳи «А» 3 апрел дар Варзишгоҳи марказии шаҳри Душанбе шурӯъ мегардад. Барои ягона роҳхат ба бозиҳои финалӣ дастаҳои мунтахаби бонувони Тоҷикистон, Урдун, Баҳрайн, Ироқ, Амороти Мутаҳидаи Араб ва Филиппин мубориза мебаранд.
Дастаҳои мунтахаби Баҳрайн ва Урдун аллакай ба шаҳри Душанбе ҳозир шуданд. Омадани дастаҳои боқимонда ба наздикӣ дар назар аст.
Тавре сомонаи ФФТ хабар медиҳад, ҳамаи вохӯриҳо дар Варзишгоҳи марказии шаҳри Душанбе гузаронида мешаванд. 3 апрел дар бозиҳои нахустин дастаҳои мунтахаби бонувони Баҳрайн бо Урдун (соати 13:00), Ироқ бо Тоҷикистон (соати 16:00) ва Филиппин бо Амороти Мутаҳидаи Араб (соати 19:00) вориди майдон мешаванд.
Ғолибони 4 гурӯҳ ба бозиҳои финалии Чемпионати Осиё-2018, ки дар Урдун мегузаранд, роҳхат мегиранд.
Дастаи мунтахаби бонувони Урдун ба ҳайси мизбони бозиҳои финалӣ аллакай ҳаққи иштирокро дар финал пайдо кардааст ва дар ин бозиҳо берун аз озмун ширкат менамояд. Агар футболбозони ин даста дар Душанбе ғолиби гурӯҳи «А» гарданд, пас соҳиби мақоми дуюм мустақиман ба бозиҳои ниҳоӣ меравад.
Ба ҷуз аз дастаи мунтахабии Урдун (мизбон) се дастаи беҳтарини чемпионати Осиё-2014, ки дар Ветнам гузашта буд, дар бозиҳои финалӣ иштирок менамоянд. Инҳо дастаҳои мунтахаби бонувони Япония, Австралия ва Чин мебошанд.
Тақвими бозиҳои интихобии Ҷоми Осиё-2018 байни бонувон дар гурӯҳи «А» шаҳри Душанбе
Даври 1
3 апрел (душанбе)
13:00 Баҳрайн Урдун
16:00 Ироқ ТОҶИКИСТОН
19:00 Филиппин Амороти Мутаҳидаи Араб

Даври 2
5 апрел (чоршанбе)
13:00 Филиппин Ироқ
16:00 Баҳрайн ТОҶИКИСТОН
19:00 Урдун Амороти Мутаҳидаи Араб
Даври 3
7 апрел (ҷумъа)
13:00 Амороти Мутаҳидаи Араб Баҳрайн
16:00 ТОҶИКИСТОН Филиппин
19:00 Урдун Ироқ

Даври 4
10 апрел (душанбе)
13:00 Ироқ Амороти Мутаҳидаи Араб
16:00 ТОҶИКИСТОН Урдун
19:00 Филиппин Баҳрайн

Даври 5
12 апрел (чоршанбе)
13:00 Урдун Филиппин
16:00 Амороти Мутаҳидаи Араб ТОҶИКИСТОН
19:00 Баҳрайн Ироқ

Март 31, 2017 14:46

Хабарҳои дигари ин бахш

ТашкентФутболбозони тоҷик дар Ӯзбекистон ҳарифонашонро бо ҳисоби 7:4 мағлуб карданд
Сомон МахмадбековСомон Маҳмадбеков, варзишгари тоҷик дар Ҷоми Африқо оид ба дзюдо миёни наврасон медали тилло ба даст овард!
Дар шаҳри Ваҳдат бахшида 20-солагии Рӯзи Ваҳдати миллӣ мусобиқаи футбол доир гардидДар шаҳри Ваҳдат бахшида 20-солагии Рӯзи Ваҳдати миллӣ мусобиқаи футбол доир гардид
Истиқлол АлайБозии олии Дэвид Мауто ва ғалабаи «Истиқлол» бар «Олой»
Чемпионат barkchi-khujand2Футбол, лигаи олӣ, даври шашум: ҳамагӣ панҷ гол дар чор бозӣ
Истиклол ОлойҶоми КФО: «Истиқлол» «Олой»-ро ҳарифи пурқувват меҳисобад
Чемпиогни Қирғизистон баЧемпиони Қирғизистон ба Душанбе омад
futsal-in-schools4Машғулиятҳо аз рӯи лоиҳаи «Футзал дар мактабҳо» ҷамъбаст гардиданд
istiklol-panjsherҒалабаи «Истиқлол» бар «Панҷшер» пеш аз бозии Ҷоми КФО бо «Олой»
Варзишгарони Суғд дар мусобиқаҳои ватанию байналмилалӣ 570 медал ба даст овардандВарзишгарони Суғд дар мусобиқаҳои ватанию байналмилалӣ 570 медал ба даст оварданд
Бокс«Ҳамсафи мардони пурқувват» ва ё аввалин мусобиқаи духтарони боксчӣ
khayr-vakhsh5Аввалин ғалабаи КМВА «Помир» ва «Вахш» дар мавсими нави футболи Тоҷикистон