Дар Суғд собиқадорони соҳаи матбуотро аёдат карданд

Март 11, 2017 13:27

ДУШАНБЕ, 11.03.2017. /АМИТ «Ховар»/. Ба муносибати 105-солагии Рӯзи матбуоти тоҷик як гурӯҳ масъулон бо роҳбарии муовини Раиси шаҳри Хуҷанд Раъно Ҳошимзода собиқадорони соҳаи матбуоти шаҳрро аёдат намуданд. Онҳо аввал ба аёдати собиқадори меҳнат Рӯзинисо Абдуваҳҳобоваи 75-сола, ки зиёда аз 40 соли умри худро сарфи кори матбуоти вилоят карда, дар идораи рӯзномаи вилоятии «Ҳақиқати Ленинобод» ба сифати ҳисобчии мактубҳо заҳмат кашидааст, омаданд.
Сипас ба аёдати «Аълочии матбуоти Ҷумҳурии Тоҷикистон», дорандаи Ҷоизаи ба номи А. Лоҳутӣ Файзуллохоҷа Атохоҷаев рафтанд. Мавсуф фаъолияти меҳнатиашро дар матбуот ҳанӯз солҳои 60-уми қарни гузашта оғоз карда, аз мусаҳҳеҳи рӯзномаи «Бо роҳи ленинӣ» (ҳоло ҳафтаномаи «Хуҷанд») то сармуҳаррири рӯзномаи вилоятии «Ҳақиқати Ленинобод» ва котиби матбуоти Раиси вилояти Суғд расида, беш аз 45 соли ҳаёти худро ба соҳаи матбуот бахшидааст.
Гурӯҳи аёдаткунандагон барои дидорбинӣ ба хонаи собиқадори радио ва телевизиони ҷумҳурӣ, «Аълочии телевизион ва радио»-и собиқ Иттиҳоди Шӯравӣ Мирзоғанӣ Валиев рафтанд. Номбурда дар соҳаи матбуот 50 сол заҳмат кашида, аз нависандагони забардасти вилоят маҳсуб мешавад. Ин қаламкаши рӯзгордида имрӯзҳо ҳам дар тарбияи журналистони ҷавон саҳмгузор аст.
Дорандаи ордени «Дӯстӣ», Аълочии матбуоти Ҷумҳурии Тоҷикистон, собиқадори матбуоти тоҷик Владимир Михайлович Тарасови 75-сола зимни суҳбат бо аёдаткунандагон аз рӯзгори сипарикардааш дар ҷодаи журналистика, замони фаъолияташ дар рӯзномаи вилоятии «Ленинабадская правда», ки дар ин даргоҳ аз мухбири қаторӣ то ба сармуҳаррирӣ расидааст, нақлҳои ҷолиб кард.
Собиқадорони меҳнат аз омадани аёдаткунандагон изҳори минатдорӣ намуда, ифтихор карданд, ки меҳнату заҳмати онҳо аз ҷониби давлату ҳукумат қадрдонӣ мешаванд.

Март 11, 2017 13:27

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт