Имрӯз дастаҳои Яман ва Тоҷикистон бо ҳам қувва месанҷанд

Март 28, 2017 10:00

ДУШАНБЕ, 28.03.2017/АМИТ «Ховар»/. Имрӯз бозии аввалини расмии интихобии гурӯҳи «F»-и Ҷоми Осиё-2019 бо ширкати дастаҳои мунтахаби Яман ва Тоҷикистон дар варзишгоҳи Суҳейм бин Ҳамади Қатар баргузор мешавад.
Дар нишасти матбуотии пешазбозӣ сармураббии дастаи мунтахаби кишварамон Ҳаким Фузайлов ва капитани даста Фатҳулло Фатҳуллоев ба саволҳои хабарнигорон ҷавоб гуфтанд. Ҳаким Фузайлов гуфт: -«Дастаи Яман ҳам мисли дастаи мунтахаби Тоҷикистон дар назди худ мақсади ба бозиҳои финалӣ баромаданро гузоштааст. Дар ин сатҳи бозиҳо дастаҳои суст нестанд ва ҳама баробаранд. Мо кӯшиш мекунем, ки вазифаи дар назди даста гузоштаи роҳбаронро иҷро кунем. Дар бораи бозии имрӯза гуфтаниам, ки барои дастаи мо дар рафти бозӣ душвориҳо пайдо мешаванд, вале уме даст, ки бозии ҷозибу шавқоварро хоҳем дид. Ҳунарнамоии дастаи Яманро омӯхтем. Бисёр тайёрии пухта дидаанд ва барои футболбозони мо мушкилӣ эҷод мекунад. Мо дар назди худ мақсад гузоштаем, ки дар ин бозӣ ғалаба кунем, зеро дар бозии аввал ғолиб омадан хеле муҳим аст» -ҷамъбаст намуд Ҳаким Фузайлов.
Капитани даста Фатҳулло Фатҳуллоев дар ин замина чунин баён кард: — «Мо ба бозӣ бо дастаи мунтахаби Яман тайёрии хуб дидаем ва то ин вохӯрӣ бо дастаи мунтахаби Баҳрайн як бозии дӯстона баргузор карда, ҳаматарафа омода шудем. То ин бозӣ мо бо дастаи мунтахаби Яман ду маротиба қувва озмудаем ва он қавӣ ва пуриқтидор аст. Кӯшиш мекунем, ки бо бозии хубамон сазовори се имтиёз гардем ва бо сари баланд ба хона баргардем. Мо барои ватанамон бозӣ мекунем, аз ин рӯ дар куҷое набошем, тамоми кӯшишу ғайратро бояд истифода бурд, ки ба ғалаба ноил шавем»-афзуд Фатҳулло Фатҳуллоев.
Тавре иттилоъ доред, бозии аввалини интихобии гурӯҳи «F»-и Ҷоми Осиё-2019 бо ширкати дастаҳои мунтахаби Яман ва Тоҷикистон имрӯз дар варзишгоҳи Суҳейм бин Ҳамад соати 21:00 бо вақти Душанбе баргузор мешавад.
Бозии дуюм дар ин гурӯҳ бо иштироки дастаҳои Филиппин ва Непал сурат мегирад.

Март 28, 2017 10:00

Хабарҳои дигари ин бахш

Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»
ҶОМИ ҶАҲОН-2026. Имрӯз дастаи мунтахаби Тоҷикистон дар марҳилаи интихобӣ бо тими Арабистони Саудӣ бозӣ менамояд
ҶОМИ ҶАҲОН-2026. Дастаи мунтахаби Тоҷикистон оид ба футбол дар шаҳри Риёз нахустин тамринҳоро анҷом дод
ФУТБОЛ. Имрӯз дастаи олимпии Тоҷикистон (U-23) дар Душанбе бо дастаи мунтахаби Ветнам бозӣ менамояд