Имсол Наврӯзро дар Маскав аввали апрел дар ВДНХ ҷашн мегиранд

Март 15, 2017 08:06

ДУШАНБЕ, 15.03.2017./АМИТ «Ховар»/.  Имсол Иди  байналмилалии Наврӯз дар Маскав якуми апрел дар толори рақами 75-и Намоигоҳи комёбиҳои хоҷагии халқ (ВДНХ) ҷашн гирифта мешавад. Дар ин бора агентии иттилоотии «Sputnik» бо истинод ба Раиси Маркази фарҳангии тоҷикон дар Маскав Хуршеда Ҳамроқулова хабар дод.

Хуршеда Ҳамроқулова далели ин таъхирро «холӣ набудани толор дар   ВДНХ — макони баргузории ҷашн дар Маскав» гуфт. «Аввал қарор буд, ки Наврӯз дар Маскав рӯзҳои 25 — 26-уми март, ки рӯзҳои таътил ҳастанд, ҷашн гирифта шавад. Аммо дар ин рӯзҳо толори 75-уми ВДНХ, ки барои баргузории ҷашнҳои бузург муносиб аст, холӣ нест. Аз ин рӯ, мо тасмим гирифтем, ки ҷашни Наврӯзро якуми апрел баргузор кунем», — гуфт Хуршеда Ҳамроқулова.   Вай афзуд: «Наврӯзро аз қадимулайём 14 рӯз ҷашн мегирифтанд ва ишколе надорад ки мо ҷашнамонро дар 10-умин рӯз баргузор мекунем».

Ёдовар мешавем ки порсол Наврӯз дар Маскав 20-уми март ҷашн гирифта шуд. Дар он ҷашн беш аз 35 ҳазор кас ширкат кард. Дар чорчӯби барномаҳои он ҷашн барномаи консертӣ, мусобиқаи гӯштингирӣ, ҷашнвораи хӯрокҳои миллии эронитаборон ва ҳамчунин бархе аз мардумони туркизабон баргузор шуданд. Хуршеда Ҳамроқулова гуфт, ки имсол шумораи боздидкунандагон нисбат ба порсол бештар хоҳад шуд: «Имсол дар барномаи наврӯзӣ намояндагони Тоҷикистон, Узбекистон, Қазоқистон, Туркманистон, Озарбойҷон, Эрон, Ҳиндустон, Покистон, Тотористон, Бошқирдистон ва дигар кишварҳо ширкат хоҳанд кард». Вай гуфт, ки имсол барномаи бошукӯҳи консертӣ бо ширкати ҳунарманди мардумии Тоҷикистон Ноҳид Зайналпур, Аскаралӣ Гулов, Шаҳзод Ҳакимов, гурӯҳи созу овози «Эхо Памира», гурӯҳҳои рақсии «Гулчин» ва «Нур» баргузор хоҳад шуд. Ба гуфти раиси Маркази фарҳангии Тоҷикистон дар Маскав, дар барномаи имсола ҳамчунин баргузории ҷашнвора-озмуни «Ойини палавпазӣ» баргузор карда мешавад: «Ошпазон дар назди мардум ҳунари худро нишон хоҳанд дод».

Ҷашни Наврӯз имсол низ чун ҳар сол дар толори 75-уми ВДНХ баргузор мешавад. Барномаҳо аз соати 10 субҳ оғоз шуда соати 10 шаб ба поён мерасанд. Боздид аз барномаҳо озоду ройгон аст.

Навруз Москва-4

Навруз Москва-5 Навруз Москва-2

 

ДАР АКСҲО: Раиси Маркази фарҳангии тоҷикон дар Маскав Х. Ҳамроқулова; лаҳзаҳо аз ҷашнгирии Наврӯз дар Маскав дар солҳои қаблӣ.

Март 15, 2017 08:06

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Тандиси биринҷии чеҳраи Президенти Тоҷикистон ба Осорхонаи миллӣ супорида шуд
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад