Комилҷон Орипов: «Халқҳои тоҷику ӯзбек яканд, танҳо забонашон дигар аст»

Март 7, 2017 16:11

ДУШАНБЕ, 07.03.2017 /АМИТ «Ховар»/. Бо фармони Шавкат Мирзиёев, Президенти Ҷумҳурии Ӯзбекистон, Ҳукумати Ҷумҳурии Ӯзбекистон барои зарардидагони офатҳои табиии Ҷумҳурии Тоҷикистон кумаки башардӯстона равон кард, ки он имрӯз вориди шаҳри Душанбе шуд.
Ҳайатеро, ки бо ҳамроҳии корвони башардӯстона бо роҳбарии Комилҷон Орипов, муовини якуми Вазири ҳолатҳои фавқулодаи Ҷумҳурии Ӯзбекистон вориди шаҳри Душанбе шуд, Рустам Назарзода, Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, Нураҳмад Аҳмадзода, Директори Агентии давлатии захираҳои моддии назди Ҳукумати Ҷумҳурии Тоҷикитон ва дигарон ба ҳузур пазируфтанд. Дар ин бора мухбири АМИТ «Ховар» хабар медиҳад.
«Мо хуб медонем, ки зимистони имсола барои Тоҷикистон хеле вазмин омад ва боридани барфи зиёд боиси харобиҳо гардид. Ба ин хотир вобаста ба муроҷиати Вазорати корҳои хориҷии Ҷумҳурии Тоҷикистон Президенти Ҷумҳурии Ӯзбекистон Шавкат Мирзиёев қарор қабул намуд, ки ба кишвари ба мо дӯсти Тоҷикистон ёрии башарӯстона равона кунад. Ин кумаки башардӯстона, ки қариб 70 тонна аст, аз масолеҳи сохтмонӣ, маводи хӯрокӣ, либосворӣ, ангишт ва маводи доруворӣ иборат мебошад. Умедворам он ба қадри имкон метавонад мушкилоти зарардидагонро барорад»,-иброз дошт Шоҳқосим Шоҳисломов, Сафири Фавқулода ва Мухтори Ҷумҳурии Ӯзбекистон дар Ҷумҳурии Тоҷикистон.
Тавре Комилҷон Орипов гуфт: «Халқи тоҷик ва ӯзбек яканд, танҳо забонашон дигар аст. Ин ёрии башардӯстона ва бародаронаи кишвари мо ба Тоҷикистон мебошад. Мо ҳамеша омодаем, ки дар чунин ҳолатҳо ёрии худро расонем».
Рустам Назарзода, Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон аз номи Ҳукумати Ҷумҳурии Тоҷикистон барои дастгирӣ изҳори сипос намуда, гуфт: «Ҷумҳурии Ӯзбекистон дар баробари Федератсияи Россия яке аз кишварҳое мебошад, ки барои зарардидагони офатҳои табиии Ҷумҳурии Тоҷикистон ёрии башардӯстона фиристод ва мо онро қабул намудем».

Март 7, 2017 16:11

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад