Лағзиши кӯҳпора боиси хароб шудани чаҳор манзил ва долу дарахти сокинони маҳаллаи Теми шаҳри Хоруғ гардид. Касе осеб надидааст

Март 29, 2017 15:31

ХОРУҒ, 29.03.2017. /АМИТ «Ховар»/. Шоми сешанбе, 28 март сангпораҳои  азим аз кӯҳ канда шуданд ва ба самти  маҳаллаи Теми шаҳри Хоруғ ҳаракат карданд. Бо баланд шудани садои сангчарх бошандагони ин  маҳалла зуд манзилҳояшонро тарк намуданд ва  касе аз онҳо осебе надид. Гурӯҳи наҷотбахши ситоди ҳолатҳои фавқулодаи Вилояти Мухтори Кӯҳистони Бадахшон ҳамроҳи пизишкони равоншинос дар муддати кӯтоҳ ба ҷои ҳодиса расиданд ва ба зарардидагон дар интиқоли молу амвол ба макони амн ва онҳое, ки дар натиҷаи ин офати табиӣ осеби равонӣ дидаанд, мадад  расонданд.

Иҷрокунандаи вазифаи сардори ситоди ҳолатҳои фавқулода ва мудофиаи граждании вилоят  Наим Мираков гуфт, ки «дар давоми як ҳафта бар асари боришоти пай дар пай чандин офатҳои табиӣ рух доданд, аммо, хушбахтона, ягон ҳодисаи нохуш дар пай надоштанд. Зеро кормандони мо ба ҳамаи маҳаллаҳои зери хатар сафар доштанд ва аксарияти хонаводаҳоро ба ҷои амн, ба хонаи хешу табор кӯч доданд. Дар ин ҳодиса чор манзил хароб шуданд. Бо супориши раиси вилоят ҳоло аъзои комиссия зарари офати табииро муайян мекунанд ва ба ҳамаи оилаҳо кумак расонда мешавад».

Аъзои комиссия дар баробари маълум кардани мизони хисорот, ҳамчунин боз даҳ оилаи  дигарро, ки  манзилҳояшон зери таҳдиди сангчарх қарор доранд, то мӯътадил шудани вазъи ҳаво ба хонаи наздикон интиқол доданд.

Танҳо дар як ҳафтаи охир бар асари фуромадани тарма ва ҷорӣ шудани селу кӯҳпора зиёда аз 10 хона, ду трактор, садҳо дарахту буттазор хароб гардиданд.

 

Март 29, 2017 15:31

Хабарҳои дигари ин бахш

Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд