М. Шаҳидӣ: «Наврӯз ва мусиқӣ аз ҳам ҷудонашавандаанд»

Март 20, 2017 16:18
????????????????????????????????????

ДУШАНБЕ, 20.03.2017 /АМИТ «Ховар»/. «Аз ҷониби Созмони Милали Муттаҳид ба ҳайси ҷашни ҷаҳонӣ пазируфта шудани Наврӯз гувоҳи он аст, ки кулли мардуми сайёра ба ин ойини воқеан ва моҳиятан фарҳангиву инсонпарварона эҳтиром доранд ва онро ҳамчун воситаи сулҳу субот, покиву садоқат ва зебоиву бедорӣ эътироф менамоянд. Наврӯз, ки дорои сифатҳои инсонпарваронаи некиву накӯкорӣ, бахшишу меҳрубонӣ ва созандагиву бунёдкорӣ мебошад, ба ҷашни байналмилалӣ табдил ёфта, дар бисёр кишварҳои ҷаҳон таҷлил карда мешавад»,
Эмомалӣ Раҳмон
Ба ифтихори Наврӯзи байналмилалӣ мухбири АМИТ «Ховар» бо раиси Бунёди байналмилалии Зиёдулло Шаҳидӣ, муҳаққиқи шинохта Мунира Шаҳидӣ хамсуҳбат гардид.
«Наврӯз иди аҷдодони мо мебошад, ки ба мо ҳамчун мерос боқӣ монда, арҷгузорӣ ба ин ҷашни миллӣ- арҷгузорӣ ба расму оини гузаштагон мебошад. Наврӯз ба худ расму оинҳои гуногун дорад ва аз рӯзгори пешин то ин замон бисёри онҳо ба мо расидаанд. Бахшида ба ин рӯз ман дар яке аз конфронсҳое, ки дар шаҳри Душанбе баргузор гардида буд, иштирок намудам. Дар он тамоми муҳаққиқону олимон ва шоирон ширкат варзиданд, ки онҳо бештар масъалаҳои Наврӯз аз назари илмҳои иҷтимоӣ, Наврӯз аз назари экология, расму русуми халқӣ ва бисёр масъалаҳои навро муҳокима намуданд. Аз ин лиҳоз ман ҳам пешниҳод кардам, ки Наврӯз ва мусиқӣ ҳамчун яке аз масъалаҳои илмӣ бардошта шавад. Ва ҳақиқатан ҳам агар ба таърихи Наврӯз назар андозед, мебинед, ки Наврӯз ва мусиқӣ аз ҳам ҷудонашавандаанд. Дар ҳамаи маросимҳои наврӯзӣ ва ҷашнҳои бузурги давлатӣ сурудҳои наврӯзӣ танинандозанд ва мусиқии наврӯзӣ садо медиҳад»,- иброз дошт Мунира Шаҳидӣ.
Раиси Бунёди байналмилалии Зиёдулло Шаҳидӣ зикр кард, ки «имрӯз мо хушбахтем, ки Наврӯз ҳамчун ҷашни ҷаҳонӣ аз тарафи СММ шинохта шудааст ва имрӯз Наврӯз иди ҷаҳонист. Барҳақ дар ҳама кишварҳои дунё, алалхусус дар кишварҳое, ки таърихан ватани Наврӯз буданд, ин ҷашн бо шукӯҳу шаҳомати табиии хеш, бо нишон додани тамоми расму русуми наврӯзӣ таҷлил мешавад. Дар самти ҷаҳонишавии Наврӯз, пеш аз ҳама, саҳми тоҷикон зиёд ба назар мерасад. Мо бояд ифтихор дошта бошем, ки чанд сол пеш аз минбари баланди Созмони Милали Муттаҳид Президенти Ҷумҳурии Тоҷикистон пешниҳод карданд, ки Наврӯз чун ҷашни ҷаҳонӣ таҷлил карда шавад ва ин аз тарафи ҷаҳониён бо хушӣ қабул гардид».

Март 20, 2017 16:18

Хабарҳои дигари ин бахш

прокуратураи генерали (4)Шӯрои ҳамоҳангсозии мақомоти ҳифзи ҳуқуқи Ҷумҳурии Тоҷикистон баргузор гардид
Паёми телевизиони ба муносибати фарорасии мохи РамазонПешвои миллат «Мо бояд фитри рӯзаро на ба шахсони тавонманду доро, балки ба эҳтиёҷмандону ятимон хайр намоем»
дукони саломати сугдДар вилояти Суғд масъалаҳои фавти модару кӯдак ва маъюбӣ мавриди таҳлилу баррасӣ қарор гирифтанд
Хучанд БаррасииХуҷанд: баррасии натиҷаҳои амалиёти профилактикӣ ва маърифатии «Маданияти шаҳрдорӣ»
ОзмунҶамъбасти озмуни «Ҷумҳурият»: дар мақоми аввал – ходими адабии АМИТ «Ховар»
Новый рисунокСоҳили дарёи маркази ноҳияи Ванҷро то мавсими обхезӣ мустаҳкам мекунанд
Кум Рушт Махал (1)Дар Кумитаи рушди маҳал масъалаҳои мубориза бо коррупсия ва роҳҳои пешгирии онро баррасӣ намуданд
Гузоштани санги асоси Маркази тиббии Оғохон дар шаҳри ХоруғГузоштани санги асоси Маркази тиббии Оғохон дар шаҳри Хоруғ
Миграция РТ ТЧАз 1 июн муҳлати қайди муҳоҷиратӣ барои шаҳрвандони хориҷӣ дар шаҳрҳои Москва, Қазон, Санкт-Петербург ва Сочи 1 шабонарўз муқаррар шудааст
Ашт содироти 10 тонна зардолуАшт: 10 тонна зардолуи ватанӣ ба Россия содир карда шуд
Саида УмарзодаДар Душанбе ҷаласаи ҳайати Кумитаи роҳбарикунанда оид ба муколамаи иҷтимоӣ баргузор шуд
Вохурии Рахимзода боПратибҳа Меҳта: «Рушди ҳар як кишвар аз суботу оромӣ ва тинҷию амонӣ вобаста аст»