Мавсил: артиши Ироқ бинои ҳукуматро бозпас гирифт

Март 7, 2017 15:12

Хабарҳои мавзӯъ

Мавсил

ДУШАНБЕ, 07.03.2017./АМИТ «Ховар»/. Нерӯҳои таъйиноти махсуси артиши Ироқ муваффақ шуданд, ки бинои ҳукумати вилояти Найнаво дар шаҳри Мавсилро аз нав ба даст бигиранд. Ҷангҳо байни артиши Ироқ ва ҷангиёни гурӯҳи террористии ба ном  «Давлати исломӣ» дар ин шаҳр идома дорад. Дар ин бора агентии иттилоотии «Reuters»  хабар дод.

Гуфта мешавад, ки  субҳи 7 март артиши Ироқ   идораи вилояти Найнаво ва дигар биноҳои маркази идорӣ , аз ҷумла шуъбаи Бонки марказӣ  ва  осорхонаи аслии ин вилоятро дар шаҳри Мавсил зери тасарруфи худ дароварданд.   Бу гуфтаи хабарнигори «Reuters», ин ҳолат мусоидат ба он мекунад, ки  нерӯҳои артиш ба маркази қадимии шаҳр ҳамла карда,  бо озод сохтани ин минтақа  амалан контроли ҳукумат дар Мавсилро бори дигар ба даст бигиранд.

«Reuters» бо истинод ба  сухангӯи нерӯҳои вокуниши фаврии  артиши Ироқ иттилоъ медиҳад, ки даҳҳо нафар аз террористони  гурӯҳи ба ном «Давлати исломӣ» дар ҳамлаи шаби гузашта кушта шудаанд. Шумораи дақиқи талафоти ДИИШ ва кушташудагон ва захмиҳои артиши Ироқ мушаххас нашудааст.

Хотиррасон менамом, ки Мавсил  маркази вилояти Найнаво ва аз муҳимтарин шаҳрҳои Ироқ буда,  дар он  садҳо ҳазор нафар истиқомат мекунанд. Ин шаҳр дар авҷи  даргириҳо дар соли 2014 ба тасарруфи  гуруҳи террористии ДИИШ   даромада  ва ҳамон вақт  роҳбари  ин гурӯҳи террористӣ   Абубакр Ал-Бағдодӣ дар масҷиди ҷомеи «Ан-Нурӣ»-и ҳамин шаҳр худро халифа эълон карда буд.

Бахши ғарбии шаҳри Масвил охирин минтақае аст, ки дар тасарруфи ин гуруҳи ҷаррор ва ҷоҳил   қарор дорад. Ин қисмати шаҳр аз бахшҳои сераҳолӣ ба шумор меравад ва созмонҳои кӯмакрасон мегӯянд, ки дар инҷо наздик ба 750 ҳазор нафар зиндагӣ мекунад. Ҷанг барои бозпасгирии шаҳри Мавсил дар моҳи ноябри соли гузашта оғоз шуда буд.

 

Март 7, 2017 15:12

Хабарҳои дигари ин бахш

KadyrovРамзан Қодиров пешниҳод кард, ки шабнишинии занги охир дар мактабҳо гузаронида нашавад
PolitsiyaСардори полиси шаҳри Манчестер содир шудани амали террористиро тасдиқ кард
BezvozmezdnayaИМА аз расонидани кумаки ҳарбии бебозгашт ба Украина даст кашид
Kosmos-2Имрӯз астронавтҳои Стансияи байналхалқии кайҳонӣ барои таъмири таҷҳизот ба фазои кайҳон мебароянд
V-Sirii-vzorvali-shtab-vooruzhennoj-gruppirovki-Ahrar-ash-SHam-pogibli-40-boevikovДар Сурия ситоди гурӯҳи мусаллаҳи «Аҳрор аш-Шам» тарконда шуда, 40 нафар ҷангиён кушта шуданд
ША СММШӯрои амнияти СММ вобаста ба озмоиши навбатии ракетаи баллистикӣ аз ҷониби Кореяи Шимолӣ ҷаласаи таъҷилӣ баргузор мекунад
Na-yuge-Livii-svyshe-140-chelovek-pogibli-v-rezultate-ataki-na-aviabazuДар қисмати ҷанубии Ливия зиёда аз 140 нафар дар натиҷаи ҳамла ба пойгоҳи ҳарбӣ кушта шуданд
багдадДар натиҷаи ду таркиш дар навоҳии атрофи Бағдод 11 нафар одамон кушта шуданд
ZHitel-Myunhena-sovershil-akt-samosozhzheniya-v-tsentre-gorodaСокини Мюнхен дар маркази шаҳр худро оташ задааст
ХавопаймоНеруҳои ҳарбии эътилофи байналмилалӣ ба мавқеи дастаҳои ҷангии пуштибони ҳукумати Сурия ҳамла намуданд
OgranichenieХадамоти назоратии Россия ба вуруди маҳсулоти ширӣ аз ҷумҳурии Беларус маҳдудият ҷорӣ намуд
ООН-1СММ аз ҷонибҳои даргир дар Афғонистон даъват кард, ки ба ҳалокати кӯдакон роҳ надиҳанд