Муҳокимаи вазъи кунунии иқтисодиёти кишвар дар Бонки миллии Тоҷикистон
ДУШАНБЕ, 17.03.2017 /АМИТ «Ховар»/. Вазъи кунунии иқтисодиёти кишварро дирӯз Ҷамолиддин Нуралиев, муовини якуми Раиси Бонки миллии Тоҷикистон дар мулоқот бо Ҳонгҷу Ҳам, муовини Котиби иҷроияи Комиссияи иқтисодӣ ва иҷтимоии Созмони Милали Мутаҳид барои кишварҳои Осиё ва Уқёнуси Ором (ESCAP) муҳокима намуданд. Дар ин бора аз Шуъбаи матбуоти Бонки миллӣ хабар доданд.
Тавре ки манбаъ иттилоъ дод, дар мулоқот Ҳонгҷу Ҳам, муовини Котиби иҷроияи Комиссияи иқтисодӣ ва иҷтимоии СММ барои кишварҳои Осиё ва Уқёнуси Ором (ESCAP) барои ташрифи роҳбарияти Бонки миллии Тоҷикистон дар Форуми кишварҳои Осиё ва Уқёнуси Ором оид ба рушди устувор, ки соли равон баргузор хоҳад гашт, даъват ба амал овард.
Зимни гуфтушунид ҷонибҳо оид ба соҳаи низоми бонкии кишвар, тавсеа бахшидани ҳамкорӣ дар самти низоми бонкӣ изҳори назар намуданд. Ҳамчунин Ҳонгҷу Ҳам аз таҷрибаи низоми бонкии Муғулистон, ки ба низоми бонкии Ҷумҳурии Тоҷикистон монанд аст, сухан карда, Бонки миллии Тоҷикистонро барои ҳамкорӣ дар ин самт, аз ҷумла барои иштирок дар семинарҳо ҷиҳати мубодилаи афкор ва андӯхтани таҷрибаи Муғулистон даъвати расмӣ ба амал овард.
Боиси тазаккур аст, ки ҳадафи сафари намояндаи Комиссияи иқтисодӣ ва иҷтимоии СММ барои кишварҳои Осиё ва Уқёнуси Ором (ESCAP) Ҳонгҷу Ҳам аз муҳокимаи масъалаҳои кишварҳои минтақаи Осиё ва Уқёнуси Ором дар раванди ҳамгироии иқтисодии минтақавӣ, татбиқи Рӯзнома барои то соли 2030 оид ба рушди устувор иборат мебошад.
Дар Вашингтон дурнамои ҳамкории Тоҷикистон бо Хазинаи Байналмилалии Асъор баррасӣ шуд
Минтақаҳои озоди иқтисодии Тоҷикистон соли 2023 ба маблағи беш аз 445 миллион сомонӣ маҳсулот истеҳсол намуданд
Раиси Бонки миллии Тоҷикистон бо намояндагони ширкатҳои «Moody’s Investors Service» ва «De La Rue» масъалаи ҳамкориро баррасӣ намуд
Дурнамои макроиқтисодӣ бо назардошти номуайяниҳо дар бозори молиявӣ дар форуми Вашингтон баррасӣ гардид
Имрӯз дар Душанбе Форуми байналмилалии ихтироъкорон ва навоварон баргузор мешавад
РОҲ БА УҚЁНУСИ ҲИНД. Дар Теҳрон ҳайатҳои Тоҷикистон ва Эрон оид ба истифодаи бандари «Чобаҳор» гуфтушунид анҷом доданд
Кишоварзони шаҳри Турсунзода зиёда аз 370 тонна маҳсулоти барвақтии гармхонаҳоро ба аҳолӣ пешниҳод намуданд
Пиетро Салини: «Дар Италия бисёр ширкатҳое ҳастанд, ки мехоҳанд бо Ҳукумати Тоҷикистон ҳамкорӣ намоянд»
Тоҷикистон ва Фаронса ҳамкории саноатиро тақвият медиҳанд
Соҳибкорони Тоҷикистон ва Италия ба маблағи зиёда аз 160 миллион доллари амрикоӣ санадҳои дуҷонибаи ҳамкорӣ ба имзо расониданд
«ТОҶИКИСТОН-2024». Дар Душанбе аз 3 то 5 май Намоишгоҳи байналмилалии универсалӣ баргузор мегардад
Байни Тоҷикистон ва Италия дар соҳаҳои ҳамлу нақли байналмилалии автомобилӣ ва саноату технологияҳои нав созишномаҳо ба имзо расиданд
