Муассисаи давлатии «Телевизиони Пойтахт» ба ТВ «Душанбе» табдил дода шуд

Март 29, 2017 14:17

ДУШАНБЕ, 29.03.2017 /АМИТ «Ховар»/. Минбаъд Муассисаи давлатии «Телевизиони Пойтахт» — Муассисаи давлатии «Телевизиони «Душанбе» ва Корхонаи воҳиди давлатии «Меҳмонсарои «Пойтахт»-и Мақомоти иҷроияи ҳокимияти давлатии шаҳри Душанбе — КВД «Меҳмонхонаи Душанбе» ном бурда мешаванд.
Тавре ба АМИТ «Ховар» аз шуъбаи таҳлилӣ ва иттилоотии дастгоҳи Раиси шаҳри Душанбе хабар доданд, қарорҳои дахлдор дар бораи иваз намудани номи меҳмонхона ва телевизиони мазкур аз ҷониби иҷрокунандаи вазифаи Раиси шаҳри Душанбе Рустами Эмомалӣ 28 марти соли 2017 ба имзо расиданд.
Ба директорони ТВ «Душанбе» ва КВД «Меҳмонхонаи Душанбе» С. Рауфзод ва С. Мӯсоев супориш дода шуд, ки ҷиҳати ба муҳру сиккаҳо ва ҳуҷҷатҳои таъсисии муассисаҳо ворид намудани тағйироти зарурӣ ва ба қайди давлатӣ гирифтани онҳо тадбирҳои зарурӣ андешанд.
Назорати иҷрои қарорҳои мазкур ба зиммаи муовинони Раиси шаҳри Душанбе Бахтиёр Назирмадзода ва Мавсума Муинӣ гузошта шуд.
Қобили зикр аст, ки иҷрокунандаи вазифаи Раиси шаҳри Душанбе корҳои нақшавиро ҷиҳати ба ифоқа овардани вазъи корҳо дар пойтахт бомаром идома дода, аз ҷумла, барои иваз намудани номҳои ҳаммонанди ташкилоту муассисаҳо тадбирҳо меандешад. Ғайр аз муассисаҳои мазкур айни ҳол дар шаҳри Душанбе як қатор иншооту муассисаҳо, аз ҷумла, «Боғи Пойтахт», Маркази таълимии «Пойтахт», Маркази хизматрасонии «Пойтахт», рӯзномаи «Мароми Пойтахт», бинои истиқоматии «Пойтахт», тарабхонаи «Пойтахт» ва маркази савдои «Пойтахт» номҳои ба ҳам монанд доранд.

Март 29, 2017 14:17

Хабарҳои дигари ин бахш

«Ҷавонон – пайравони Пешвои миллат ва меросдори анъанаҳои наврӯзӣ». Дар Душанбе Фестивали чоруми дӯстии ҷавонон доир мешавад
«КАРНАВАЛИ НАВРӮЗӢ». Имрӯз дар Майдони Истиқлоли шаҳри Душанбе бахшида ба ҷашни байналмилалии Наврӯз барномаи фарҳангӣ доир мегардад
«Карнавали Наврӯзӣ» дар Майдони Истиқлоли шаҳри Душанбе 25 март баргузор мегардад
ХУШ ОМАДӢ, НАВРӮЗИ МАН! Дар Боғи фарҳангӣ-фароғатии ба номи Садриддин Айнӣ сокинону меҳмонон ҷашни Наврӯз таҷлил гардид
Аз ҷониби Раиси шаҳри Душанбе Рустами Эмомалӣ ба қишри ниёзманди ҷомеа ва сарбозони қисмҳои низомӣ кумак расонида шуд
ТАНТАНАҲОИ НАВРӮЗӢ. Имрӯз дар тамоми боғҳои пойтахт барномаҳои рангини фарҳангӣ баргузор мегарданд
Субҳи имрӯз дар «Боғи Ғалаба» сокинони чор ноҳияи пойтахт бо оростани гулхани ҷашнӣ фарорасии Соли нави аҷдодиро пешвоз гирифтанд
Дар шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор гардид
РАМЗИ БАҲОРУ НАВРӮЗ. Дар чор ноҳияи шаҳри Душанбе табақи суманак гузошта шуд
Дар Душанбе бо мақсади муаррифии имконияти сайёҳӣ ва фарҳанги миллии тоҷикон фестивали байналмилалӣ оғоз ёфт
«НАВРӮЗ-МЕРОСИ ФАРҲАНГИЮ ҶАҲОНГАРДӢ». Дар шаҳри Душанбе фестивали байналмилалӣ баргузор мегардад
ДУШАНБЕ-МАКОНИ БЕҲТАРИНИ САЙЁҲӢ. Дар айёми баҳор пойтахт барои гардишгарӣ хеле муносиб аст