Мурат Ҷумъакеев: «Истиқлол» аз «Дордой» беҳтар буд»

Март 15, 2017 16:21

ДУШАНБЕ, 14.02.2017/АМИТ «Ховар»/. Сармураббии дастаи «Дордой» Мурат Ҷумъакеев баъди бохти дастааш аз «Истиқлол» бо натиҷаи 2:0 дар бозии нахустини Ҷоми Конфедератсияи футболи Осиё (КФО) дар гурӯҳи «Д» дар нишасти матбуотӣ иштирок кард.
Сараввал Ҷумъакеев дастаи «Истиқлол»-ро бо ғалаба табрик карда, гуфт: «Ғалабаи имрӯзаи «Истиқлол» аз рӯи бозии сазовораш аст. Даста ниҳоят хубу пурқувват мебошад. Дар нимаи аввал дастаи мо он қадар бозии хуб нишон надод. Маҳорати фардии истиқлолиҳо бештар ба мушоҳида расид ва онҳо ҳангоми рӯ ба рӯ шудан бо бозингарони мо ба бартарӣ соҳиб буданд. Голи аввал аз ҷониби Маутор дар ҳолате зада шуд, ки дар майдони назди дарвоза касе аз муҳофизатгарони мо ҳузур надошт. Ин ҳолатро мо боз меомӯзем. Голи Ҷаҳонгир Алиев ҳам аз зери пои муҳофизатгари мо вориди дарвоза гардид.
Дар нимаи дуюм каме бозии футболбозони мо беҳтар гардид. Ин ҳам баъди ворид кардани тағйирот ба ҳайати даста ба мо муяссар шуд. Аммо шумораи 8-и «Истиқлол» (Нуриддин Давронов) дар ҳама қитъаи майдон ба мо имконият намедод, ки ҳуҷуми худро дуруст ташкил диҳем.
Мо то бозии ҷавобӣ ду ҳафта вақт дорем ва ин вохӯриро хуб омӯхта, хулосаи зарурӣ хоҳем баровард. Албатта, натиҷаи вохӯрии аввал ба бозиҳои оянда таъсир мегузорад, аммо дар пеш боз панҷ бозии дигар ҳаст ва ҳоло ягон даста имконияти ғолибиятро дар гурӯҳ аз даст надодааст.
Дар варзишгоҳе, ки пур аз мухлисон аст, бозӣ кардан гуворост. Мухлисон «Истиқлол»-ро арзанда дастгирӣ намуданд ва то анҷоми бозӣ ба ҳуҷум ҳидоят карданд. Бозӣ бисёр олӣ буд»,-ҷамъбаст кард Ҷумъакеев.
Ёдовар мешавем, ки 14 март дастаи «Истиқлол» дар Варзишгоҳи марказии пойтахт дар ҳузури 16,5 ҳазор мухлис бар дастаи «Дордой» -и Қирғизистон бо натиҷаи 2:0 ғалаба кард. Голҳоро Девид Маутор (16) ва Ҷаҳонгир Алиев (22) ба нишон расониданд.
«Истиқлол» бозии навбатиро 4 апрел бо чемпиони Туркманистон-дастаи «Алтин Асир» дар Ашқобод мегузаронад.

Март 15, 2017 16:21

Хабарҳои дигари ин бахш

Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»
ҶОМИ ҶАҲОН-2026. Имрӯз дастаи мунтахаби Тоҷикистон дар марҳилаи интихобӣ бо тими Арабистони Саудӣ бозӣ менамояд
ҶОМИ ҶАҲОН-2026. Дастаи мунтахаби Тоҷикистон оид ба футбол дар шаҳри Риёз нахустин тамринҳоро анҷом дод
ФУТБОЛ. Имрӯз дастаи олимпии Тоҷикистон (U-23) дар Душанбе бо дастаи мунтахаби Ветнам бозӣ менамояд