Мусобиқаҳои варзишӣ бахшида ба Соли ҷавонон дар Донишгоҳи давлатии Хоруғ
ХОРУҒ, 04.03.2017. /АМИТ «Ховар»/. Бахшида ба Соли ҷавонон байни донишҷӯёни факултаҳои Донишгоҳи давлатии шаҳри Хоруғ мусобиқа аз намуди футболи хурд баргузор шуд. Дар сабқат 11 тим ширкат меварзанд ва он то Иди байналмилалии Наврӯз идома меёбад. Муовини ректор Мамад Алимшоев гуфт, ки чанд сол пеш дар фасли зимистон мо имкони ташкили мусобиқаҳои варзишӣ надоштем. Аммо бо кумаку дастгирии Пешвои миллат соли 2010 дар шаҳри Хоруғ Қасри бошукӯҳи варзиш бунёд гардид ва мутобиқи шартнома бо Раёсати ҷавонон, варзиш ва сайёҳии ВМКБ ин қаср дар ихтиёри донишҷӯёни донишгоҳ мебошад. Ду рӯз пеш мусобиқа аз намуди волейбол байни донишҷӯдухтарон бо ҳузури садҳо нафар мухлисон доир шуд ва бо пирӯзии дастаи мунтахаби донишгоҳ ба поён расид. Ногуфта намонад, ки аксарияти аъзои дастаи мунтахаби вилоят аз намуди волейболро донишҷӯёни ин донишгоҳ ташкил медиҳанд, ки бештар аз 10 маротиба чемпиони ҷумҳурӣ дар намуди варзиш гардидаанд.
Муовини ректори донишгоҳи мазкур гуфт, ки дар чаҳорчӯби барномаи истиқбол аз соли ҷавонон дар рӯзҳои наздик конфронси илмию назариявӣ таҳти унвони «Имконоти рушди сайёҳии ҷумҳурӣ аз нигоҳи ҷавонон» бо ширкати олимони ҷавон ва донишҷӯёни фаъол баргузор мегардад.
Дар ҷануби Чин тақрибан 110 ҳазор нафар аз сабаби бориши шадид ба ҷойи бехавф бурда шуданд
Сарфакорона истифода бурдани неруи барқ воситаи хеле муҳими таъминоти пурра бо барқ аст
Ширкати МегаФон Тоҷикистон бахшида ба Рӯзи пойтахти Тоҷикистон — Душанбе туҳфа намуд
Бар асари бархӯрди чархболҳо дар Малайзия 10 нафар ба ҳалокат расид
Гули шукуфта рамзи Соли ҳаракати ихтиёриёни ИДМ гардид
Дар партави Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф конференсияи илмӣ-амалӣ гузаронида шуд
Корхонаи бофандагии «Пиллаи тоҷик» аз абрешим атласу адраси аълосифат истеҳсол менамояд
Гурӯҳҳои корӣ дар ноҳияи Варзоб ба сокинони ҷамоатҳои шаҳраку деҳот иҷрои қонунҳои миллиро мефаҳмонанд
Имрӯз дар Тоҷикистон ҳавои тағйирёбандаи бебориш дар назар аст
Дар ҷамоатҳои шаҳру деҳоти Кӯлоб ҳашари тозагӣ гузаронида шуд
Роҳи байнишаҳрии Ҳисор-Айнӣ-Душанбе таъмир карда мешавад
СММ: 800 ҳазор нафар дар Ал-Фашир зери хатари ниҳоят шадид қарор доранд
