Намоишгоҳи ҷаҳонии сайёҳии Берлин дар тарғиби Тоҷикистон ҳамчун кишвари ҷолиби сайёҳӣ саҳми муносиб гузошт

Март 15, 2017 11:04

ДУШАНБЕ, 15.03.2017 /АМИТ «Ховар»/. 12 марти соли 2017 дар шаҳри Берлини Олмон бузургтарин намоишгоҳи ҷаҳонии сайёҳӣ, ки ҳамасола таҳти васояти Созмони ҷаҳонии туристӣ баргузор мегардад, ба кори худ анҷом бахшид. Ҷиҳати натиҷагирӣ аз иштироки Тоҷикистон дар кори ин намоишгоҳ дар Сафорати Ҷумҳурии Тоҷикистон мулоқоти роҳбари ҳайати Тоҷикистон, муовини аввали Раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Ризо Назарзода бо Сафири Тоҷикистон Маликшо Неъматов баргузор гардид. Дар мулоқот зикр гардид, ки Ҷумҳурии Тоҷикистон бори даҳум аст дар ин намоишгоҳи сатҳи ҷаҳонӣ иштироки фаъолона менамояд. Солҳои охир гӯшаи Тоҷикистон дар сатҳи баланд омода карда шуда, ширкатҳои сайёҳии кишвар ба кори он мутахассисони варзидаро ҷалб менамоянд. Ҳамзамон маводи пурмазмун ва ҷолиби диққат ба дӯстдорони сайру саёҳат пешниҳод мегардад. Дар ҳошияи намоишгоҳ даҳҳо мулоқот ва вохӯриҳои корӣ баргузор гардида, шартномаҳои ҳамкорӣ бо ширкатҳо аз кишварҳои гуногун ба имзо расонида мешаванд.
Бояд иброз дошт, ки ҳамасола дар кори намоишгоҳ наздики 188 кишвар гӯшаи худро созмон дода, садҳо ширкатҳои бонуфузи ҷаҳонӣ имконоти худро ба маърази иштирокчиён ва коршиносони соҳа пешниҳод менамоянд.
Зимни суҳбат таъкид шуд, ки саҳми ин намоишгоҳ дар ташвиқу тарғиби имконот ва захираҳои сайёҳии кишаварамон хеле назаррас мебошад, бинобар ин Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон барои ҷалби ҳарчӣ бештари ширкатҳои ватанӣ ба кори ин намоишгоҳ дар солҳои оянда тадбир меандешад.
Сафорати Тоҷикистон дар Олмон барои иштироки намояндагони кишварамон дар чунин намоиши сатҳи баланд мусоидати сазовор хохад кард.

Март 15, 2017 11:04

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт