Натиҷаи мусовӣ «Ҳосилот»-ро аз мубориза барои Ҷоми КФО берун кард

Март 1, 2017 11:08

ДУШАНБЕ, 01.03.2017/АМИТ «Ховар»/. Натиҷаи мусовии 1:1, ки дирӯз дар бозии ҷавобии Ҷоми Конфедератсияи футболи Осиё дар Варзишгоҳи марказии шаҳри Душанбе бо иштироки «Ҳосилот»-и Фархор ва «Дордой»-и Бишкек ба қайд гирифта шуд, «Ҳосилот»-ро аз мубориза барои Ҷоми КФО берун кард.
Ин бозӣ 27 феврал дар ҳузури беш аз 8 000 тамошобин дар Варзишгоҳи марказии шаҳри Душанбе сурат гирифт. Голи ниҳоят тези меҳмонон дар дақиқаи 6-ум баъди зарбаи кунҷӣ аз ҷониби Ислам Шамшиев ба рӯҳияи футболбозони тоҷик таъсир гузошт. Баъди ба майдон омадани Муҳаммадҷони Ҳасан ва Саидалии Сафаралӣ ин ду бозингар тавонистанд дар дақиқаи 90+1 голи ҷавобиро ба дарвозаи Валерий Кашуба равон намоянд.
Ин натиҷаи мусовӣ ба «Ҳосилот» имкон надод, ки муборизаро барои Ҷоми КФО идома диҳад, зерро бозии аввали ин дастаҳо дар Қирғизистон бо натиҷаи 1:0 ба фоидаи «Дордой» анҷом ёфта буд. Чемпиони нуҳкаратаи Қирғизистон дар маҷмӯъ бо нишондоди 2:1 дастболо гардид.
Ба ин тартиб, дастаи «Дордой» ба даври гурӯҳии Ҷоми КФО-2017 роҳ ёфт ва акнун дар гурӯҳи «D» бо се чемпиони Осиёи Марказӣ «Истиқлол» (Тоҷикистон), «Алтин Асир» (Туркманистон) ва «Алай» (Қирғизистон) барои Ҷом рақобат мекунад.
«Дордой» бозии аввали худро дар Варзишгоҳи марказии шаҳри Душанбе бо дастаи «Истиқлол» мегузаронад.
Тақвими мукаммали гурӯҳи «D»-и минтақаи марказ чунин аст:
Даври 1-ум
14 март (сешанбе)
«Истиқлол» (Тоҷикистон) «Дордой» (Қирғизистон)
«Алай» (Қирғизистон) «Алтин Асир» (Туркманистон)
Даври 2-юм
4 апрел (сешанбе)
« Алтин Асир » (Туркманистон) «Истиқлол» (Тоҷикистон)
«Дордой» (Қирғизистон) «Алай» (Қирғизистон)
Даври 3-юм
18 апрел (сешанбе)
«Истиқлол» (Тоҷикистон) «Алай» (Қирғизистон)
«Дордой» (Қирғизистон) « Алтин Асир » (Туркманистон)
Даври 4-ум
3 май (чоршанбе)
«Алай» (Қирғизистон) «Истиқлол» (Тоҷикистон)
« Алтин Асир » (Туркманистон) «Дордой» (Қирғизистон)
Даври 5-ум
17 май (чоршанбе)
«Дордой» (Қирғизистон) «Истиқлол» (Тоҷикистон)
« Алтин Асир » (Туркманистон) «Алай» (Қирғизистон)
Даври 6-ум
31 май (чоршанбе)
«Истиқлол» (Тоҷикистон) «Алтин Асир» (Туркманистон)
«Алай» (Қирғизистон) «Дордой» (Қирғизистон).

Март 1, 2017 11:08

Хабарҳои дигари ин бахш

«ANTALYA GRAND SLAM-2024». Ҷудочии тоҷик Эмомалӣ Нуралӣ ба финал баромад
Ширкати «Париматч Тоҷикистон» сарпарасти кулли Лигаи якум-2024 гардид
Варзишгарони ҷавони тоҷик дар мусобиқаҳои байналмилалӣ оид ба бокс дар Остона ва Боку сазовори медалҳои биринҷӣ гардиданд
Имрӯз мусобиқаи «Antalya Grand Slam-2024» оид ба ҷудо оғоз мешавад
Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд