Наврӯз-падидаи фарҳангӣ дар тамаддуни ҷаҳонӣ

Март 15, 2017 17:06

Хабарҳои мавзӯъ

Навруз МТС (1)

ДУШАНБЕ, 15.03.2017/АМИТ «Ховар»/. «Наврӯз -падидаи фарҳангӣ дар тамаддуни ҷаҳонӣ»- таҳти чунин унвон дар арафаи ҷашни ҷаҳонии Наврӯз дар Душанбе бо ҳузури донишмандони шинохтаи бахши таъриху адабиётшиносӣ, мардумшиносию фарҳангшиносӣ ҳамоиши наврӯзӣ баргузор гардид. Маркази тадқиқоти стратегии назди Президенти Ҷумҳурии Тоҷикистон, Академияи илмҳо ва Вазорати маориф ва илми кишвар аз созмондиҳандагони ҳамоиши наврӯзӣ буданд.
Дар ҳамоиш донишмандону муаррихон ва наврӯзшиносон доир ба арзишҳо, паҳлӯҳои гуногун ва аҳамияти ин ҷашни бостонии мардумони сайёра сухан карданд.
Таъкид шуд, ки ҷашни Наврӯз таърихи 6 ҳазорсола дошта, зуҳури онро ба аҳди шоҳ Ҷамшед нисбат медиҳанд. Ҷашни Наврӯз эҳёи табиат баъд аз сардиҳои фасли дай ва қадам ранҷа намудани баҳори сабзпӯш аст, ки онро арӯси сол ҳам меноманд. Иштирокдорони ҳамоиш ҳамзамон доир ба ҷойгоҳи Наврӯз дар Тоҷикистон, ки ватани Наврӯз номаш мебаранд, ибрози назар намуданд. Зикр шуд, ки дар Тоҷикистон, ки сарзамини фарҳангист ва Наврӯз ҷойгоҳи хоса дорад. Тоҷикистон дар радифи дигар кишварҳои ҳавзаи Наврӯз дар ҷаҳонӣ гардидани Наврӯзи бостон аз нақши муассир бархӯрдор аст. Хусусан бо иқдомоти Президенти кишвар Эмомалӣ Раҳмон ҷашни байналмилалии Наврӯз ҳамасола дар Тоҷикистон дар сатҳи давлатӣ бо баргузории тантанаҳои бузурги фарҳангӣ, ҳамоишҳои илмию фарҳангӣ ва чорабиниҳои гуногуни варзишӣ ботантана ва дар сатҳи баланд истиқбол гирифта мешавад. Дар пойтахти кишвар-шаҳри Душанбе бунёди Наврӯзгоҳ бозгӯи ҷойгоҳи баланд доштани Наврӯз аст.
Иштирокдорони ҳамоиш ҳамзамон доир ба анъанаҳои Наврӯз, рамзи ваҳдатофарии он, инчунин таҷлили ҷашни Наврӯз дар таҳкими дӯстиву рафоқат, ҳамдилию ҳамгироии мардумони кишварҳои ҳавзаи Наврӯз ва тарғиби фазилатҳои неку шоистаи инсонӣ сухан карданд. Зикр шуд, ки Наврӯз воқеан ҷашни покию созандагӣ, паҳлавонию ҷавонмардӣ ва аз ҳама беш- пирӯзии некӣ ба бадӣ ва нур бар зулмот аст.

Март 15, 2017 17:06

Хабарҳои дигари ин бахш

Намоиши Суратхои Навруз Саидов (1)Асо ҳам як замоне шохаи сабз будааст. Намоиши аксҳо бахшида ба Рӯзи ҳифзи муҳити зист
Малика собироваШамсиддин Орумбекзода: «Малика Собирова чун ситораи нотакрори рақси классикӣ ва балет дар қалби мухлисони ҳунар боқӣ мемонад»
Шабе дар Осорхона---- (8)«Шабе дар осорхона» фарогири ҳунарҳои дастии мардумӣ, рассомӣ, намоиши либосҳои арӯсӣ ва аксҳои беҳтарин буд
Дир Осорхона18 май-Рӯзи умумиҷаҳонии осорхонаҳо: иқдоми «Шабе дар осорхона» ба ин сана бахшида шудааст
Шашмаком7Имрӯз-Рӯзи Шашмақом: ба санъати бузург дар Тоҷикистон таваҷҷуҳи хосса зоҳир мешавад
Китоби Рамазон Абдулатипов (2)Дар Китобхонаи миллии Тоҷикистон «Халқи тоҷики ман»-и Рамазон Абдулатипов муаррифӣ гардид
Кушодашавии Рузхои Фарханги Узбекистон.Холиса (1)Эҳсоси шоми мусаффо ва дӯстӣ зимни ифтитоҳи маросими ботантанаи Рӯзҳои фарҳанги Ӯзбекистон дар Тоҷикистон
Хощим Г-2Ҳошим Гадо-«Рӯдакӣ», «Сино» ва «Суҳроб»-и саҳнаи тоҷик аст!
DSC_0795Шамсиддин Орумбекзода: «Рӯзҳои фарҳангии мардумони тоҷику ӯзбек барои ҳамкории зичи ҳунармандон роҳи бузург мекушоянд»
Ҳайати расмӣ ва эҷодии Ҷумҳурии Ӯзбекистон ба Тоҷикистон омадандШоми имрӯз дар Душанбе Рӯзҳои фарҳанги Ҷумҳурии Ӯзбекистон расман оғоз меёбанд
Юлдуз Усманова-0«Бозгашти ошно»: Юлдуз Усмонова ба Тоҷикистон меояд
Ота ФильмРӯзҳои фарҳанги Ӯзбекистон дар Душанбе бо намоиши аккосии «Ӯзбекистони муосир» оғоз меёбанд