Парлумон ба қонуни Буҷети давлатӣ барои соли 2017 илова ворид менамояд

Март 13, 2017 14:43, 326 хонанда

Хабарҳои мавзӯъ

Парлумон

ДУШАНБЕ, 13.03.2017/АМИТ «Ховар»/. Лоиҳаи Қонуни Ҷумҳурии Тоҷикистон «Оид ба ворид намудани илова ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2017» дар ҷаласаи Шӯрои палатаи поёнии Парлумони мамлакат 13 март таҳти раёсати Шукурҷон Зуҳуров, Раиси Маҷлиси намояндагон баррасӣ шуд.
Шариф Раҳимзода, Раиси кумитаи Маҷлиси намояндагон оид ба иқтисод ва молия зимни тавзеҳи масъалаи мазкур гуфт, ки ҳадафи ворид намудани илова ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2017» 50 фоиз коҳиш додани ҳаҷми боҷи гумрукӣ барои воридоти мошинҳои нав ба ҷумҳурӣ мебошад. Дар ин росто, тибқи ворид намудани илова ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2017» мошинҳои воридотие, ки санаи истеҳсолашон то як сол ва масофаи тайнамудаашон то 10 ҳазор километрро ташкил медиҳанд, аз пардохти боҷи гумрукӣ ба андозаи 50 фоиз озод карда мешаванд.
Бояд тазаккур дод, ки самти асосии ворид намудани илова ба қонуни мазкур ҷиҳати иҷрои банди 23 Нақшаи чорабиниҳои Паёми Президенти Ҷумҳурии Тоҷикистон аз 22 декабри соли 2016 «Дар бораи самтҳои асосии сиёсати дохилию хориҷии Ҷумҳурии Тоҷикистон» нигаронида шудааст.
Дар ҷаласаи Шӯро ҳамзамон Созишнома дар бораи ҳамкории давлатҳои аъзои Созмони ҳамкории Шанхай оид ба масъалаҳои сарҳадӣ баррасӣ гардид.

Март 13, 2017 14:43, 326 хонанда

Хабарҳои дигари ин бахш

мухокима парлумониБаррасии вазъи маблағгузории пардохти нафақа ва кумакпулиҳои иҷтимоӣ дар Парлумон
иктВАЗИР: Соҳибкороне, ки аз оғози сол мошинҳои нав ворид намудаанд, аз имтиёз бархӯрдоранд
shuroi-olli-6Баррасии лоиҳаи Кодекси тандурустии Ҷумҳурии Тоҷикистон дар Парлумон
Ваколати вакил -М.КаландарзодаВаколати вакили Маҷлиси намояндагон пеш аз муҳлат қатъ гардид
Парлумон 2Парлумони Тоҷикистон Қонун «Дар бораи бехатарии сейсмикӣ»-ро қабул кард
ШуроБа қонун дар бораи Палатаи ҳисоб тағйирот ворид мегардад
Ш.Зухуров & РаббониОромии Афғонистон оромии минтақа аст
Парлумон6Дар ҷаласаи Маҷлиси миллӣ 50 масъала баррасӣ ва ҷонибдорӣ гардиданд
Юсуф Раҳмон: «Шомилшавии шаҳрвандони Тоҷикистон ба сафи созмонҳои экстремистию террористӣ коҳиш ёфтааст»
Парлумон-слайдИмрӯз дар Душанбе иҷлосияи нуҳуми Маҷлиси миллӣ баргузор мегардад
Парлумон-слайдДар Душанбе иҷлосияи нуҳуми Маҷлиси миллии Маҷлиси Олии Ҷумҳурии Тоҷикистон баргузор мегардад
Парлумон 2Дар Тоҷикистон дар бораи бехатарии сейсмикӣ қонуни нав қабул мегардад