Пентагон: Террористони «Давлати исломӣ» баъди аз даст додани Раққа ва Мосул ба водии Фурот ақибнишинӣ мекунанд

Март 9, 2017 11:56

Хабарҳои мавзӯъ

Irak-1-1

ДУШАНБЕ, 09.03.2017 /АМИТ «Ховар»/. Ҷангиёни гурӯҳи террористии «Давлати исломӣ» (ДИ, мамнӯъ дар Тоҷикистон) дар сурати аз даст додани ду шаҳри стратегиии барояшон муҳимтарин Мосули Ироқ ва Раққаи Сурия ба водии дарёи Фурот ақибнишинӣ мекунанд. Дар ин бора рӯзи чоршанбе, 8 март намояндаи Пентагон дар суҳбат бо хабарнигорон изҳор дошт.
«Гумон намекунам, ки террористон аз нақшаҳои нигоҳ доштани ҳудудҳои «хилофат»-и худ даст кашида бошанд», — зикр кард ӯ ва афзуд, ки «онҳо тасмим доранд пас аз озод гардидани Мосул ва Раққа мисли ба ном давлат бо марказ дар водии Фурот фаъолият намоянд».
Тавре аз Пентагон зикр карданд, «пойтахт»-и нави ДИ дар минтақаи сарҳадҳои Сурия ва Ироқ ҷой хоҳад гирифт. Дар баробари ин, ҷангиён муборизаро барои ҳудудҳои зери тасарруфашон идома медиҳанд.
Тибқи маълумоти иктишофии Амрико, роҳбарони ДИ тарк намудани шаҳри Раққаро оғоз карда, ба минтақаҳои бехавфи водии Фурот равон шуданд. Ба таъкиди намояндаи Пентагон, ҷангиён кӯшиш менамоянд «роҳбарияти худро аз нав таъсис диҳанд».
Бино ба маълумоти охир, террористон 65 дарсади ҳудудҳоеро, ки се сол пеш дар ихтиёр доштанд, аз даст додаанд. Пентагон теъдоди онҳоро дар ҳоли ҳозир 15 ҳазор нафар арзёбӣ менамояд. Ҳамзамон манбаъ меафзояд, ки дар маҷмӯъ аз лаҳзаи оғози амалиёти эътилофи байналмилалӣ таҳти роҳбарии ИМА соли 2014 тақрибан нисфи ҷангиёни ин гурӯҳи террористӣ нобуд карда шудаанд.
Овозаи марги роҳбари ДИ Абубакр ал-Бағдодиро шаҳр дода, намояндаи Пентагон таъкид намуд, ки ӯ ҳоло ҳам зинда аст, вале Мосулро тарк кардааст. «Фикр намекунам, ки ӯ дар муборизаҳое, ки дар шаҳр бурда мешаванд, таъсир расонад», — гуфт манбаъ.

Март 9, 2017 11:56

Хабарҳои дигари ин бахш

KadyrovРамзан Қодиров пешниҳод кард, ки шабнишинии занги охир дар мактабҳо гузаронида нашавад
PolitsiyaСардори полиси шаҳри Манчестер содир шудани амали террористиро тасдиқ кард
BezvozmezdnayaИМА аз расонидани кумаки ҳарбии бебозгашт ба Украина даст кашид
Kosmos-2Имрӯз астронавтҳои Стансияи байналхалқии кайҳонӣ барои таъмири таҷҳизот ба фазои кайҳон мебароянд
V-Sirii-vzorvali-shtab-vooruzhennoj-gruppirovki-Ahrar-ash-SHam-pogibli-40-boevikovДар Сурия ситоди гурӯҳи мусаллаҳи «Аҳрор аш-Шам» тарконда шуда, 40 нафар ҷангиён кушта шуданд
ША СММШӯрои амнияти СММ вобаста ба озмоиши навбатии ракетаи баллистикӣ аз ҷониби Кореяи Шимолӣ ҷаласаи таъҷилӣ баргузор мекунад
Na-yuge-Livii-svyshe-140-chelovek-pogibli-v-rezultate-ataki-na-aviabazuДар қисмати ҷанубии Ливия зиёда аз 140 нафар дар натиҷаи ҳамла ба пойгоҳи ҳарбӣ кушта шуданд
багдадДар натиҷаи ду таркиш дар навоҳии атрофи Бағдод 11 нафар одамон кушта шуданд
ZHitel-Myunhena-sovershil-akt-samosozhzheniya-v-tsentre-gorodaСокини Мюнхен дар маркази шаҳр худро оташ задааст
ХавопаймоНеруҳои ҳарбии эътилофи байналмилалӣ ба мавқеи дастаҳои ҷангии пуштибони ҳукумати Сурия ҳамла намуданд
OgranichenieХадамоти назоратии Россия ба вуруди маҳсулоти ширӣ аз ҷумҳурии Беларус маҳдудият ҷорӣ намуд
ООН-1СММ аз ҷонибҳои даргир дар Афғонистон даъват кард, ки ба ҳалокати кӯдакон роҳ надиҳанд