Пешвои миллат дар рушди телевизионҳои тоҷик ва ВАО саҳми арзанда доранд

Март 10, 2017 17:06

ДУШАНБЕ, 10.03.2017 /АМИТ «Ховар»/. Имрӯз бахшида ба 20-солагии таъсиси кафедраи журналистикаи телевизиони Донишкадаи давлатии фарҳанг ва санъати Тоҷикистон ба номи Мирзо Турсунзода, ҳамчунин 105-солагии Рӯзи матбуоти тоҷик ва 20-солагии Рӯзи Ваҳдати миллӣ конфронси ҷумҳуриявӣ таҳти унвони «Нақши Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон Эмомалӣ Раҳмон дар рушди воситаҳои ахбори омма» баргузор гардид.
Ҷумъа Қуддус, муаллим ва яке аз ташкилкунандагони кафедраи журналистикаи телевизиони донишкадаи мазкур дар суҳбат ба мухбири АМИТ «Ховар» гуфт, ки «падидаи ташкили ин кафедра аз сиёсати хирадмандонаи Ҳукумати Ҷумҳурии Тоҷикистон баъди истиқлолияти давлатӣ маншаъ мегирад. Зеро барои телевизионҳои мо чунин рӯзноманигороне зарур буданд, ки онҳо на танҳо бо сухан кор карда тавонанд, балки сухани хуб дошта бошанд ва ҳам бо асбобу дастгоҳҳои телевизион пурра шинос бошанд. Аз ин сабаб чунин кафедра дар Донишкадаи санъат ифтитоҳ гардид. Дар ин ҷо наворбардорон ва режиссёрон омода мешаванд. Ва ба донишҷӯён маҳорати актёрӣ низ омӯзонида мешавад».
Санавбар Мирмуллоева, декани факултаи театру кино ва телевизиони Донишкада дар суҳбат зикр намуд, ки «боиси хурсандист, ки имрӯз дар тамоми расонаҳо, матбуот ва телевизионҳои мухталифи ҷумҳурӣ донишҷӯёни мо фаъолият доранд ва дар ин соҳа саҳми арзанда мегузоранд. Пешвои миллат воқеан ҳам дар рушди телевизионҳои тоҷик ва ВАО саҳми арзанда доранд».
Бояд зикр намуд, ки имрӯз аз таъсиси кафедраи журналистикаи телевизиони Донишкадаи давлатии фарҳанг ва санъати Тоҷикистон 20 сол сипарӣ гардид. Кафедраи мазкур соли 1997 таъсис ёфта, то имрӯз кадрҳои зиёде омода намудааст, ки дар тамоми расонаҳои кишвар фаъолият доранд.

Март 10, 2017 17:06

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад